6,6,6,6,6,6, रियान परागचा ‘कार’नामा, सलग 6 बॉलमध्ये 6 सिक्स, व्हीडिओ व्हायरल
Riyan Parag 6 Sixes Ipl 2025 : राजस्थान रॉयल्सचा युवा फलंदाज आणि कर्णधार रियान पराग याने ईडन गार्डन्समध्ये दुसऱ्या डावात सलग 6 बॉलमध्ये 6 सिक्स ठोकले आहेत.
राजस्थान रॉयल्सचा कर्णधार रियान पराग याने कोलकाता नाईट रायडर्स विरुद्ध आयपीएल 2025 मधील 53 व्या सामन्यात अविस्मरणीय आणि स्फोटक खेळी करत सलग 6 बॉलमध्ये 6 सिक्स ठोकले. मात्र रियानने हे 6 सिक्स एका ओव्हरमध्ये लगावले नाहीत. रियानने मोईन अली याच्या ओव्हरमधील शेवटच्या 5 चेंडूत सलग 5 षटकार लगावले. तर त्यानंतर रियानने मिस्ट्री स्पिनर वरुण चक्रवर्ती याच्या ओव्हरमधील दुसऱ्याच बॉलवर सिक्स लगावला. रियानने अशाप्रकारे सलग 6 चेंडूत 6 षटकार पूर्ण केले.
6 बॉलमध्ये सलग 6 सिक्स
रियानने राजस्थानच्या डावातील 13 व्या ओव्हरमधील शेवटच्या 5 चेंडूंमध्ये सलग 5 लगावले. मोईन अली याने राजस्थानच्या डावातील 13 वी ओव्हर टाकली. त्यानंतर वरुण चक्रवर्ती 14 वी ओव्हर टाकायला आला. शिमरॉन हेटमायर याने 14 व्या ओव्हरमधील पहिला चेंडू खेळला. शिमरॉनने पहिल्या बॉलवर 1 रन घेत रियानला स्ट्राईक दिली. रियानने या 14 व्या ओव्हरमधील दुसऱ्या चेंडूवर षटकार खेचला. रियानने अशाप्रकारे सलग 6 बॉलमध्ये 6 सिक्स पूर्ण केले. मात्र रियान एका ओव्हरमध्ये ही कामगिरी करु शकला नाही.
रियान परागची फटकेबाजी
𝙍𝙖𝙢𝙥𝙖𝙣𝙩 𝙍𝙞𝙮𝙖𝙣 🔥
The #RR captain is in the mood tonight 😎
He keeps @rajasthanroyals in the game 🩷
Updates ▶ https://t.co/wg00ni9CQE#TATAIPL | #KKRvRR | @rajasthanroyals | @ParagRiyan pic.twitter.com/zwGdrP3yMB
— IndianPremierLeague (@IPL) May 4, 2025
दिग्गजांच्या यादीत स्थान
रियानने या कामगिरीसह दिग्गज फलंदाजांच्या यादीत स्थान पटकावलं आहे. रियानच्या आधी आयपीएलमध्ये एका ओव्हरमधील 5 चेंडूत 5 षटकार लगावण्याची कामगिरी 4 फलंदाजांनी केली आहे. या 4 फलंदाजांमध्ये ख्रिस गेल, राहुल तेवतिया, रवींद्र जडेजा आणि रिंकु सिंह यांचा समावेश आहे.
रियानची 95 धावांची खेळी
रियानचं शतक अवघ्या 5 धावांनी हुकलं. रियानने कोलकाता नाईट रायडर्स विरुद्ध 45 बॉलमध्ये 8 सिक्स आणि 6 फोरसह 95 रन्स केल्या. रियानची ही या मोसमातील सर्वोच्च धावसंख्या ठरली.
राजस्थानसमोर 207 धावांचं आव्हान
दरम्यान कोलकाता नाईट रायडर्सने राजस्थान रॉयल्ससमोर 206 धावांचं आव्हान ठेवलं आहे. केकेआरने 20 ओव्हरमध्ये 4 विकेट्स गमावून 206 धावा केल्या. केकेआरसाठी आंद्रे रसेल याने सर्वाधिक 57 धावा केल्या. तर अंगकृष रघुवंशी याने 44 रन्स केल्या.
