RR vs KKR : क्विंटनची धमाकेदार खेळी, केकेआरचा 8 विकेट्सने कडक विजय, राजस्थानचा सलग दुसरा पराभव
Rajasthan Royals vs Kolkata Knight Riders Match Result : क्विंटन डी कॉक याने गुवाहाटीत धमाकेदार खेळी करत केकेआरला या मोसमातील पहिलावहिला विजय मिळवून दिला आहे. केकेआरने राजस्थानचा 8 विकेट्सने धुव्वा उडवून दिला.
क्विंटन डी कॉक याने केलेल्या स्फोटक खेळीच्या जोरावर कोलकाता नाईट रायडर्सने अजिंक्य रहाणे याच्या नेतृत्वात आयपीएलच्या 18 व्या मोसमात पहिला विजय मिळवला आहे. राजस्थान रॉयल्सने कोलकाताला विजयासाठी 152 धावांचं आव्हान दिलं होतं. केकेआरने हे आव्हान क्विंटन डी कॉक याच्या नाबाद 97 धावांच्या जोरावर 15 बॉलआधी पूर्ण केलं. केकेआरने 17.3 ओव्हरमध्ये 2 विकेट्स गमावून 153 रन्स केल्या. केकेआरला यासह पहिल्या पराभवानंतर दुसऱ्या सामन्यात विजयाची चव चाखण्यात यश आलं. तर राजस्थानचा हा सलग दुसरा पराभव ठरला.
केकेआरची बॅटिंग
मोईन अली आणि क्विंटन डी कॉक या सलामी जोडीने केकेआरला आश्वासक सुरुवात करुन दिली. या दोघांनी पावरप्लेच्या 6 ओव्हरमध्ये 41 धावा केल्या. मात्र त्यानंतर मोईन सातव्या ओव्हरमधील पहिल्या बॉलवर 5 धावा करुन माघारी परतला. त्यानंतर कॅप्टन रहाणे मैदानात आला. रहाणेने क्विंटनसह दुसर्या विकेटसाठी 29 धावा जोडल्या. रहाणे 15 बॉलमध्ये 1 सिक्स आणि 1 फोरसह 18 रन्स करुन माघारी परतला. रहाणे आऊट झाल्यानंतर केकेआरचा स्कोअर 10.1 ओव्हरमध्ये 2 आऊट 70 असा झाला.
त्यानंतर मुंबईच्या अंगकृष रघुवंशी याने क्विंटन डी कॉकला या अप्रतिम साथ दिली. या दोघांनी तिसऱ्या विकेटसाठी 83 धावांची नाबाद आणि विजयी भागीदारी केली. अंगकृष रघुवंशी याने 17 चेंडूत 2 चौकारांसह नाबाद 22 धावांची खेळी केली. तर क्विंटनने 64 चेंडूत 159.02 च्या स्ट्राईक रेटने नाबाद 97 धावा केल्या. क्विंटनने यादरम्यान 6 षटकार आणि 8 चौकार झळकावले. क्विंटनचं हे केकेआरसाठी पहिलंवहिलं अर्धशतक ठरलं. तर राजस्थानसाठी वानिंदु हसरंगा याने एकमेव विकेट घेतली.
केकेआरचा कडक विजय, राजस्थानचा 8 विकेट्सने धुव्वा
𝙑𝙞𝙣𝙩𝙖𝙜𝙚 QDK 😍
Quinton de Kock bags the ‘Player of the Match’ award for his rock solid innings of 97*(61) 👏👏
Scorecard ▶ https://t.co/lGpYvw87IR#TATAIPL | #RRvKKR | @KKRiders pic.twitter.com/88CK9DRitu
— IndianPremierLeague (@IPL) March 26, 2025
राजस्थान रॉयल्स प्लेइंग ईलेव्हन : यशस्वी जैस्वाल, संजू सॅमसन, नितीश राणा, रियान पराग (कर्णधार), ध्रुव जुरेल (विकेटकीपर), शिमरोन हेटमायर, वानिंदू हसरंगा, जोफ्रा आर्चर, महेश तीक्षाना, तुषार देशपांडे आणि संदीप शर्मा.
कोलकाता नाइट रायडर्स प्लेइंग ईलेव्हन : क्विंटन डी कॉक, व्यंकटेश अय्यर, अजिंक्य रहाणे (कर्णधार), रिंकू सिंग, मोईन अली, आंद्रे रसेल, रमणदीप सिंग, स्पेन्सर जॉन्सन, वैभव अरोरा, हर्षित राणा आणि वरुण चक्रवर्ती.
