IND vs NZ 3rd ODI : जिद्दीला सलाम, हार नाय मानली, पेन किलर घेऊन भारताविरुद्ध ठोकलं शतक

इंदोर – टीम इंडियाने न्यूझीलंड विरुद्धच्या वनडे सीरीडमध्ये क्लीन स्वीप केलय. टीम इंडियाने 3-0 असा विजय मिळवला. काल इंदोरमध्ये अखेरचा वनडे सामना झाला. या मॅचमध्ये टीम इंडियाने न्यूझीलंडवर 90 धावांनी दणदणीत विजय मिळवला. इंदोरच्या स्टेडियमवर काल धावांचा पाऊस पहायला मिळाला. टीम इंडियाने पहिली बॅटिंग केली. कॅप्टन रोहित शर्मा, शुभमन गिल यांच्या शतकाच्या बळावर टीम इंडियाने 385/9 धावांचा डोंगर उभारला. प्रत्युत्तरात न्यूझीलंडचा डाव 295 धावांवर आटोपला. न्यूझीलंडच्या टीमला विजयी लक्ष्यापर्यंत पोहोचता आलं नाही. पण त्यांच्या टीमने वेगाने धावा बनवण्याचा प्रयत्न केला. या मॅचमध्ये न्यूझीलंडचा ओपनर डेवॉन कॉनवेने आपल्या बॅटचा तडाखा दाखवला. त्याने भारतीय गोलंदाजांची डोकेदुखी चांगलीच वाढवली होती.

वनडे करिअरमधील तिसर शतक

डेवॉन कॉनवेने काल वनडे करिअरमधील तिसर शतक झळकावलं. कॉनवेने 100 चेंडूत 138 धावांची खेळी केली. यात 12 चौकार आणि 8 षटकार होते. 24 व्या ओव्हरच्या पहिल्या दोन चेंडूंवर दोन सिक्स मारुन त्याने शतक पूर्ण केलं. डेवॉन कॉनवेने काल आपल्या बॅटिंगने सर्वांच मन जिंकून घेतलं. पण मैदानात उतरुन फलंदाजी करण्यासाठी त्याला पेन किलर घ्यावी लागली.

त्याचे स्नायू आखडले

शतकाच्या जवळ असताना त्याचे स्नायू आखडले. त्यामुळे तो धावा काढताना लंगडत होता. त्यावेळी कॉमेंट्री बॉक्समध्ये बसलेल्या संजय मांजरेकर यांनी कॉनवेने पेन किलर घेतल्याच सांगितलं.

An exceptional knock from Devon Conway ?#INDvNZ | ?: https://t.co/6LY0ffX9t8 pic.twitter.com/no5n0LbIBq

— ICC Media (@ICCMedia) January 24, 2023

भारताविरुद्ध वेगवान शतक

कॉनवेने काही दिवसांपूर्वी पाकिस्तानात सेंच्युरी मारली होती. आता भारतातही त्याने त्याच कामगिरीची पुनरावृत्ती केलीय. भारताविरुद्ध वेगवान शतक झळकावणारा कॉनवे न्यूझीलंडचा दुसरा फलंदाज ठरला. याआधी याच सीरीजमध्ये मायकल ब्रेसवेलने पहिल्या सामन्यात 57 चेंडूत शतक पूर्ण केलं होतं. कॉनवेचा एकट्याचा संघर्ष

386 धावांच्या लक्ष्याचा पाठलाग करायला उतरलेल्या न्यूझीलंडची खराब सुरुवात झाली. न्यूझीलंडच्या इनिंगमध्ये दुसऱ्याच चेंडूवर फिल एलन आऊट झाला. न्यूझीलंडच खातही उघडलं नव्हतं. त्यानंतर कॉनवेने सूत्र आपल्या हाती घेतली. एकाबाजूने त्याने आक्रमक फलंदाजी सुरु ठेवली. हेनरी निकोल्ससोबत 106 धावांची पार्ट्नरशिप केली. डेरेल मिचेलसोबत 78 धावांची भागीदारी केली.