AUSW vs INDW, 1st ODI: भारत विरुद्ध ऑस्ट्रेलिया, सामना कधी, कुठे आणि कसा पाहणार?

भारत आणि ऑस्ट्रेलिया (India vs Australia) महिला क्रिकेट संघामध्ये उद्यापासून (21 सप्टेंबर) तीन एकदिवसीय सामन्यांच्या मालिकेला सुरुवात होत आहे. पहिला सामना ऑस्ट्रेलियातील मकाय येथे खेळवला जाईल

भारतीय महिला क्रिकेट संघ

TV9 मराठी डिजीटल टीम | Edited By: shashank patil | Updated on: Sep 20, 2021 | 6:34 PM

मुंबई: एकीकडे भारतीय पुरुष संघातील खेळाडू आगामी टी 20 चषकाची तयारी करत असून त्याचाच सराव म्हणून आयपीएलचे सामने खेळत आहे. तर दुसरीकडे महिला क्रिकेट संघ ऑस्ट्रेलियन महिला संघाला मात देण्यासाठी तयार झाला आहे. भारतीय महिला आणि ऑस्ट्रेलियाच्या महिलांमध्ये क्रिकेट सामने आयोजित करण्यात आले असून उद्यापासून (21 सप्टेंबर) या सामन्यांना सुरुवात होणार आहे. या दौऱ्यात तीन एकदिवसीय, तीन टी20 आणि एक कसोटी सामना खेळवला जाणार आहे. सर्व भारतीय महिला मैदानात सराव करत असून ऑस्ट्रेलियासारख्या बलाढ्य संघाला मात देण्यासाठी रणनीती आखत आहेत.

एकदिवसीय मालिकेला सुरुवात होण्याआधी दोन्ही संघात सराव सामना खेळवण्यात आला. यावेळी ऑस्ट्रेलिया संघाने 36 धावांनी विजय मिळवला. प्रथम फलंदाजी करताना ऑस्ट्रेलियाच्या रेचल हेन्सने 65 धावांची खेळी करत 50 षटकात 9 विकेट्च्या बदल्यात संघाला 278 धावांपर्यंचत पोहोचवले. ऑस्ट्रेलियाच्या डावात हेन्ससह मेग लेनिंगने 59, बेथ मूनीने 59, एश्ले गार्डनरने 24, एनाबेल सदरलँडने 20, एलिसा हेलीने 8 आणि एलिस पेरीने 1 धाव केली. तर जॉर्जिया वारेहम 17 धावांवर नाबाद राहिली. त्यानंतर भारतीय महिलांना हे लक्ष्य गाठता न आल्याने त्यांचा 36 धावांनी पराभव झाला. आता या सराव सामन्यातील पराभवाचा बदला घेत पहिली वनडे मॅच जिंकण्यासाठी भारतीय महिला सज्ज झाल्या आहेत.