अर्जुन तेंडुलकरच्या सासरचे लोकांचा आहे कोट्यवधींचा व्यवसाय, वाचा यादी
लवकरच अर्जुन तेंडुलकर आणि सानिया चंडोक हे विवाहबंधनात अडकणार आहेत. पण अर्जुनच्या सासरचे लोक आहेत कोट्यवधींच्या व्यवसायचे मालक.
Arjun Tendulkar Wedding: ‘मास्टर ब्लास्टर’ सचिन तेंडुलकरचा मुलगा अर्जुन तेंडुलकर लवकरच विवाहबंधनात अडकणार आहे. अर्जुनचा विवाह सानिया चंडोकसोबत होणार असून या लग्नाची सध्या क्रीडा आणि उद्योगविश्वात जोरदार चर्चा सुरू आहे.
अर्जुन आणि सानिया यांच्या लग्नाचा समारंभ 3 मार्च 2026 पासून सुरू होणार आहे. मुख्य विवाहसोहळा 5 मार्च 2026 रोजी एका गुप्त ठिकाणी पार पडणार असल्याची माहिती समोर आली आहे. या शाही लग्नाकडे क्रीडा आणि मनोरंजन विश्वाचे लक्ष लागले आहे.
कशी झाली ओळख?
अर्जुन तेंडुलकर आणि सानिया चंडोक यांची ओळख एका कॉमन फ्रेंडमार्फत झाली होती. ओळखीतून मैत्री आणि पुढे नाते अधिक घट्ट होत गेले. आता हे नाते विवाहाच्या रूपात पुढे जात आहे.
सानिया चंडोक ही यशस्वी उद्योजिका आहे. ती Mr Paws Pet Spa & Store या पाळीव प्राण्यांच्या ग्रूमिंग आणि केअर सेवा देणाऱ्या व्यवसायाच्या संस्थापक आहे. तिने 2020 साली London School of Economics मधून बिझनेस मॅनेजमेंटमध्ये पदवी प्राप्त केली आहे. तसेच तिच्याकडे Worldwide Veterinary Service कडून व्हेटरिनरी टेक्निशियनचा डिप्लोमाही आहे.
प्रभावशाली घई कुटुंबाशी नाते
सानिया चंडोक ही उद्योगविश्वात नावाजलेल्या घई कुटुंबाशी संबंधित आहे. तिचा कौटुंबिक व्यवसाय फूड आणि हॉस्पिटॅलिटी क्षेत्राशी निगडित आहे. घई कुटुंबाचे InterContinental Marine Drive या आलिशान हॉटेलमध्ये मालकी हक्क आहे. तसेच प्रसिद्ध आइसक्रीम ब्रँड Baskin-Robbins भारतात आणण्यात तिच्या कुटुंबाची महत्त्वाची भूमिका राहिली आहे.
सानिया चंडोकच्या कुटुंबाचा कोट्यवधींचा व्यवसाय
सानियाचे वडील सनी चंडोक हे मुंबईतील उद्योगपती असून ते Graviss Hospitality Ltd या कंपनीशी संबंधित राहिले आहेत.
त्यांची आई गौरिका घई या देखील याच ग्रुपच्या नेतृत्व टीमचा भाग आहेत.
सानियाचे आजोबा रवि घई हे प्रसिद्ध उद्योगपती असून Graviss Hospitality Ltd चे नॉन-एक्झिक्युटिव्ह चेअरमन आहेत.
सानियाचे मामा गौरव घई हे सध्या Graviss Group चे मॅनेजिंग डायरेक्टर आहेत. त्यांच्या नेतृत्वाखाली कंपनीने भारत आणि मध्य-पूर्व देशांमध्ये विस्तार केला आहे.
सानियाचा भाऊ ईशान चंडोक याचेही नाव उद्योगविश्वात घेतले जाते.
अलीकडेच कुटुंबीय व्यावसायिक मालमत्तेच्या नियंत्रणावरून काही कायदेशीर वादही समोर आले होते. ज्यामध्ये सनी चंडोक यांचाही उल्लेख झाला होता.
