India vs New Zealand T20I Score Updates: न्यूझीलंडचा विशाखापट्टणममध्ये विजय, भारतावर 50 धावांनी मात

उपमुख्यमंत्री अजित पवार यांच्या निधनावर बोलताना आमदार नारायण पाटील यांनी म्हटले की, अजितदादा हे कणखर नेते होते त्यांच्या हातुन अनेक कामे महाराष्ट्रात केली आहेत. अजित दादाकडे खंबीर नेतृत्व म्हणून संपूर्ण महाराष्ट्र त्यांच्याकडे पाहत होता. रोखठोक बोलणारा नेता गेल्याने आज महाराष्ट्र खऱ्या अर्थाने पोरका झाला.

न्यूझीलंडने टीम इंडिया विरुद्धच्या टी 20i मालिकेत अखेर विजयाचं खातं उघडलं आहे. न्यूझीलंडने भारतावर चौथ्या टी 20i सामन्यात 50 धावांनी मात केली आहे. न्यूझीलंडने भारतासमोर 216 धावांचं आव्हान ठेवलं होतं. मात्र न्यूझीलंडने भारताला 18.4 ओव्हरमध्ये 165 रन्सवर ऑलआऊट केलं. यासह न्यूझीलंडने हा सामना 50 धावांनी आपल्या नावावर केला. मात्र यानंतरही टीम इंडिया या मालिकेत 3-1 अशा फरकाने आघाडीवर आहे.

न्यूझीलंडने हर्षित राणा याला आऊट करत भारताला सातवा झटका दिला आहे. हर्षितने 7 धावा केल्या. न्यूझीलंडने यासह विजयाच्या दिशेने वाटचाल सुरु केली आहे. भारताची 216 धावांचा पाठलाग करताना 7 आऊट 157 अशी स्थिती झाली आहे.

राज्याचे उपमुख्यमंत्री अजित पवार यांचे आज बारामतीजवळ विमान अपघातात निधन झाले. यावर बोलताना उद्योगमंत्री उदय सामंत यांनी म्हटले की, बारामतीत या प्रसंगासाठी यावं लागेल असा स्वप्नात देखील विचार केला नव्हता. काल तीन ते चार वेळा दादांशी फोनवर बोललो. पवार कुटूंबीयांना यातून सावरण्याची शक्ती मिळो.

टीम इंडियाचा ऑलराउंडर शिवम दुबे दुर्देवी ठरला आहे. हर्षित राणा याने फटका मारला. त्यानंतर मॅट हॅनरी याने बॉल रोखण्याच्या प्रयत्न केला. या प्रयत्नात बॉलला मॅट हॅन्रीच्या हाताचा स्पर्श झाला. त्यांनतर बॉल जाऊन थेट स्टंपवर लागला. मात्र नॉन स्ट्राईक एंडवर असलेला शिवम दुबे रेषेबाहेर होता. त्यामुळे शिवमला दुर्देवीरित्या रन आऊट होऊन मैदानाबाहेर जावं लागलं. शिवमने 65 धावा केल्या.

टीम इंडियाचा ऑलराउंडर शिवम दुबे याने न्यूझीलंड विरुद्ध अवघ्या 15 चेंडूत चाबूक अर्धशतक झळकावलं आहे. शिवम यासह टीम इंडियासाठी टी 20i मध्ये वेगवान अर्धशतक करणारा तिसरा फलंदाज ठरला. शिवमच्या या खेळीमुळे भारताच्या विजयाच्या आशा अजूनही कायम आहेत.

न्यूझीलंडने भारताला पाचवा झटका देत बॅकफुटवर ढकललं आहे.  झॅकरी फॉक्स याने 11 व्या ओव्हरमधील तिसऱ्या बॉलवर रिंकू सिंह याला एलबीडब्ल्यू आऊट केलं. रिंकूने 30 बॉलमध्ये 39 रन्स केल्या.

टीम इंडियाच्या अडचणीत वाढ झाली आहे. न्यूझीलंडने 216 धावांचा पाठलाग करणाऱ्या भारतीय संघाला चौथा झटका झटका दिला आहे. ऑलराउंडर हार्दिक पंड्या आऊट झाला आहे. मिचेल सँटनर याने हार्दिकला झॅकरी फॉल्क्स याच्या हाती 2 धावांवर कॅच आऊट केलं आहे.

न्यूझीलंडचा कॅप्टन मिचेल सँटनर याने टीम इंडियाला तिसरा झटका दिला आहे. सँटनरने सातप्या ओव्हरमधील चौथ्या बॉलवर संजू सॅमसन याला बोल्ड केलं आहे. संजूने 15 बॉलमध्ये 24 रन्स केल्या.

