IND vs SL: श्रीलंकाविरुद्धच्या टेस्ट मालिकेसाठी टीम इंडियाची घोषणा, बुमराहचं कमबॅक, मध्य प्रदेशच्या खेळाडूनं मिळवलं संघात स्थान

बीसीसीआयने आज, 28 जुलै 2026 रोजी श्रीलंकेविरुद्धच्या कसोटी मालिकेसाठी संघाची घोषणा केली आहे. शुभमन गिल कर्णधारपदाखाली दोन कसोटी सामने खेळणार असून, केएल राहुलला उपकर्णधार म्हणून नियुक्त करण्यात आले आहे. विशेष म्हणजे, रवींद्र जडेजाला आठ महिन्यांनंतर कसोटी संघात परत बोलावण्यात आले आहे. जसप्रीत बुमराहचा सहभाग त्याच्या तंदुरुस्तीवर अवलंबून असेल. श्रीलंकेविरुद्ध कसोटी संघ जाहीर होण्यापूर्वी, रवींद्र जडेजाला संधी मिळेल की नाही याकडे सर्वांचे लक्ष लागले होते. त्याने आपला शेवटचा कसोटी सामना 26 नोव्हेंबर 2025 रोजी दक्षिण आफ्रिकेविरुद्ध खेळला होता. तेव्हापासून त्याला एकदिवसीय संघातून वगळण्यात आले होते. पण आता तो मैदानात उतरण्यास सज्ज आहे. जेव्हा भारतीय संघ 15 ऑगस्ट रोजी आपली पहिली कसोटी खेळेल, तेव्हा जडेजा 262 दिवसांनंतर पुनरागमन करेल. याव्यतिरिक्त, फिरकी गोलंदाज सारांश जैनला पहिल्यांदाच राष्ट्रीय संघात स्थान मिळाले आहे.

जसप्रीत बुमराहबाबत मोठी बातमी बीसीसीआयने जसप्रीत बुमराह आणि साई सुदर्शन यांचा संघात समावेश केला आहे. त्यांची तंदुरुस्ती त्यांच्या उपलब्धतेवर अवलंबून असेल. इंग्लंडविरुद्धच्या दुसऱ्या एकदिवसीय सामन्यानंतर या वेगवान गोलंदाजाला नुकतीच गुडघ्याची दुखापत झाली, ज्यामुळे त्याला मालिका-निर्णायक सामना गमवावा लागला. सेंटर ऑफ एक्सल

🚨 News 🚨#TeamIndia‘s squad for the 2⃣-match Test Series against Sri Lanka announced

Note: Washington Sundar was not available for selection for the first Test.

More Details ▶️ https://t.co/Vk0Xd8Axmq #SLvIND pic.twitter.com/NuCcKBohMj

— BCCI (@BCCI) July 28, 2026

न्सकडून तंदुरुस्तीचे प्रमाणपत्र सादर केल्यानंतरच सुदर्शन आणि बुमराह खेळण्यास पात्र ठरतील. अष्टपैलू वॉशिंग्टन सुंदर निवडीसाठी अनुपलब्ध असल्याची माहितीही मंडळाने दिली.

भारत विरुद्ध श्रीलंका कसोटी मालिकेसाठी भारतीय संघ शुभमन गिल (कर्णधार), केएल राहुल (उपकर्णधार), यशस्वी जयस्वाल, ऋषभ पंत (यष्टीरक्षक), साई सुदर्शन, ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, जसप्रीत बुमराह*, मोहम्मद सिराज, प्रसिद्ध कृष्णा, गुरनूर ब्रार, देवदत्त पडिक्कल आणि सारांश जैन.

भारत विरुद्ध श्रीलंका कसोटी मालिकेचे वेळापत्रक वेळापत्रकानुसार, पहिला सामना 15 ते 19 ऑगस्ट दरम्यान गॉल येथे खेळला जाईल. त्यानंतर दुसरी कसोटी 23 ऑगस्ट रोजी कोलंबो येथे सुरू होईल. सर्व सामने भारतीय प्रमाणवेळेनुसार सकाळी 10:00 वाजता सुरू होतील.