Hardik pandya: Hardik pandya: हार्दिक पंड्याने सौरव गांगुलीचं नाही ऐकलं, महत्त्वाच्या सूचनेकडे केलं दुर्लक्ष

मुंबई: टीम इंडियाचा ऑलराऊंडर क्रिकेटपटू हार्दिक पंड्याने (Hardik pandya) BCCI अध्यक्ष सौरव गांगुलीच्या (Sourav Ganguly) सूचनेकडे दुर्लक्ष केलं आहे. हार्दिकने सौरव गांगुलीचं ऐकलं नाही. हार्दिकने रणजी करंडक स्पर्धेत (Ranji trophy 2022) न खेळण्याचा निर्णय घेतला आहे. 10 फेब्रुवारीपासून रणजी करंडक स्पर्धा सुरु होणार आहे. बडोदा संघाने रणजीसाठी संघ घोषित केला आहे. यात हार्दिक पंड्याच नाव नाहीय, केदार देवधर बडोद्याचा कर्णधार आहे. सात फेब्रुवारीला संघाची घोषणा करण्यात आली. विष्णू सोलंकी उपकर्णधार आहे. बडोदा क्रिकेट असोशिएशनने रणजी करंडक स्पर्धेसाठी 20 सदस्यीय संघाची घोषणा केली आहे. दुखापतीमुळे हार्दिक पंड्या बऱ्याच महिन्यांपासून संघाबाहेर आहे. टी-20 वर्ल्डकप स्पर्धेत हार्दिक पंड्या शेवटचा खेळताना दिसला होता. पाठीचं दुखण आणि फिटनेसमुळे त्यांने स्वत:ला संघ निवडीपासून लांब ठेवलं होतं.

सौरव गांगुलीने काय म्हटलं होतं? हार्दिकला पूर्णपणे फिट होण्यासाठी आराम दिला होता. हार्दिक पंड्या तुम्हाला रणजी स्पर्धेमध्ये खेळताना दिसेल, असं सौरव गांगुलीने म्हटलं होतं. “दीर्घकाळ त्याला भारतासाठी क्रिकेट खेळता यावं, म्हणून असं केलं. मला तो रणजी स्पर्धेमध्ये खेळताना दिसेल, अशी अपेक्षा आहे. तो जास्त ओव्हर गोलंदाजी करेल अशी अपेक्षा आहे” सौरवने पीटीआयला दिलेल्या मुलाखीतत हे सांगितलं होतं.

IPL 2022 मध्ये हार्दिक कॅप्टन हार्दिक आयपीएल 2022 स्पर्धेत अहमदाबाद संघाचा कर्णधार म्हणून खेळताना दिसणार आहे. “हार्दिक आता अहमदाबादचा कॅप्टन आहे. या प्लॅटफॉर्मवर निवड समितीचे सदस्य त्याचा खेळ आणि फिटनेस पाहतील. त्यानुसार पुढील निर्णय घेतील” असं सौरव गांगुली म्हणाला होता.

hardik pandya ignores bcci president sourav gangulys suggestion skips ranji trophy 2022