IND vs AFG | रोहितचं तडाखेदार शतक, रिंकूचं अर्धशतक, अफगाणिस्तानसमोर 213 धावांचं आव्हान
India vs Afghanistan 3rd T20i 1st Innings Highlights | रिंकू सिंह आणि कॅप्टन रोहित शर्मा या दोघांनी अफगाणिस्तानच्या फलंदांजाना झोडून काढलं. रोहितने शतक तर रिंकूने अर्धशतक झळकावलं.
बंगळुरु | कॅप्टन रोहित शर्मा आणि फिनीशर रिंकू सिंह या दोघांनी पाचव्या विकेटसाठी केलेल्या वादळी 190 धावांच्या भागीदारीच्या जोरावर टीम इंडियाने अफगाणनिस्तानला विजयासाठी 213 धावांचं आव्हान दिलं आहे. टीम इंडियाने 22 धावांवर 4 विकेट्स गमावल्यानंतर रोहित आणि रिंकू या जोडीने टीम इंडियाचा डाव सावरला. त्यानंतर या दोघांनी गिअर बदलत बॅटिंग केली. या विक्रमी भागीदारीच्या दरम्यान रोहितने पाचवं टी 20 शतक झळकावलं. तर रिंकूनेही झंझावाती अर्धशतक पूर्ण केलं. या दोघांनी अखेरच्या 14 चेंडूत तोडफोड बॅटिंग करत 64 धावा केल्या. त्यामुळे टीम इंडियाला 20 ओव्हरमध्ये 4 विकेट्स गमावून 212 धावांपर्यंत मजल मारता आली.
आधी घसरगुंडी मग अफगाणिस्तानला दणका
टॉस जिंकून बॅटिंगसाठी आलेल्या टीम इंडियाची सुरुवात फार वाईट झाली. विराट कोहली आणि संजू सॅमसन दोघेही पहिल्या बॉलवर आऊट झाले. तर शिवम दुबे 1 आणि यशस्वी जयस्वाल 4 धावा करुन माघारी परते . त्यामुळे टीम इंडियाची स्थिती 4.3 ओव्हरमध्ये 22 अशी झाली. मात्र त्यानंतर रोहित आणि रिंकूने डाव सावरत अफगाणिस्तानवर वरचढ होण्याचा प्रयत्न केला.
या दोघांनी आधी थंड घेत त्यानंतर टॉप गिअर टाकला. दोघांनी दे दणादण फटके मारले. रोहितने एका बाजूला शतक केलं. तर रिंकूनेही नेहमीप्रमाणे फिनीशिंग टच दिला. रोहितने 69 बॉलमध्ये 121 धावांची नाबाद खेळी केली. तर रिंकू सिंह 69 धावांवर नाबाद परतला. अफगाणिस्तानकडून फरीद अहमद याने सर्वाधिक 3 विकेट्स घेतल्या. तर अझमतुल्लाह याला 1 विकेट मिळाली.
रोहित शर्मा आणि रिंकू सिंहचा तडाखा
Innings Break!
A milestone TON from captain @ImRo45 🔝 A stunning half-century from @rinkusingh235 👌#TeamIndia post 212/4 on the board.
Scorecard ▶️ https://t.co/oJkETwOHlL #INDvAFG | @IDFCFIRSTBank pic.twitter.com/DWHAtdkyyM
— BCCI (@BCCI) January 17, 2024
अफगाणिस्तान प्लेईंग इलेव्हन | इब्राहिम झद्रान (कॅप्टन), रहमानउल्ला गुरबाज (विकेटकीपर), गुलबदिन नायब, अजमातुल्ला उमरझाई, मोहम्मद नबी, नजीबुल्ला झदरन, करीम जनात, शरफुद्दीन अश्रफ, कैस अहमद, मोहम्मद सलीम साफी आणि फरीद अहमद मलिक.
टीम इंडिया प्लेईंग इलेव्हन | रोहित शर्मा (कर्णधार), यशस्वी जयस्वाल, विराट कोहली, शिवम दुबे, संजू सॅमसन (विकेटकीपर), रिंकू सिंग, वॉशिंग्टन सुंदर, रवी बिश्नोई, मुकेश कुमार, कुलदीप यादव आणि आवेश खान.
