GT vs MI Score, IPL 2025 : गुजरातचा पहिला विजय, मुंबईवर 36 धावांनी मात

गुजरातने मुंबईवर 36 धावांनी मात करत आयपीएलच्या 18 व्या मोसमातील पहिला विजय मिळवला आहे. गुजरातने मुंबईला विजयासाठी 197 धावांचं आव्हान दिलं होतं. मात्र मुंबईला 20 ओव्हरमध्ये 6 विकेट्स गमावून 160 धावा करता आल्या.

मुंबई इंडियन्सने सहावी विकेट गमावली आहे. कॅप्टन हार्दिक पंड्या आऊट झाला आहे. पंड्याने 11 धावा केल्या.

मुंबई इंडियन्सने पाचवी विकेट गमावली आहे. सूर्यकुमार यादव 48 रन्स करुन आऊट झाला आहे. त्यामुळे मुंबईच्या अडचणीत वाढ झाली आहे.

मुंबई इंडियन्सला चौथा झटका लागला आहे. रॉबिन मिन्झ 3 रन्स करुन आऊट झाला आहे.

गुजरात टायटन्सने मुंबईला निर्णायक क्षणी तिसरा झटका दिला आहे. प्रसिध कृष्णा याने तिलक वर्माला 39 रन्सवर राहुल तेवतिया याच्या हाती कॅच आऊट केलं.

मोहम्मद सिराज याने मुंबई इंडियन्सला दुसरा झटका दिला आहे.  रायन रिकेल्टन 6 रन्स करुन क्लिन बोल्ड झाला आहे.

मोहम्मद सिराजने रोहित शर्माचा त्रिफळा उडवून तंबूत पाठवलं आहे. बॅक टू बॅक दोन चौकार मारल्यानंतर मोहम्मद सिराजने त्याची विकेट काढली.

चेन्नई सुपर किंग्सविरुद्धच्या सामन्यात शून्यावर बाद झालेला रोहित शर्मा आक्रमक दिसला. त्याने चौकाराने सुरुवात केली.

गुजरात टायटन्सने मुंबई इंडियन्सला विजयासाठी  197 धावांचं आव्हान दिलं आहे. गुजरातने 20 ओव्हरमध्ये 8 विकेटस् गमावून 196 धावा केल्या.

मुंबईने गुजरातला सहावा झटका दिला आहे.  शरफेन रुदरफोर्ड 18 रन्स करुन आऊट झाला आहे. मुंबईने यासह कमबॅक केलं आहे.

राहुत तेवतिया डायमंड डक झाला आहे. राहुल तेवतिया एकही बॉल न खेळता रन आऊट झालाय.  गुजरातने यासह पाचवी विकेट गमावली आहे.

ट्रेन्ट बोल्ट याने साई सुदर्शन याला 63 धावांवर एलबीडबल्यू आऊट केलं आहे. गुजरातने यासह चौथी विकेट गमावली आहे.

गुजरातने तिसरी विकेट गमावली आहे. मुंबईचा कर्णधार हार्दिक पंड्या याने शाहरुख खान याला 9 धावांवर आऊट केलं आहे.

गुजरातचा ओपनर साई सुदर्शन याने 33 बॉलमध्ये 4 फोर आणि 1 सिक्ससह अर्धशतक केलं आहे.

मुंबईने गुजरातला दुसरा झटका दिला आहे. मुजीब उर रहमान याने जोस बटलर याला विकेटकीपर रायन रिकेल्टन याच्या हाती कॅच आऊट केलं आहे. जोसने 24 बॉलमध्ये 39 रन्स केल्या.

मुंबईचा कर्णधार हार्दिक पंड्या याने गुजरातला पहिला झटका दिला आहे. हार्दिकने गुजरातचा कर्णधार शुबमन गिल याला 38 धावांवर नमन धीर याच्या हाती कॅच आऊट केलं आहे.

कर्णधार शुबमन गिल आणि साई सुदर्शन या सलामी जोडीने गुजरातला अप्रतिम सुरुवात करुन दिली आहे. शुबमन आणि साई या दोघांनी पावर प्लेमधील 6 ओव्हरमध्ये 66 धावा केल्या आहेत.  शुबमन आणि साई या दोघांनी प्रत्येकी 18 बॉलमध्ये नॉट आऊट 32 रन्स केल्या आहेत.

