INDW vs ENGW : इंडिया-इंग्लंड लॉर्ड्स टेस्टसाठी टीम जाहीर, कॅप्टन कोण?
England vs India Womens Lords Test : इंग्लंड विरुद्ध इंडिया यांच्यात 10 जुलैपासून एकमेव कसोटी सामन्याचा थरार रंगणार आहे. या एकमेव सामन्यासाठी 15 खेळाडूंची नावं जाहीर करण्यात आली आहेत. जाणून घ्या.
वुमन्स टीम इंडियाने आयसीसी टी 20i वर्ल्ड कप 2026 स्पर्धेत आतापर्यंत धमाकेदार कामगिरी केली आहे. भारताने पाकिस्तान आणि नेदरलँड्सला पराभूत करुन सलग 2 सामने जिंकले आहेत. तर टीम इंडियासमोर तिसऱ्या सामन्यात दक्षिण आफ्रिकेचं आव्हान असणार आहे. टीम इंडिया ए ग्रुपमधील पॉइंट्स टेबलमध्ये पहिल्या स्थानी विराजमान आहे. प्रत्येक संघाला साखळी फेरीत 5-5 सामने खेळायचे आहेत. ए आणि बी या दोन्ही गटातील 2 अव्वल संघ उपांत्य फेरीसाठी पात्र ठरतील. तर त्यातून 2 संघ अंतिम फेरीत पोहचतील. त्यानंतर वर्ल्ड कप विजेता संघ निश्चित होईल. अंतिम सामना हा 5 जुलै रोजी होणार आहे.
टीम इंडिया वुमन्स वर्ल्ड कपआधी इंग्लंड विरुद्ध टी 20i मालिका खेळली. तर वर्ल्ड कपनंतर उभयसंघात एकमेव कसोटी सामना खेळवण्यात येणार आहे. हा सामना 10 जुलैपासून खेळवण्यात येणार आहे. सामन्याचं आयोजन हे लंडमधील ऐतिहासिक लॉर्ड्स क्रिकेट ग्राउंडमध्ये करण्यात आलं आहे. इंग्लंड क्रिकेट बोर्डाने या सामन्यासाठी 18 जून रोजी 15 सदस्यीय संघाची घोषणा केली आहे. नॅट सायव्हर ब्रँट इंग्लंडचं नेतृत्व करणार आहे.
इंग्लंड-इंडियापैकी सरस कोण?
वुमन्स टीम इंडिया विरुद्ध इंग्लंड यांच्यात आतापर्यंत कसोटी क्रिकेटच्या इतिहासात एकूण 15 सामने खेळवण्यात आले आहेत. उभयसंघातील पहिला सामना हा 1986 साली खेळवण्यात आला होता. टीम इंडिया इंग्लंडवर वरचढ राहिली आहे. भारताने या 15 पैकी 3 सामन्यांत विजय मिळवला आहे. तर इंग्लंडने टीम इंडिया विरुद्ध फक्त एकमेव सामना जिंकला आहे. तर उभयसंघातील 11 सामने अनिर्णित राहिले आहेत. दोन्ही संघांमध्ये शेवटचा कसोटी सामना हा 2023 साली खेळवण्यात आला होता. त्यानंतर आता 3 वर्षांनी कसोटीचा थरार रंगणार आहे.
1 सामना आणि 15 खेळाडू
England Women have unveiled a 15-member squad for a historic one-off Test against India at Lord’s 🏟️
More details ⬇️https://t.co/ciAf0BUSYi
— ICC (@ICC) June 18, 2026
टी 20i मालिकेत काय झालं?
दरम्यान इंग्लंड-इंडिया यांच्यात 28 मे ते 2 जून दरम्यान 3 सामन्यांची टी 20i मालिका खेळवण्यात आली होती. भारताने या मालिकेत विजयी सलामी दिली. मात्र त्यानंतर इंग्लंडने सलग 2 सामन्यांसह मालिका जिंकली.
इंडिया विरूद्धच्या एकमेव कसोटी सामन्यासाठी वुमन्स इंग्लंड टीम : नॅट सायव्हर-ब्रंट (कर्णधार), टॅमी ब्युमॉन्ट, लॉरेन बेल, माइया बौचियर, एलिसा कॅप्सी, टिली कॉर्टीन-कोलमन, सोफी एक्लेस्टोन, लॉरेन फायलर, एमी जोन्स, हीदर नाईट, एम्मा लॅम्ब, ग्रेस पॉट्स, एली थ्रेलकेल्ड आणि मॅडी विलियर्स.
