रहाणे-पुजाराला BCCI सेंट्रल कॉन्ट्रॅक्टमधून बाहेर काढणार? ऋषभ पंत-राहुलला मिळू शकतं प्रमोशन

मुंबई: मागच्या दोन वर्षांपासून अजिंक्य रहाणे (Ajinkya Rahane)आणि चेतेश्वर पुजारा (Cheteshwar pujara) खराब फॉर्ममध्ये आहेत, तरी त्यांना टीम इंडियामध्ये वारंवार संधी मिळतेय. या दोन क्रिकेटपटुंच्या भविष्यासंबंधी आता लवकरच ठोस निर्णय होऊ शकतो. बीसीसीआयकडून लवकरच सेंट्रल कॉन्ट्रॅक्टची (BCCI Central Contracts)घोषणा होणार आहे. यामध्ये या दोन खेळाडूंबरोबर काय होतं, ते पहाव लागेल. या दोघांशिवाय केएल राहुल आणि ऋषभ पंतवर सुद्धा नजर असेल. हे दोघे तिन्ही फॉर्मेटमध्ये खेळतायत.

पंत आणि पुजाराला ग्रुप ए प्लसच्या कॅटेगरीमध्ये ठेवणार का? बीसीआयच्या सेंट्रल कॉन्ट्रॅक्टच्या चार कॅटेगऱ्या आहेत. ए प्लस, ए, बी आणि सी. या चार कॅटेगरी अंतर्गत खेळाडूंना वर्षाला सात कोटी, पाच कोटी, तीन कोटी आणि एक कोटी रुपये दिले जातात.

तीन अधिकारी, पाच निवडकर्ते आणि राष्ट्रीय मुख्य कोच रिटेनरशिपबद्दल निर्णय घेतात. बीसीसीआयच्या वरिष्ठ सूत्राने दिलेल्या माहितीनुसार, रोहित, कोहली आणि बुमराह हे तिघे ए प्लस कॅटेगरीमध्ये कायम असतील. पण राहुल आणि पंत तिन्ही फॉर्मेटमध्ये खेळतायत, त्यामुळे त्यांना प्रमोशन मिळत का? हे पाहाव लागेल.

पुजारा-रहाणेचं काय होणार? सेंट्रल कॉन्ट्रॅक्टमध्ये तुमचं प्रदर्शन दिसून येतं. मागच्या सत्रात तुम्ही काय कामगिरी केली, त्यावर बरच काही अवलंबून असतं. इशांत शर्मा, हार्दिक पांड्या दुखापतग्रस्त होते. त्यामुळे त्यांचा ग्रुप बी मध्ये समावेश करण्यात येऊ शकतो. मागच्या सत्रात ग्रुप बी मध्ये फक्त शार्दुल ठाकूरने कसोटीमध्ये प्रभावी प्रदर्शन केलं होतं. त्याचं ग्रुप ए मध्ये प्रमोशन होऊ शकतं. ग्रुप सी मध्ये मोहम्मद सिराजमध्ये खूप सुधारणा झाली आहे. शुभमन गिल, हनुमा विहारीलाही अपग्रेडची अपेक्षा असेल.

सेंट्रल कॉन्ट्रॅक्टमध्ये कुठले खेळाडू आहेत? ग्रेड ए प्लस: विराट कोहली, रोहित शर्मा, जसप्रीत बुमराह ग्रेड ए: आर.अश्विन, रवींद्र जाडेजा, चेतेश्वर पुजारा, अजिंक्य रहाणे, शिखर धवन, केएल राहुल, मोहम्मद शमी, इशांत शर्मा, ऋषभ पंत, हार्दिक पांड्या, ग्रेड बी: वृद्धीमान साहा, उमेश यादव, भुवनेश्वर कुमार, शार्दुल ठाकूर, मयंक अग्रवाल, ग्रेड सी: कुलदीप यादव, नवदीप सैनी, दीपक चहर, शुभमन गिल, हनुमा विहारी, अक्षर पटेल, श्रेयस अय्यर, वॉशिंग्टन सुंदर, युजवेंद्र चहल, मोहम्मद सिराज,