Video: प्रीति जिंटाने मिठी मारताच अर्शदीप सिंगची अशी होती रिएक्शन, मोहम्मद शमी पाहात राहिला

आयपीएल 2026 स्पर्धेत पंजाब किंग्सची विजयी घोडदौड कायम आहे. पंजाब किंग्सने सहाव्या सामन्यात लखनौ सुपर जायंट्सला 54 धावांनी पराभूत केलं आणि गुणतालिकेत पहिलं स्थान गाठलं. पंजाब किंग्सने प्रथम फलंदाजी करातना 20 षटकात 254 धावा केल्या. या धावांचा पाठलाग करताना लखनौ सुपर जायंट्स संघ 200 धावा करू शकला. या विजयानंतर पंजाब किंग्सच्या खात्यात आणखी 2 गुणांची भर पडली. 11 गुणांसह पंजाब किंग्स संघ गुणतालिकेत अव्वल स्थानी विराजमान झाला आहे. या विजयानंतर पंजाब किंग्सची सहमालकिन आणि बॉलिवूड अभिनेत्र प्रीति जिंटा हीने मैदानात हजेरी लावली. यावेळी तिने संघ सहकाऱ्यांचं कौतुक केलं. विजयानंतर तिने सर्व खेळाडूंची भेट घेतली.यावेळी लखनौ सुपर जायंट्सचे खेळाडूही उपस्थित होते. पण तिने अर्शदीप सिंगला पाहिलं आणि त्याला थेट मिठी मारली. त्यानंतर अर्शदीप सिंगची प्रतिक्रिया भन्नाट होती. ही प्रतिक्रिया सोशल मीडियावर व्हायरल होत आहे.

आयपीएल स्पर्धेत पंजाब किंग्सच्या विजयानंतर प्रीति जिंटा हिने कौतुक करत अर्शदीप सिंगची गळाभेट घेतली. यावेळी अर्शदीप सिंग आनंदी झाला आणि त्याने आपल्या भावना व्यक्त केल्या. त्याचं लहानपणीचं स्वप्न पूर्ण झाल्याचं दिसून आलं. प्रीति जिंटाचे लाखो चाहते आहेत. अर्शदीप सिंगही त्या चाहत्यांपैकी एक आहे. त्यामुळे प्रीति झिंटाने गळाभेट घेताच अर्शदीप सिंग खूश झाला. त्याचा हा व्हिडीओ सोशल मीडियावर व्हायरल होत आहे. मोहम्मद शमी हा प्रकार घडला तेव्हा तिथे उपस्थित होता. अर्शदीप सिंगचं वागणं पाहून त्यालाही हसू आलं. तर प्रीति जिंटाही हसत होती. सोशल मीडियावर युजर्सनी हा व्हिडीओ पसंत केला असून त्याखाली प्रतिक्रिया नोंदवरत आहे.

अर्शदीप सिंग पुन्हा एकदा फॉर्मात परतल्याचं दिसत आहे. गुजरात टायटन्सस, चेन्नई सुपर किंग्स आणि कोलकाता नाईट रायडर्स विरूद्धच्या सामन्यात त्याला एकही विकेट मिळाली नव्हती. पण सनरायझर्स हैदराबादविरुद्ध 2, मुंबई इंडियन्सविरुद्ध 3 आणि लखनौ सुपर जायंट्सविरुद्ध 1 विकेट काढली. अर्शदीप सिंग फॉर्मात आल्याने पंजाब किंग्सच्या चाहत्यांचा जीव भांड्यात पडला आहे. आता पंजाब किंग्सला या स्पर्धेत 8 सामने खेळायचे आहेत. त्यापैकी तीन सामन्यात विजय मिळाला की प्लेऑफमधील जागा पक्की होणार आहे.