GT vs CSK IPL 2023 Final : नरेंद्र मोदी स्टेडियममध्ये महिलेने मारली पोलिसाच्या कानाखाली, Video Viral

अहमदाबाद : नरेंद्र मोदी स्टेडियम हे जगातील सर्वात मोठ स्टेडियम आहे. काल या मैदानावर गुजरात टायटन्स आणि चेन्नई सुपर किंग्स या दोन टीम्समध्ये IPL 2023 च्या सीजनची फायनल मॅच होती. दोन्ही टीम्सनी संपूर्ण सीजनमध्ये जबरदस्त कामगिरी करुन फायनलमध्ये प्रवेश केला आहे. काल IPL 2023 च्या सीजनचा फायनल सामना पाहण्यासाठी नरेंद्र मोदी स्टेडियम खच्चून भरलं होतं. यावेळी या स्टेडियममध्ये एक अप्रिय घटना घडली.

कॅमेऱ्यामध्ये एक अशोभनीय घटना कैद झाली. या घटनेचा व्हिडिओ लगेच सोशल मीडियावर व्हायरल झाला. कालच्या दिवसात क्रिकेटपेक्षा पावसाचा खेळ जास्त होता.

काल पावसाचा खेळ

कालच्या दिवसाच्या खेळावर पावसाने पाणी फिरवलं. संध्याकाळी टॉसच्या काहीवेळ आधी सुरु झालेला पाऊस रात्रीपर्यंत थांबलचा नाही. त्यामुळे आज रिझर्व्ह डे च्या दिवशी आयपीएल 2023 ची फायनल होणार आहे. कालच्याच तिकीटावर प्रेक्षक आज स्टेडियममध्ये येऊन मॅच पाहू शकतात.

पोलिसाचा अपमान

रविवारी स्टेडियममध्ये क्रिकेटरसिक फायनल मॅचच्या प्रतिक्षेत असताना एक अप्रिय घटना घडली. स्टेडियममध्ये पोलीस हे आपल्या सुरक्षेसाठी असतात. पण एका महिला चाहतीला याचा विसर पडला. तिने नरेंद्र मोदी स्टेडियममध्ये सुरक्षेसाठी तैनात असलेल्या पोलिसाचा अपमान केला.

पोलिसावर हात उचलला

या वादामागे नेमकं काय कारण आहे? ते अजून स्पष्ट झालेलं नाहीय. या महिलेने सुरक्षेसाठी तैनात असलेल्या पोलिसावर हात उचलला. त्याच्या कानाखाली मारली. महिला त्याला ढकलत होती. सर्वांसमक्ष हे भांडण सुरु होतं. तो पोलीस तिथून निघून गेला.

This woman slapped and hit this male officer like anything and the helpless guy couldn’t do anything. Is this woman empowerment? pic.twitter.com/m4sMZg0Lds

— ∆ (@TheNaziLad) May 28, 2023

या महिलेकडे असं वागण्याचा अधिकार होता का?

हा व्हिडिओ व्हायरल होताच, टि्वटरवर वेगवेगळ्या प्रतिक्रिया उमटल्या आहेत. या महिलेवर कठोर कारवाई करावी, असं काही युजर्सनी म्हटलं आहे. या महिलेकडे असं वागण्याचा अधिकार होता का? असा प्रश्न काही युजर्सनी विचारलाय.