Idli Dosa Song: इडली डोसा गाण्यावरून आयपीएलमध्ये राडा! CSK चा चढला पारा, RCB विरोधात BCCI कडे थेट तक्रार , दंड बसणार?

IPL 2026 RCB-CSK Idli Dosa Song: IPL 2026 मध्ये रॉयल चॅलेंजर्स बंगळुरू (RCB) आणि चेन्नई सुपर किंग्स (CSK) मध्ये अटतटीचा सामना रंगला. दोन्ही संघ झुंजले. पण या सामन्यात इडली-डोसा या गाण्यावरून ठिणगी पडली आहे. सामन्या दरम्यान मैदानावर “डोसा, इडली, सांभर, चटनी” हे गाणं वाजलं. या गाण्यावर सीएसके व्यवस्थापनानं आक्षेप घेतला. त्यांनी BCCI कडे अधिकृतपणे तक्रार नोंदवली आहे. हे गाणं खेळाडू आणि टीमसाठी अपमान कारक असल्याचा आरोप करण्यात आला आहे. त्यावर आता बीसीसीआय काय कारवाई करते हे लवकरच समोर येईल. हा सामना 5 एप्रिल रोजी झाला होता. बेंगरूळ येथील के. एम. चिन्नास्वामी स्टेडियमवर सामना झाला होता. त्यात एका डीजेने हे गाणे वाजवले. चेन्नई संघाने हे केवळ गाणं नाही तर खेळाडूंना चिडवण्यासाठी हा प्रकार केल्याचे म्हटले आहे.

CSK ने केली BCCI कडं तक्रार

इंडियन एक्सप्रेसच्या एका वृत्तानुसार, CSK चे व्यवस्थापकीय संचालक कासी विश्वानाथन यांनी या गाण्यावर तीव्र हरकत घेतली. डीजे हे संघांना प्रोत्साहन देण्यासाठी असतात. पण चिन्नास्वामी स्टेडियमवर वेगळीच परिस्थिती होती. आमच्या खेळाडूंविरोधात खास कमेंट करण्यात आल्या. त्यांना डिवचण्यात आले. CSK ने केली BCCI कडं तक्रार केली आहे. त्यांनी याप्रकरणाची चौकशी करण्याची मागणी केली आहे.

गेल्यावर्षी जितेश शर्मा याने गायले गाणे

या वादाला जुनी फोडणी आहे. गेल्या वर्षी, चेन्नईविरोधातील सामन्यापूर्वी RCB ने त्यांचा यष्टीरक्षक जितेश शर्मा याचा एक व्हिडिओ पोस्ट केला होता. त्यामध्ये तो इडली डोसा गाणे म्हणत असल्याचे दिसते. त्यावेळी CSK च्या चाहत्यांनी जितेश याला ट्रोल केले होते. पण त्यावेळी हा वाद इतका पेटला नव्हता. पण यावेळी वाद विकोपाला गेला आहे. मानसिक खच्चीकरण करण्यासाठी असा प्रयोग मुद्दामहून करण्यात येत असल्याचा सीएसकेचा दावा आहे. हे गाणा अप्पू याने हे गाणे कंपोज केले आहे. त्यावरून आता वाद पेटला आहे. या गाण्याला वांशिक टिप्पणीची झालर आल्याने बीसीसीआय त्यावर कडक कारवाई करण्याची शक्यता वर्तवली जात आहे.