Shravan 2022: श्रावणात अशा प्रकारे करा महादेवाची पूजा, पूजेचे नियम आणि महत्त्व

देवशयनी एकादशीपासून भगवान विष्णू सृष्टीचा भार भगवान शंकरावर सोपवून योगनिद्रेत जातात. त्यामुळे या काळात भगवान शिवाच्या आराधनेला विशेष महत्त्व आहे.

Shravan 2022: श्रावणात अशा प्रकारे करा महादेवाची पूजा, पूजेचे नियम आणि महत्त्व
श्रावण पूजा
Image Credit source: Social Media
नितीश गाडगे

|

Jul 29, 2022 | 10:25 AM

महादेवाच्या उपासनेसाठी श्रावण महिना सर्वोत्तम काळ मानला जातो. त्यामुळेच महादेवाचे भक्त वर्षभर या पवित्र महिन्याच्या आगमनाची आतुरतेने वाट पाहत असतात. देवशयनी एकादशीपासून भगवान विष्णू सृष्टीचा भार भगवान शंकरावर सोपवून योगनिद्रेत जातात. त्यामुळे या काळात भगवान शिवाच्या आराधनेला विशेष महत्त्व आहे. शिवाचा आशीर्वाद देणारा श्रावण महिना आज 29 जुलै 2022 पासून सुरू झाला असून 26 ऑगस्टपर्यंत चालणार आहे. भगवान शंकराचा आशीर्वाद घेण्यासाठी त्यांचे भक्त श्रावण महिनाभर त्यांचे पूजन, जप, उपवास (Shrawan puja) करतात. कोणी त्यांना दूध अर्पण करून तर कोणी गंगाजल अर्पण करून प्रसन्न करण्याचा प्रयत्न करतात. श्रावण महिन्यात, केव्हा, कोणत्या दिवशी आणि कोणत्या पद्धतीने तुम्हाला शिवपूजेचे पूर्ण फळ मिळेल, ते सविस्तर जाणून घेऊया.

श्रवणामध्ये कोणत्या पूजेने महादेव होतील प्रसन्न ?

भगवान शिवाला प्रिय असलेल्या श्रावण महिन्यात, दररोज सूर्योदयापूर्वी उठण्याचा प्रयत्न करा आणि दररोज स्नानाच्या पाण्यात थोडेसे गंगेचे पाणी टाकून स्नान करा. श्रावण महिन्यात प्रदोष काळातच भगवान शिवाची पूजा करण्याचा प्रयत्न करा, कारण या काळात पूजा केल्याने देवांचे देव महादेव प्रसन्न होतात आणि इच्छित वरदान देतात. श्रावण महिन्यात शिवपूजनात गंगाजलासह महादेवाला प्रिय असलेले शमी आणि बेलपत्र अर्पण करा. ही दोन्ही पानं  नेहमी देठ तोडून उलटे अर्पण करावीत. श्रावण महिन्यात भगवान शंकराला दूध, दही, मध इत्यादी अर्पण केल्यानंतर जल अर्पण करावे. तांब्याच्या भांड्यातून जल अर्पण केल्याने विशेष फायदा मिळतो. शेवटी सर्वात महत्वाची गोष्ट म्हणजे भगवान शंकराची अर्धीच प्रदक्षिणा करावी.

श्रावण महिन्यात अशी करा महादेवाची पूजा

श्रावण महिन्यात देवी सतीने दुस-या जन्मात कठोर नामस्मरण आणि उपवास करून महादेवाची प्राप्ती केली,  श्रावण महिन्यातील सोमवार व्रत करताना शिवपूजेशी संबंधित काही नियम सांगण्यात आलेले आहेत. सर्वात महत्त्वाची गोष्ट म्हणजे भगवान शंकराच्या पूजेमध्ये गंगाजलाचा वापर केलाच पाहिजे. असे मानले जाते की, भगवान शिवाचे सर्वात प्रिय गंगाजल अर्पण केल्याने, शिवभक्ताला अश्वमेध यज्ञासारखेच पुण्य प्राप्त होते. श्रावण महिन्यात महादेवासह पार्वती, गणपती, कार्तिकेय आणि नाग देवता यांची देखील अवश्य पूजा करावी.

हे सुद्धा वाचा

श्रावण सोमवारच्या तारखा आणि शिवमूठ

  1. यंदा पहिला श्रावण सोमवार (First shravan somwar 2022) हा 1 ऑगस्ट रोजी येणार आहे. या दिवशीचे शिवपूजन शिवामूठ तांदूळ आहे. याशिवाय याच दिवशी विनायक चतुर्थी असल्याने अत्यंत शुभ दिवस आहे.
  2. दुसरा श्रावण सोमवार 8 ऑगस्टला येणार आहे. यादिवशीशी शिवपूजन शिवमूठ तीळ आहे. यादिवशी पुत्रदा एकादशीसुद्धा आहे.
  3. तिसरा श्रावण सोमवार 15 ऑगस्टला येणार आहे. या दिवशीची शिवपूजन शिवमूठ मूग आहे. याच दिवशी संकष्ट चतुर्थी असून 15 ऑगस्टला स्वातंत्र्य दिनसुद्धा आहे.
  4.  चौथा श्रावण सोमवार 22 ऑगस्टला येतोय. या सोमवारची शिवपूजन शिवमूठ जव आहे. या दिवशी एकादशीसुद्धा आहे.

(वरील माहिती उपलबध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें