IPL 2022 मधील राजस्थान रॉयल्सच्या वादग्रस्त खेळाडूची विजय हजारे ट्रॉफीमध्ये तुफान बॅटिंग, ठोकलं शतक
राजस्थान फ्रेंचायजीने IPL 2023 साठी त्याला रिटेन केलय.
मुंबई: सध्या विजय हजारे ट्रॉफी स्पर्धा सुरु आहे. या स्पर्धेत राजस्थान रॉयल्सच्या एका प्लेयरने तुफानी फलंदाजी केली. त्याने शानदार शतक झळकावलं. IPL 2022 मध्ये हा खेळाडू मैदानावरील वादग्रस्त वर्तनामुळे चर्चेत आला होता. आता त्याने दमदार फलंदाजी करुन प्रचंड फॉर्ममध्ये असल्याचा पुरावा दिलाय. एका आठवड्यात विजय हजारे ट्रॉफी स्पर्धेत त्याने दुसर शतक झळकावलय. मूळाचा हा खेळाडू आसामचा आहे. त्याच्या तुफानी बॅटिंगसमोर सिक्कीमची टीम ढेपाळली. या फलंदाजाच नाव आहे, रियान पराग.
त्याचाच परिणाम फलंदाजीवर दिसतोय
विजय हजारे ट्रॉफीमध्ये रियान पराग आसामच्या विजयात महत्त्वाची भूमिका बजावतोय. त्याच्यावर IPL फ्रेंचायजी राजस्थान रॉयल्सचा विश्वास आहे. राजस्थान फ्रेंचायजीने IPL 2023 साठी रियान परागला रिटेन केलय. कदाचित त्याचाच परिणाम रियान परागच्या फलंदाजीवर दिसून येतोय.
93 चेंडूत 128 धावा
सिक्कीम विरुद्ध आसामने पहिली बॅटिंग केली. त्यांनी 50 ओव्हर्समध्ये 8 विकेट गमावून 307 धावा केल्या. आसामला या धावसंख्येपर्यंत पोहोचवण्यात रियान परागची महत्त्वाची भूमिका राहिली. त्याने 93 चेंडूत 128 धावा फटकावल्या. त्याने या इनिंगमध्ये 5 चौकार आणि 7 सिक्स मारले.
लिस्ट ए मधील दोन शतकं
विजय हजारे ट्रॉफी 2022 मधील हे त्याचं दुसरं शतक आहे. याआधी त्याने राजस्थान विरुद्ध शतक झळकावल होतं. लिस्ट ए करियरमधील ही त्याची दोन शतकं आहेत. रियान पराग शिवाय शिबशंकर रॉयने 50 धावा फटकावल्या. त्यामुळे आसामची धावसंख्या 307 पर्यंत पोहोचली.
