IPL 2026 स्पर्धेपूर्वीच चेन्नई सुपर किंग्सचं टेन्शन वाढलं, झालं असं की…
आयपीएल 2026 स्पर्धेसाठी चेन्नई सुपर किंग्सची जोरदार तयारी सुरू आहे. संजू सॅमसनची संघात एन्ट्री झाल्याने ताकद वाढली आहे. असं असताना एक स्टार खेळाडू संपूर्ण स्पर्धेला मुकणार आहे. त्यामुळे चेन्नई सुपर किंग्सचं टेन्शन वाढलं आहे.
आयपीएल 2025 स्पर्धेत चेन्नई सुपर किंग्सची कामगिरी सुमार राहिली होती. त्यामुळे यंदाच्या पर्वात पु्न्हा एकदा जोमाने उतरण्याची तयारी चेन्नई सुपर किंग्सने केली आहे. यासाठी ट्रेड विंडोच्या माध्यमातून चेन्नई सुपर किंग्स संजू सॅमसनला संघात घेतलं आहे. त्याचा सध्या फॉर्म पाहता हा निर्णय योग्यच आहे असं म्हणायला हरकत नाही. असं असताना चेन्नई सुपर किंग्सला एक मोठा धक्का बसला आहे. कारण स्पर्धेला फक्त 9 दिवसांचा अवधी शिल्लक असताना गोलंदाजीचा मारा कमकुवत होताना दिसत आहे. रिपोर्टनुसार, चेन्नई किंग्सच्या ताफ्यात असलेला ऑस्ट्रेलियाचा वेगवान गोलंदाज नाथन एलिस दुखापतीमुळेय संपूर्ण स्पर्धेला मुकला आहे. त्यामुळे चेन्नई सुपर किंग्सच्या पुढच्या रणनितीला धक्का बसला आहे. आता त्याची रिप्लेसमेंट शोधण्याची धावाधाव करावी लागणार आहे.
स्पोर्टस्टारच्या वृत्तानुसार, ऑस्ट्रेलियाचा वेगवान गोलंदाज नाथन एलिस हॅमस्ट्रिंगच्या दुखापतीने त्रस्त आहे. त्यामुळे स्पर्धा संपल्यानंतरही सावरणं कठीण आहे. अशा स्थितीत त्याला या स्पर्धेला मुकावं लागलं आहे. या वृत्तात सीएसकेचे सीईओ काशी विश्वनाथन यांनी या बातमीला दुजोरा दिल्याचं सांगितलं आहे. इतकंच काय तर संघासाठी मोठा धक्का असल्याचं नमूद केलं. कारण मेगा लिलाव प्रक्रिया 2025 मध्ये पार पडली होती. तेव्हा 2 कोटींच्या मूळ किंमतीत त्याला संघात घेतलं होतं. पण आयपीएल 2025 स्पर्धेत फक्त एक सामना खेळला आणि एकच विकेट घेतली होती.
चेन्नई सुपर किंग्सचा संघ पाहिला तर संघात फलंदाजांची काही कमी नाही. पण अनुभवी गोलंदाज असणं खूपच महत्त्वाचं आहे. अशा स्थितीत नाथन एलिसचं स्पर्धेतून आऊट होणं चेन्नई सुपर किंग्सला परवडणारं नाही. नाथन एलिसला या पर्वासाठी त्यांनी रिटेनही केली होती. त्यामुळे त्याची ताकद काय आहे याचा अंदाज फ्रेंचायझीला होता. आता ऐनवेळी चेन्नई सुपर किंग्सला त्या ताकदीचा गोलंदाज शोधावा लागणार आहे. त्याच्या ऐवजी संघात कोणाला संधी मिळणार? हे पाहणं औत्सुक्याचं ठरणार आहे.
