Legends League: अरेरे, फायनलमध्ये पहिल्याच बॉलवर Sachin Tendulkar ची दांडी गुल, पहा VIDEO

मुंबई: टीम इंडिया T20 वर्ल्ड कपच्या (T20 World cup) फायनलमध्ये पोहोचणार की, नाही ते ठाऊक नाही. पण निवृत्त झालेल्या क्रिकेटपटुंची इंडिया लिजेंडस (India Legends) टीम रोड सेफ्टी वर्ल्ड सीरीजच्या फायनलमध्ये पोहोचली होती. या टीमने श्रीलंका लिजेंडसचा 33 धावांनी पराभव केला. सलग दुसऱ्यांदा सचिनच्या नेतृत्वाखाली इंडिया लिजेंडसने विजेतेपद मिळवलं. या मॅचमध्ये कॅप्टन सचिन तेंडुलकरकडून (Sachin Tendulkar) भरपूर अपेक्षा होत्या. पण त्याला खातही उघडता आलं नाही.

फायनल कुठे झाली?

छत्तीसगडच्या रायपूरमध्ये रोड सेफ्टी वर्ल्ड सीरीजचा फायनल सामना खेळला गेला. इंडिया लिजेंडसच नेतृत्व सचिन तेंडुलकर करत होता. सचिनच्या टीमने टॉस जिंकून प्रथम बॅटिंग करण्याचा निर्णय घेतला. सचिन तेंडुलकरच्या बॅटमधून एक चांगली इनिंग पहायला मिळेल, अशी क्रिकेट चाहत्यांना अपेक्षा होती. पण असं झालं नाही.

सचिन गोल्डन डक

सचिन तेंडुलकर आणि नमन ओझाची जोडी फायनलमध्ये ओपनिंगला आली होती. श्रीलंकेने नुवान कुलसेकराला वेगवान गोलंदाजीची जबाबदारी दिली होती. ओव्हरमधील पहिल्या पाच चेंडूंचा सामना नमन ओझाने केला. सहाव्या चेंडूवर सचिन स्ट्राइकवर होता. इंडिया लिजेंडसच्या चाहत्यांना पुढच्या काही सेकंदात जोरदार झटका बसला.

कुलसेकराने गुड लेंथवर बॉल टाकला. सचिनने त्या बॉलवर स्ट्रेट ड्राइव्ह मारण्याचा प्रयत्न केला. पण चेंडू शेवटच्या क्षणी थोडासा आता आला. सचिनला चकवत चेंडूने थेट ऑफ स्टम्प उडवला.

Sachin out on duck ???#SachinTendulkar#RSWS2022pic.twitter.com/tldjr9dZRq

— Cric (@Ld30972553) October 1, 2022

रैनाही कमाल करु शकला नाही

सचिन बाद झाल्यानंतर मैदानात एकच सन्नाटा निर्माण झाला होता. निवृत्त होण्याआधी सुद्धा सचिन बाद व्हायचा तेव्हाही मैदानात अशीच चिडीचूप शांतता पसरायची. चाहते निराश झाले. त्यानंतर आणखी एक झटका बसला. सुरेश रैना काही खास करु शकला नाही. 2 चेंडूत 4 धावा करुन तो सुद्धा कुलसेकराच्या गोलंदाजीवर बाद झाला.