कॅच घेताना डोक्यावर पडला, लुंगी एन्गिडीला जबर दुखापत! डोळेही उघडेना, एम्ब्युलन्समधून नेण्याची वेळ

आयपीएल 2026 स्पर्धेतील 35वा सामना पंजाब किंग्स आणि दिल्ली कॅपिटल्स यांच्यात सुरू आहे. या सामन्यात नाणेफेकीचा कौल जिंकून दिल्ली कॅपिटल्सने प्रथम फलंदाजी स्वीकारली. तसेच 20 षटकात 2 गडी गमवून 264 धावा केल्या आणि विजयासाठी 265 धावांचं आव्हान दिलं. हे आव्हान गाठण्यासाठी आलेल्या प्रियांश आर्या आणि प्रभसिमरन सिंग यांनी आक्रमक सुरूवात केली. पहिल्या चेंडूपासून तोडफोड सुरू केली. त्यामुळे बलाढ्य स्कोअर असला तरी दिल्ली कॅपिटल्सवर दबाव वाढला. पहिल्या षटकात 15, दुसऱ्या षटकात 21 धावा आल्या. त्यामुळे कर्णंधार अक्षर पटेल चेंडू हातात घेण्याचं ठरवलं. कारण पंजाब किंग्सवर दबाव वाढवायचा तर विकेट हवी होती. त्यामुळे अक्षर पटेल गोलंदाजीला आला. पहिल्या चेंडूवर एक धाव आली. दुसऱ्या चेंडूवर चौकार मारला. तिसरा चेंडू वाइड टाकल्याने परत टाकावा लागला. या चेंडूवर प्रियांश आर्याने उत्तुंग फटका मारला आणि चेंडू खूपच वर चढला. लुंगी एनगिडी हा झेल सहज पकडेल असं वाटलं होतं. पण वेगळंच काही घडलं.

लुंगी एन्गिडी झेल पकडण्यासाठी चेंडूवर नजर ठेवून होता. तसेच मागे मागे वेगाने जात होता. चेंडूंच्या बरोबर खाली आला आणि झेल पकडणार असं वाटलं आणि अनर्थ घडला. झेल पकडताना खाली पडला आणि डोक्यावर आदळला. झेल सुटला पण लुंगी एन्गिडी उठत नसल्याने सर्वच खेळाडूंच्या त्याच्या दिशेने धाव घेतली. त्यामुळे काही तरी मोठं झाल्याचं दिसून आलं. डॉक्टरांनी तात्काळ त्याच्या दिशेने धाव घेतली आणि तपासणी सुरू केली. यावेळी त्याने डॉक्टरांना प्रतिसाद दिला. पण त्याची प्रकृती काही ठीक नसल्याचं दिसून आलं. डॉक्टरांनी तात्काळ रुग्णवाहिका मैदानात बोलवून घेतली. यावेळी एनगिडीचे दक्षिण अफ्रिका संघातील सहकारी डेविड मिलर आणि ट्रिस्टन स्टब्स यांची धाकधूक वाढली. इतकंच काय पंजाब किंग्सचा प्रशिक्षक रिकी पॉन्टिंगने मैदानात धाव घेतली. एनगिडीला रुग्णवाहिकेतून नेलं असून पुढे तपासणी केली जाणार आहे.

Wishing Lungi Ngidi a speedy recovery. 🙏🏻@NgidiLungi @DelhiCapitals #Ipl pic.twitter.com/QKVLoHbVKE

— DR. PUTIN (FROM USSR) (@Putinspeakes45) April 25, 2026

लुंगी एनगिडीला मैदानाबाहेर नेल्यानंतर त्याची जागा श्रीलंकेचा गोलंदाज दुशमंथा चमीरा याने घेतली. आता दुशमंथा चमीरा गोलंदाजीचा पर्याय म्हणून दिल्ली कॅपिटल्सकडे असणार आहे.