न्यूझीलंडने अभिषेक शर्मा (0) आणि कॅप्टन सूर्यकुमार यादव (8) रन्सवर आऊट करत भारताला झटपट 2 झटके दिले. मात्र त्यानंतर संजू सॅमसन आणि रिंकू सिंह या दोघांनी भारताला सावरलं आहे. संजू आणि रिंकूने पावरप्लेमधील 6 ओव्हरमध्ये भारताला 2 विकेट्स गमावून 53 धावांपर्यंत पोहचवलं आहे. संजू 23 आणि रिंकू 22 धावांवर नाबाद खेळत आहेत.

जेकब डफी याने आपल्याच बॉलिंगवर अप्रतिम कॅच घेत भारताला दुसरा आणि मोठा झटका दिला आहे. डफीने भारताचा कर्णधार सूर्यकुमार यादव याला 8 धावांवर कॅच आऊट केलं.

न्यूझीलंडने 216 धावांचा पाठलाग करणाऱ्या टीम इंडियाला पहिल्याच बॉलवर मोठा झटका दिला आहे. न्यूझीलंडच्या मॅट हेन्री याने अभिषेक शर्मा याला डेव्हॉन कॉनव्हे याच्या हाती कॅच आऊट केलं.  अभिषेकची या मालिकेत पहिल्याच बॉलवर आऊट होण्याची दुसरी वेळ ठरली.

न्यूझीलंडने टीम इंडियासमोर चौथ्या टी 20I सामन्यात विजयासाठी 216 धावांचं आव्हान ठेवलं आहे. न्यूझीलंडने 20 ओव्हरमध्ये 7 विकेट्स गमावून 215 धावा केल्या आहेत. न्यूझीलंडसाठी टीम सायफर्ट याने सर्वाधिक 62 धावा केल्या. तर इतरांनीही योगदान दिलं. तर टीम इंडियाकडून कुलदीप यादव आणि अर्शदीप सिंह या दोघांनी प्रत्येकी 2-2 विकेट्स मिळवल्या. आता टीम इंडिया हे आव्हान पूर्ण करत सलग चौथा विजय मिळवणार का? हे पाहणं महत्त्वाचं ठरणार आहे.

अर्शदीप सिंह याने झाकरी फाउल्क्स याला आऊट करत न्यूझीलंडला एकूण सातवा झटका दिला आहे. झाकरीने 1 सिक्स आणि 1 फोरसह 6 बॉलमध्ये 13 रन्स केल्या.

टीम इंडियाचा ऑलराउंडर हार्दिक पंड्या याने न्यूझीलंडच्या डावातील 17 व्या ओव्हरमधील पहिल्याच बॉलवर चोरटी धाव घेणाऱ्या कर्णधार मिचेल सँटर याला नॉन स्ट्राईक एंडवर रन आऊट केलं आहे.  सँटनर याने 6 चेंडूत 11 धावा केल्या.

रवी बिश्नोई याने चॅपमन याला हर्षित राणा याच्या हाती कॅच आऊट केलं आहे. भारताने यासह न्यूझीलंडला पाचवा झटका दिला आहे. चॅपमन याने 8 बॉलमध्ये 9 धावा केल्या. तर रवीने चॅपमनला आऊट करत या सामन्यातील आपली पहिली विकेट मिळवली.

अर्शदीप सिंह याने भारताला मोठी विकेट मिळवून दिली आहे. अर्शदीपने सेट ओपनर बॅट्समन टीम सायफर्ट याला रिंकू सिंह याच्या हाती कॅच आऊट करुन न्यूझीलंडला मोठा झटका दिला आहे. भारताने  यासह तिसरी तर अर्शदीपने पहिली विकेट मिळवली. सायफर्टने 36 चेंडूत 62 धावा केल्या.

जसप्रीत बुमराह याने न्यूझीलंडला 10 व्या ओव्हरमधील पहिल्याच बॉलवर दुसरा झटका दिला आहे. बुमराहने आपल्याच बॉलिंगवर रचीन रवींद्र याला कॅच आऊट केलं आहे. रचीनने 4 बॉलमध्ये 2 रन्स केल्या. बुमराहने यासह या सामन्यातील आपली पहिली विकेट मिळवली.

फिरकीपटू कुलदीप यादव याने टीम इंडियसााठी डोकेदुखी ठरलेली न्यूझीलंडची सलामी जोडी फोडली आहे. कॉनव्हेने नवव्या ओव्हरमधील पहिल्या बॉलवर सिक्स लगावला. यासह टीम सायफर्ट आणि डेव्हॉन कॉनव्हे या जोडीने पहिल्या विकेटसाठी शतकी भागीदारी केली.  मात्र कुलदीपने कॉनव्हेला दुसऱ्याच बॉलवर रिंकू सिंह याच्या हाती कॅच आऊट केलं. कॉनव्हेने 23 बॉलमध्ये 44 रन्स केल्या.