गुजरात विरुद्ध मुंबई सामन्याला सुरुवात झाली आहे.  मुंबईने टॉस जिंकून गुजरातला बॅटिंगसाठी भाग पाडलं आहे.  गुजरातकडून शुबमन गिल-साई सुदर्शन सलामी जोडी मैदानात आली आहे.

गुजरात टायटन्स प्लेइंग ईलेव्हन : शुबमन गिल (कर्णधार), साई सुदर्शन, जोस बटलर (विकेटकीपर), शेरफेन रदरफोर्ड, शाहरुख खान, राहुल तेवतिया, रशीद खान, रविश्रीनिवासन साई किशोर, कागिसो रबाडा, मोहम्मद सिराज आणि प्रसीद कृष्णा.

मुंबई इंडियन्स प्लेइंग ईलेव्हन : रोहित शर्मा, रायन रिकेल्टन (विकेटकीपर), सूर्यकुमार यादव, हार्दिक पांड्या (कर्णधार), टिळक वर्मा, नमन धीर, मिचेल सँटनर, दीपक चहर, ट्रेंट बोल्ट, मुजीब उर रहमान आणि सत्यनारायण राजू.

मुंबई इंडियन्सने टॉस जिंकला आहे. कर्णधार हार्दिक पंड्या याने गुजरातविरुद्ध फिल्डिंग करण्याचा निर्णय घेतला आहे.

मुंबई इंडियन्सची आयपीएलच्या 18 व्या मोसमात पराभवाने सुरुवात झाली. त्यामुळे दुसऱ्या सामन्यात पलटणच्या चाहत्यांना कर्णधार हार्दिक पंड्याकडून विजयाची अपेक्षा आहे. मुंबईला चेन्नईविरुद्ध पहिल्या सामन्यात सूर्यकुमार यादवच्या नेतृत्वात पराभूत व्हावं लागलं होतं.

मुंबई इंडियन्स टीम : रोहित शर्मा, रायन रिकेल्टन (विकेटकीपर), विल जॅक्स, सूर्यकुमार यादव, हार्दिक पांड्या (कर्णधार), तिलक वर्मा, रॉबिन मिन्झ, नमन धीर, मिचेल सँटनर, दीपक चहर, ट्रेंट बोल्ट, सत्यनारायण राजू, विघ्नेश पुथूर, राज बावा, अश्वनी कुमार, कॉर्बिन बॉश, कर्ण शर्मा, जसप्रीत बुमराह, रीस टोपले, मुजीब उर रहमान, बेव्हॉन जेकब्स, अर्जुन तेंडुलकर आणि कृष्णन श्रीजीथ.

गुजरात टायटन्स टीम: साई सुदर्शन, शुबमन गिल (कर्णधार), जोस बटलर (विकेटकीपर), राहुल तेवतिया, शाहरुख खान, अर्शद खान, रविश्रीनिवासन साई किशोर, रशीद खान, कागिसो रबाडा, मोहम्मद सिराज, प्रसीद कृष्णा, शेरफेन रदरफोर्ड, ग्लेन फिलिप्स, इशांत शर्मा, अनुज रावत, वॉशिंग्टन सुंदर, महिपाल लोमरोर, जयंत यादव, निशांत सिंधू, कुलवंत खेजरोलिया, करीम जनात, जेराल्ड कोएत्झी, मानव सुथार, कुमार कुशाग्रा आणि गुरनूर ब्रार.

अहमदाबादमधील नरेंद्र मोदी स्टेडियममध्ये गुजरात टायटन्स विरुद्ध मुंबई इंडियन्स यांच्यातील सामन्याला संध्याकाळी 7 वाजून 30 मिनिटांनी सुरुवात होणार आहे. दोन्ही संघांचा हा या हंगामातील दुसरा सामना आहे. दोन्ही संघांचा पहिल्या सामन्यात पराभव झाला आहे. त्यामुळे अहमदाबादमध्ये कोण जिंकणार? याकडे क्रिकेट चाहत्यांचं लक्ष लागून आहे.