गुरनूर ब्रारला टीम इंडियात इतक्या संधी देण्याचं कारण काय? झहीर खानने स्पष्टच सांगितलं की..

भारत आणि श्रीलंका यांच्यात दोन सामन्याची कसोटी मालिका होणार आहे. या मालिकेसाठी टीम इंडिया सज्ज झाली आहे. असं असताना या मालिकेत गुरनूर ब्रारचं नाव चर्चेत आहे. गेल्या काही दिवसांपासून हे नाव चर्चेत आलं आहे. विशेष म्हणजे गुरनूर ब्रारला प्रथम श्रेणी क्रिकेटमध्ये फारसा अनुभव नाही. तरीही संघ व्यवस्थापन गुरनूर ब्रारला प्रत्येक फॉर्मेटमध्ये वारंवार संधी देण्यासाठी आग्रही आहे. असं का? असा प्रश्न क्रीडाप्रेमींना पडल्याशिवाय राहात नाही. माजी वेगवान गोलंदाज झहीर खानने गुरनूर ब्रार वारंवार संधी देण्याचं कारण उघड केलं आहे. एका मुलाखतीत झहीर खानने सांगितलं की, या खेळाडूमध्ये दीर्घ आणि यशस्वी कारकि‍र्द घडवण्याची क्षमता आहे. त्यामुळे त्याला वारंवार संधी दिली जात आहे. त्याला इतक्या इतक्या लवकर बढती मिळल्याचा आनंद देखील आहे.

झहीर खानने केली गुरनूरची प्रशंसा

गुरनूर ब्रारचं कौतुक करताना झहीर खान म्हणाला की, ‘मला ठाम विश्वास आहे की, गुरनूर ब्रारमध्ये एक चांगली आणि दीर्घकाळ टिकणारी कारकिर्द घडवण्याची क्षमता आहे. त्यामुळे त्याला इतक्या झटपट संधी मिळणं चांगली गोष्ट आहे. मी त्याच्यासोबत काही वेळ घालवला आहे. मला त्याच्या प्रचंड क्षमता दिसली आहे.’ झहीर खानने त्याचं कौतुक केल्यानंतर म्हणाला की, ‘गुरनूर ब्रारची कारकिर्द पुढे कशी जाते हे आता येत्या काही काळात दिसून येईल. पण त्याच्यातील क्षमतेने मी सर्वाधिक प्रभावित झालो आहे.’ गुरनूर ब्रारमध्ये कोणत्याही खेळपट्टीवर विकेट घेण्याची क्षमता आहे. उंच बांधा असून चेंडूला अतिरिक्त उसळी देण्याची क्षमता आहे. त्याच्याकडे चांगला शॉर्ट बॉल आहे. तसेच वेगाने फलंदाजाला चकवू शकतो.

गुरनूरसाठी चांगली सुरूवात

गुरनूर ब्रार हा 26 वर्षांचा असून भारतीय संघात वनडे सामन्यांसाठी निवड झाली आहे. त्याने सहा वनडे सामन्यात 11 विकेट काढल्या आहे. तर सराव सामन्यात श्रीलंका क्रिकेट इलेव्हनविरुद्ध तीन विकेट काढल्या. तसेच नाबाद 36 धावाही केल्या. जुलै महिन्यात झालेल्या श्रीलंका अ संघाविरूद्धच्या सामन्यात 10 विकेट काढल्या होत्या. आता त्याला या कामगिरीच्या जोरावर कसोटीत पदार्पणाची संधी मिळू शकते. इतकंच काय तर खालच्या फळीत गुरनूर फलंदाजीही करू शकतो.