MS Dhoni:…म्हणून रवी शास्त्रींनी कधीही धोनीकडे त्याचा फोन नंबर मागितला नाही
ऑगस्ट 2020 मध्ये एमएस धोनी आंतरराष्ट्रीय क्रिकेटमधून धोनी निवृत्त झाला. पण आयपीएलमध्ये धोनी चेन्नई सुपर किंग्जचे नेतृत्व करतोय.
मुंबई: भारताचे माजी हेड कोच रवी शास्त्री (Ravi shastri) यांनी एमएस धोनीचं (MS Dhoni) कौतुक केलं आहे. “मी धोनी इतका शांत आणि संयमी व्यक्ती पाहिलेला नाही” असे शास्त्री म्हणाले. “माझ्याकडे अजूनही धोनीचा फोन नंबर नाहीय. धोनीला वाटलं, तर तो बरेच दिवस मोबाइलपासून (Mobile) लांब राहू शकतो” असं शास्त्री यांनी सांगितलं. भारतीय संघाचे व्यवस्थापक आणि हेड कोच असताना रवी शास्त्री यांनी एमएस धोनीसोबत काम केलं आहे. धोनी हा भारताचा सर्व फॉर्मेटमधील यशस्वी कर्णधार आहे. धोनीच्या व्यक्तीमताच्या बाजूवर शास्त्रीने प्रकाश टाकला आहे. “खेळामध्ये चढ-उतार येत असतात, पण म्हणून धोनीचा खेळाबद्दलचा दृष्टीकोन बदलला नाही. मी कधीच धोनीला रागवलेलं पाहिलं नाही” असं शास्त्री म्हणाले.
त्याने धोनीला फरक पडत नाही “धोनी शुन्यावर बाद झाला, त्याने शतक झळकावलं, वर्ल्डकप जिंकला किंवा पहिल्या राऊंडमध्ये पराभव झाला, तरी त्याने धोनीला फरक पडत नाही. मी अनेक क्रिकेटपटू बघितले पण त्याच्यासारख कोणीच नाहीय. सचिन तेंडुलकरचाही छान स्वभाव आहे. पण काही वेळा तो रागवतो. पण धोनीच्या बाबतीत असं होत नाही” असं शास्त्री शोएब अख्तरच्या युटयूब चॅनलला दिलेल्या मुलाखतीत म्हणाले.
धोनी फोन हातात बाळगणं टाळतो “धोनी फोन हातात बाळगणं टाळतो, अजूनही माझ्याकडे त्याचा नंबर नाहीय. मी कधीही धोनीकडे त्याचा फोन नंबर मागितला नाही. धोनी स्वत: बरोबर त्याचा फोन बाळगत नाही, हे मला ठाऊक आहे. जेव्हा तुम्हाला त्याच्याशी संपर्क साधायचा असतो, तेव्हा त्याच्यापर्यंत कसे पोहोचायचे हे तुम्हाला ठाऊक असतो. तो अशा प्रकारचा व्यक्ती आहे” असे शास्त्री म्हणाले.
ऑगस्ट 2020 मध्ये एमएस धोनी आंतरराष्ट्रीय क्रिकेटमधून धोनी निवृत्त झाला. पण आयपीएलमध्ये धोनी चेन्नई सुपर किंग्जचे नेतृत्व करतोय. आयपीएलचे चारवेळा जेतेपद पटकावणाऱ्या सीएसकेने धोनीला अजूनही आपल्याकडे कायम ठेवले आहे.
I have never asked dhoni for his mobile number Ravi shastri
