IPL 2023 : गुजरात टायटन्सकडून पराभव झाल्यानंतर….

बंगळुरु : IPL 2023 चा शेवटचा टप्पा खूपच रंगतदार झाला. शेवटच्या साखळी सामन्यात गुजरात टायटन्सने रॉयल चॅलेंजर्स बँगलोरवर 6 विकेट राखून विजय मिळवला. गुजरातच्या या विजयामुळे RCB फॅन्सच कप जिंकण्याच स्वप्न भंग पावलं. या मॅचमध्ये दोन सेंच्युरी पहायला मिळाल्या. एक शतक विराट कोहलीने तर दुसरी सेंच्युरी धावांचा पाठलाग करताना ओपनर शुभमन गिलने झळकवली.

शुभमन गिल या मॅचमध्ये शानदार नाबाद 104 धावांची शतकी इनिंग खेळला. गिलने बॅक टू बॅक शतकं झळकावली आहेत. चेन्नई सुपर किंग्स विरुद्धचा आगामी प्लेऑफचा सामना खूपत इंटरेस्टिंग असेल, हे गिलने स्पष्ट केलय.

विराट कोहली भावूक

या पराभवासह RCB चा स्पर्धेतील प्रवास इथेच थांबला. मुंबई इंडियन्स प्लेऑफमध्ये खेळणारी चौथी टीम आहे. या मॅचनंतर आरसीबीचा कॅप्टन फाफ डू प्लेसिससह मोहम्मद सिराज आणि विराट कोहली भावूक झाले. डग आऊटमध्ये बसलेला विराट कोहली शुभमन गिलच्या बॅटमधून निघालेला मॅच विनिंग सिक्स पाहून निराश झाला. यावेळी त्याच्या डोळ्यात पाणी होतं.

आयपीएलमध्ये RCB सतत अपयशी

विराट कोहलीला इमोशनल होताना पाहून त्याचे फॅन्स सुद्धा भावूक झाले. आयपीएलचे 15 सीजन झालेत. हा 16 वा सीजन होता. पण आतापर्यंत एकदाही RCB च्या टीमला विजेतेपदाला गवसणी घालता आलेली नाही. हरुनही कोहलीने रचला इतिहास

RCB या मॅचमध्ये हरली. पण विराट कोहलीने शानदार शतक झळकावलं. त्याने 101 धावा फटकावल्या. विराट कोहलीने ख्रिस गेलला मागे टाकलं. तो आयपीएलमध्ये सर्वाधिक 7 सेंच्युरी झळकवणारा फलंदाज बनला आहे. कोहली आयपीएलमध्ये सर्वाधिक धावा करणारा फलंदाज सुद्धा आहे. पण अजून विजेतेपद कोहलीच्या नशिबी आलेलं नाहीय.