PBKS vs RR : राजस्थानचा हल्लाबोल, पंजाबचा विजयरथ रोखला, 6 विकेट्सने धुव्वा
Punjab Kings vs Rajasthan Royals Match Result, IPL 2026 : राजस्थान रॉयल्स न्यू चंडीगममधील स्टेडियममध्ये सर्वोच्च धावसंख्येचा यशस्वी पाठलाग करणारी टीम ठरली आहे. पंजाबने या सामन्यात राजस्थान रॉयल्ससमोर 223 धावांचं आव्हान ठेवलं होतं.
रियान पराग याच्या नेतृत्वात अखेर राजस्थान रॉयल्स पंजाब किंग्सचा विजयरथ रोखण्यात यशस्वी ठरली आहे. आयपीएल स्पर्धेच्या 19 व्या मोसमातील (IPL 2026) 39 व्या सामन्यात राजस्थान रॉयल्सने पंजाब किंग्सचा 6 विकेट्सने धुव्वा उडवला आहे. राजस्थान यासह आयपीएल स्पर्धेत आपल्या तिसऱ्या सर्वोच्च धावसंख्येचा पाठलाग करण्यात यशस्वी ठरली आहे. पंजाबने राजस्थानसमोर 223 धावांचं आव्हान ठेवलं होतं. राजस्थानने हे आव्हान 4 बॉलआधी आणि 6 विकेट्स राखून पूर्ण केलं. राजस्थानने 19.2 ओव्हरमध्ये 4 विकेट्स गमावून 228 धावा केल्या. राजस्थानने अशाप्रकारे या मोसमातील एकूण सहावा विजय मिळवला. राजस्थानचा हा न्यू चंडीगडमधील पंजाब विरुद्धचा तिसरा विजय ठरला. तर पंजाबला या मोसमात 8 व्या सामन्यानंतर पहिल्या पराभवाची चव चाखावी लागली.
सामन्याचा आढावा
राजस्थानने टॉस जिंकल्यानंतर चेजिंग करण्याचा निर्णय घेतला. त्यामुळे पंजाबला नाईलाजाने बॅटिंगसाठी यावं लागलं. पंजाबने 20 ओव्हरमध्ये 4 विकेट्स गमावून 222 धावांपर्यंत मजल मारली. मार्कस स्टोयनिस याने अखेरच्या क्षणी केलेल्या फटकेबाजीमुळे पंजाबला 13 व्यांदा 200 पेक्षा अधिक धावा करता आल्या. स्टोयनिसने पंजाबसाठी सर्वाधिक आणि नाबाद 62 धावा केल्या. ओपनर प्रभसिमरन सिंह याने 59 धावांचं योगदान दिलं. कूपर कोनोली आणि कॅप्टन श्रेयस अय्यर या दोघांनी 30-30 धावा जोडल्या. तर प्रियांश आर्या याने 29 धावांची खेळी केली. तर राजस्थानसाठी यश राज पुंजा याने दोघांना मैदानाबाहेरचा रस्ता दाखवला. तसेच जोफ्रा आर्चर आणि नांद्रे बर्गर या दोघांनी 1-1 विकेट घेतली.
राजस्थानचा विजयी षटकार
राजस्थानच्या विजयात एकूण 6 फलंदाजांनी योगदान दिलं. या 6 च्या 6 फलंदाजांनी दुहेरी आकडा गाठला. ओपनर यशस्वी यशस्वी जैस्वाल याने 51 धावा केल्या. यशस्वीने 27 बॉलमध्ये 188.89 च्या स्ट्राईक रेटने 51 रन्स केल्या. यशस्वीने या दरम्यान 1 सिक्स आणि 7 फोर लगावले. युवा फलंदाज वैभव सूर्यवंशी याने पंजाबच्या गोलंदाजांची धुलाई केली.
वैभवने 16 बॉलमध्ये 268.75 च्या स्ट्राईक रेटने 43 रन्स केल्या. वैभवने या दरम्यान 5 सिक्स आणि 3 फोर लगावले. ध्रुव दुरेल याने 16 तर कॅप्टन रियान पराग याने 29 धावा जोडल्या. रियानची ही या मोसमातील सर्वोच्च धावसंख्या ठरली. तर डोनोवन फेरेरा आणि शुभम दुबे या दोघांनी धमाका केला. डोनोवन आणि शुभम या दोघांनी पाचव्या विकेटसाठी नाबाद भागीदारी करत राजस्थानला विजयी केलं.
स्कोअरकार्ड
डोनोवन आणि शुभम या दोघांनी 32 बॉलमध्ये 77 रन्सची पार्टनरशीप केली. डोनोवन याने 26 बॉलमध्ये 200 च्या स्ट्राईक रेटने नॉट आऊट 52 रन्स केल्या. डोनोवने या दरम्यान 3 सिक्स आणि 6 फोर लगावले. तर शुबमने 12 बॉलमध्ये 2 सिक्स आणि 3 फोरसह नॉट आऊट 31 रन्सची खेळी केली आणि राजस्थानच्या विजयात योगदान दिलं. पंजाबसाठी युझवेंद्र चहल याने 3 विकेट्स मिळवल्या. अर्शदीप सिंह याने 1 विकेट मिळवली. तर इतरांना काही करता आलं नाही.
