Surya Grahan 2023 : काय असते हायब्रिड सूर्यग्रहण? वेगवेगळ्या देशात किती वाजता दिसले?
सूर्यग्रहणाची विशेष धार्मिक मान्यता देखील आहे. असे मानले जाते की ज्या देशांमध्ये सूर्यग्रहण दिसते, तेथे सुतक कालावधी सुरू होतो. सुतक काळ हा अशुभ काळ मानला जातो
मुंबई : संपूर्ण सूर्यग्रहणाला इंग्रजीत हायब्रिड सूर्यग्रहण (Hybrid Surya Grahan) म्हणतात जेव्हा सूर्य आणि पृथ्वीच्या मधून जात असताना चंद्र सूर्याला पूर्णपणे झाकतो आणि त्यामुळे चंद्राची सावली पृथ्वीवर पडते आणि पृथ्वीचे अनेक भाग पूर्णपणे गडद होतात. कंकणाकृती ग्रहण किंवा आंशिक ग्रहण इत्यादी ग्रहणांचे अनेक प्रकार आहेत, परंतु या ग्रहणांच्या घटनेवर, सूर्याचे बाह्य स्वरूप दृश्यमान आणि स्पष्टपणे दिसते किंवा सूर्य केवळ अंशतः ग्रहण होतो. परंतु, संपूर्ण सूर्यग्रहणात (Surya Grahan 2023) चंद्र सूर्याला पूर्णपणे झाकतो.
सूर्यग्रहण कधी आणि कुठून दिसणार
20 एप्रिलला म्हणजेच आज संपूर्ण सूर्यग्रहण ऑस्ट्रेलियामध्ये 10:29 ते 10:35 PM EDT (0229 ते 0235 GMT) आणि इंडोनेशियामध्ये 11:23 PM ते 11:58 PM EDT (0323 ते 0358 GMT) 20 एप्रिल रोजी होईल. तर, पूर्व तिमोरमध्ये ते रात्री 11.19 ते रात्री 11.22 EDT (0319 ते 0322 GMT) पर्यंत दिसेल.
सूर्यग्रहणाबद्दल धार्मिक श्रद्धा
सूर्यग्रहणाची विशेष धार्मिक मान्यता देखील आहे. असे मानले जाते की ज्या देशांमध्ये सूर्यग्रहण दिसते, तेथे सुतक कालावधी सुरू होतो. सुतक काळ हा अशुभ काळ मानला जातो आणि लोकांना या काळात काही गोष्टी लक्षात ठेवण्याचा सल्ला दिला जातो. मात्र, हे सूर्यग्रहण भारतातून दिसणार नाही, त्यामुळे कोणत्याही प्रकारचा सुतक काळ वैध राहणार नाही.
सुतक कालावधी वैध राहणार नाही
सूर्यग्रहणाचा सुतक कालावधी सूर्यग्रहणाच्या 12 तास आधी सुरू होतो. ज्योतिषशास्त्रात सुतक काळ अशुभ मानला जातो. या काळात कोणतेही शुभ कार्य केले जात नाही. मात्र, हा सुतक काळात ग्रहण दिसत असतानाच वैध असतो. 20 एप्रिल रोजी होणारे ग्रहण भारतात दिसणार नाही. म्हणूनच येथे सुतक कालावधीचाही विचार केला जाणार नाही. यावेळी मंदिराचे दरवाजे बंद केले जाणार नसून सर्व धार्मिक कार्य करता येणार आहेत. गर्भवती महिलांनी वेद पाळण्याची गरज नाही.
