BBL 10 | चुकीच्या पद्धतीने बाद दिल्याने मिचेल मार्श संतापला, भर मैदानात अंपायरला शिवीगाळ, पाहा व्हिडीओ

शनिवारी 30 जानेवारीला पर्थ स्कॉर्चर्स (Perth Scorchers) विरुद्ध सिडनी सिक्सर्स (Sydney Sixers) यांच्यात सामना खेळण्यात आला. या सामन्यादरम्यान हा सर्व प्रकार घडला.

मिचेल मार्श

sanjay patil | Updated on: Jan 31, 2021 | 1:13 PM

सिडनी : ऑस्ट्रेलियात बीग बॅश लीग (Big Bash League 10) स्पर्धा अंतिम टप्प्यात आहे. अनेक सामने हे रंगतदार होत आहेत. स्पर्धेत रंगत आणण्यासाठी या मोसमात नवे 3 नियमांची अंमलबजावणी करण्यात आली. मात्र या मोसमात पंचांच्या कामिगिरीबाबत नाराजी व्यक्त केली जात आहे. तसेच प्रश्नचिन्ह निर्माण करण्यात आले. अशातच या स्पर्धेत पंचाने खेळाडू बाद घोषित केल्याने ऑस्ट्रेलियाच्या ऑलराऊंडर फंलदाजाला राग अनावर झाला. यामुळे त्याने भर मैदानातच अंपायरला शिवीगाळ केली. या सर्व प्रकाराचा व्हिडीओ सोशल मीडियावर पाहायला मिळत आहे. (bbl 10 Angered by the wrong dismissal Mitchell Marsh use abusive language for umpire)

नक्की काय झालं?

शनिवारी 30 जानेवारीला पर्थ स्कॉर्चर्स (Perth Scorchers) विरुद्ध सिडनी सिक्सर्स (Sydney Sixers) यांच्यात सामना खेळण्यात आला. पर्थचा संघ फलंदाजी करत होता. ऑलराऊंडर मिचेल मार्श (Mitchell Marsh) बॅटिंग करत होता. स्पीनर स्टीव ओ कीफ सामन्यातील 13 वी ओव्हर टाकत होता. या ओव्हरमधील 5 व्या चेंडू लेग स्टंपच्या दिशेने गेला. मार्शने हा चेंडू टोलवण्याचा प्रयत्न केला पण तो अयशस्वी ठरला. बॅटला चेंडूचा स्पर्शही झाला नाही. हा चेंडू विकेटकीपरने अचूक झेलला.

यावर कॅचसाठी अंपायरकडे जोरदार अपिल करण्यात आली. अंपायरने मार्शला तडक बाद घोषित केलं. अंपायरने मार्शला चुकीच्या पद्धतीने बाद घोषित केलं. यामुळे मार्शला राग अनावर झाला. मार्शने आपला संताप व्यक्त केला. बाद दिल्याने मार्श ड्रेसिंग रुमच्या दिशेने निघाला. यावेळेस त्याने भर मैदानात अंपायरला शिवीगाळ केली. हा सर्व प्रकाराचा व्हिडीओ आता व्हायरल होतोय. यामुळे मार्शवर कारवाई होणार का, याकडे क्रिकेटप्रेमींचं लक्ष असणार आहे.

Village.

?‍♂️?‍♂️ ?‍♂️?‍♂️ pic.twitter.com/BM113lceYj

— Cricket on BT Sport (@btsportcricket) January 30, 2021

डीआरएस नसल्याने गैरसोय

अनेक क्रिकेट स्पर्धांमध्ये डीआरस (Umpire Decision Review System) प्रणाली असते. योग्य आणि अचूक निर्णय देण्यासाठी तसेच पंचाच्या निर्णयाला आव्हान देण्यासाठी खेळाडूंना डीआरस घेता येतो. पण या बीग बॅश लीग स्पर्धेत ही डीआरएस प्रणाली नसल्याने गैरसोय होत आहे. तसेच वादही निर्माण होत आहेत. यामुळे या स्पर्धेच्या आयोजकांवर सडकून टीका करण्यात येत आहे.

सिडनीचा 9 विकेट्सने शानदार विजय

जॉश इंग्लिसच्या नाबाद 69 धावांच्या खेळीच्या जोरावर पर्थने 20 षटकांमध्ये 167 धावा केल्या. यामुळे सिडनीला विजयासाठी 168 धावांचे आव्हान मिळाले. सिडनीच्या फलंदाजांनी पर्थच्या गोलंदाजांचा चांगलाच समाचार घेतला. जेम्स विन्सने नाबाद 98 धावांची विजयी खेळी केली. तर जॉश फिलिपेने 45 धावा केल्या. या दोघांच्या शानदार खेळीच्या जोरावर सिडनीने केवळ 1 विकेट्सच्या मोबदल्यात 17 ओव्हरमध्येच विजयी आव्हान पूर्ण केलं.