BAN vs PAK : पाकिस्तानकडून पहिल्या पराभवाचा अचूक हिशोब, बांगलादेशचा 128 धावांनी धुव्वा
Bangladesh vs Pakistan 2nd ODI Match Result : बांगलादेशने पहिल्या सामन्यात पाकिस्तानला 114 धावांवर रोखून विजय मिळवला होता. तर पाकिस्तानने दुसऱ्या वनडेत बांगलादेशचं 114 रन्सवर पॅकअप करुन पराभवाची परतफेड केली आहे.
पाकिस्तान क्रिकेट टीमने आयसीसी टी 20I वर्ल्ड कप 2026 स्पर्धेनंतर पहिलावहिला आंतरराष्ट्रीय सामना जिंकला आहे. पाकिस्तानची बांग्लादेश विरूद्धच्या 3 सामन्यांच्या एकदिवसीय मालिकेत पराभवाने सुरुवात झाली. बांगलादेशने विजयी सुरुवातीसह मालिकेत 1-0 ने आघाडी मिळवली होती. त्यामुळे पाकिस्तानसाठी दुसरा सामना हा मालिकेच्या दृष्टीने करो या मरो असा होता. मात्र पाकिस्तानने शाहिन शाह याच्या दुसऱ्या सामन्यात विजयाचं खात उघडलं. पाकिस्तानने मोठ्या फरकाने हा सामना जिंकत पहिल्या पराभवाची अचूक परतफेड केली. पाकिस्तानने शाहीन शाह अफ्रिदी याच्या नेतृत्वात ही कामगिरी केली. पाकिस्तानने यासह या मालिकेत 1-1 अशी बरोबरी साधली.
बांगलादेशने पाकिस्तानवर 11 मार्च रोजी पहिल्या सामन्यात 8 विकेट्सने विजय मिळवला होता. बांगलादेशने पाकिस्तानला 114 धावांवर गुंडाळलं होतं. त्यानंतर बांगलादेशने 115 धावांचं आव्हान हे 15.1 ओव्हरमध्ये पूर्ण केलं. तर आता पाकिस्तानने 13 मार्च रोजी 100 पेक्षा अधिक धावांच्या फरकाने सामना आपल्या नावावर केला आहे. पाकिस्तानने बांगलादेशसमोर 47.3 ऑलआऊट 274 धावा केल्या होत्या. मात्र सामन्यादरम्यान दुसऱ्या डावात व्यत्यय आला. त्यामुळे बांगलादेशला 32 ओव्हरमध्ये 243 रन्सचं टार्गेट मिळालं. मात्र पाकिस्तानी गोलंदाजांनी बांगलादेशला 23.3 ओव्हरमध्ये 114 रन्सवर ऑलआऊट केलं. पाकिस्तानने अशाप्रकारे हा सामना 128 धावांनी जिंकत पहिल्या पराभवाची परतफेडही केली.