न्यूझीलंडचा ओपनर टीम सायफर्ट याने अवघ्या 25 चेंडूत विस्फोटक अर्धशतक पूर्ण केलंय. तसेच न्यूझीलंडने नवव्या ओव्हरमधील पहिल्या बॉलवर डेव्हॉन कॉनव्हे याने षटकार लगावला. यासह न्यूझीलंडच्या 100 धावा पूर्ण झाल्या.

न्यूझीलंडच्या डेव्हॉन कॉनव्हे आणि टीम सायफर्ट या सलामी जोडीने स्फोटक सुरुवात केली आहे. या सलामी जोडीने पावरप्लेचा पूर्ण फायदा घेत भारतीय गोलंदाजांची धुलाई केली आहे. या जोडीने 6 ओव्हरमध्ये बिनबाद 71 धावा केल्या आहेत. सायफर्ट 21 चेंडूत 46 धावांवर नाबद खेळत आहेत. तर कॉनव्हे याने 15 बॉलमध्ये 24 रन्स जोडल्या आहेत.

डेव्हॉन कॉनव्हे आणि टीम सायफर्ट या न्यूझीलंडच्या सलामी जोडीने चौथ्या टी 20i सामन्यात आक्रमक सुरुवात केली आहे. या सलामी जोडीने 3 ओव्हरमध्ये 30 धावा जोडल्या आहेत. त्यामुळे आता टीम इंडियासमोर या भागीदारीला झटपट ब्रेक लावण्याचा प्रयत्न आहे.

टीम इंडिया विरुद्ध न्यूझीलंड चौथ्या टी 20i सामन्याला सुरुवात झाली आहे. टीम इंडियाने न्यूझीलंडला टॉस जिंकून बॅटिंगसाठी भाग पाडलं आहे. न्यूझीलंडकडून टीम सायफर्ट आणि डेव्हॉन कॉनव्हे ही सलामी जोडी मैदानात आली आहे.

टीम सायफर्ट (विकेटकीपर), डेव्हॉन कॉनव्हे, रचिन रवींद्र, ग्लेन फिलिप्स, मार्क चॅपमॅन, डॅरिल मिशेल, मिचेल सँटनर (कर्णधार), झॅक्री फाउल्क्स, मॅट हेन्री, ईश सोढी आणि जेकब डफी.

अभिषेक शर्मा, संजू सॅमसन (विकेटकीपर), सूर्यकुमार यादव (कर्णधार), रिंकू सिंग, हार्दिक पांड्या, शिवम दुबे, हर्षित राणा, रवी बिश्नोई, कुलदीप यादव, अर्शदीप सिंग आणि जसप्रीत बुमराह.

टीम इंडियाने न्यूझीलंड विरुद्धच्या चौथ्या टी 20I सामन्यात टॉस जिंकला आहे. कर्णधार सूर्यकुमार यादव याने न्यूझीलंड विरुद्ध फिल्डिंग करण्याचा निर्णय घेतला आहे. टीम इंडियाने प्लेइंग ईलेव्हनमध्ये 1 बदल केला आहे. इशान किशन याच्या जागी अर्शदीप सिंग याला संधी देण्यात आली आहे.

डेव्हॉन कॉनव्हे, टीम सायफर्ट (विकेटकीपर), रचिन रवींद्र, ग्लेन फिलिप्स, मार्क चॅपमन, डॅरिल मिचेल, मिचेल सँटनर (कर्णधार), काइल जेमिसन, मॅट हेन्री, ईश सोधी, जेकब डफी, जेम्स नीशम, मायकेल ब्रेसवेल, लॉकी फर्ग्युसन, झॅक्री फाउल्क्स आणि बेव्हॉन जेकब्स.

संजू सॅमसन (विकेटकीपर), अभिषेक शर्मा, इशान किशन, सूर्यकुमार यादव (कर्णधार), शिवम दुबे, हार्दिक पंड्या, रिंकू सिंग, हर्षित राणा, रवी बिश्नोई, कुलदीप यादव, जसप्रीत बुमराह, अक्षर पटेल, श्रेयस अय्यर, वरुण चक्रवर्ती आणि अर्शदीप सिंग.

भारत विरुद्ध न्यूझीलंड यांच्यातील चौथ्या टी 20i सामन्याला थोड्याच वेळात सुरुवात होणार आहे. सामन्याला संध्याकाळी 7 वाजता सुरुवात होईल. तर 6 वाजून 30 मिनिटांनी टॉस उडवण्यात येईल.