GT vs RR Qualifier 2 : वैभव सूर्यवंशीची चाबूक खेळी, आंद्रे रसेलचा महारेकॉर्ड ब्रेक

Fastest 1 Thousand Runs In IPL : राजस्थान रॉयल्सचा स्टार फलंदाज वंडर बॉय वैभव सूर्यवंशी याने झंझावाती खेळी साकारली. वैभवने यासह आंद्रे रसेल याचा रेकॉर्ड उद्धवस्त केला आहे.

GT vs RR Qualifier 2 Vaibhav SooryavanshiImage Credit source: Bcci

sanjay patil | Updated on: May 29, 2026 | 11:10 PM

वैभव सूर्यवंशी याने सनरायझर्स हैदराबाद विरुद्ध आयपीएल स्पर्धेच्या 19 व्या मोसमातील एलिमिनेटर सामन्यात अवघ्या 29 चेंडूत 97 धावांची वादळी खेळी केली होती. वैभवच्या या खेळीमुळे राजस्थान रॉयल्सला हैदराबाद विरुद्ध एकतर्फी फरकाने विजय मिळवता आला होता. मात्र आता वैभवला क्वालिफायर 2 सामन्यात गुजरात टायटन्स विरुद्ध संघर्ष करावा लागला आहे. मात्र त्यानंतरही वैभवने दमदार अर्धशतक झळकावून राजस्थानचा डाव सावरला. वैभवने अर्धशतकी खेळीनंतर गिअर बदलला. वैभवला शतक झळकावण्याची संधी होती. मात्र वैभवचं सलग दुसऱ्या सामन्यात शतक हुकलं. वैभव एलिमिनेटर सामन्यात 97 धावांवर बाद झाला होता. तर आता वैभवने 96 रन्स केल्या. वैभवचं शतक अवघ्या 4 धावांनी हुकलं. मात्र वैभवने मोठा विक्रम मोडीत काढला आहे. वैभवने नक्की काय केलंय? हे जाणून घेऊयात.

वैभवने गुजरात विरुद्ध 31 चेंडूत अर्धशतक केलं. त्यानंतर वैभवने टॉप गिअर टाकला. वैभवने पुढील 16 चेंडूत 46 धावा जोडल्या. वैभवने गुजरात विरुद्ध 47 बॉलमध्ये 7 सिक्स आणि 8 फोरसह 96 धावा केल्या. वैभवने 204.26 च्या स्ट्राईक रेटने या धावा केल्या. वैभवने या दरम्यान आयपीएल स्पर्धेत आंद्रे रसेल याचा वेगवान 1 हजार रन्सचा रेकॉर्ड ब्रेक केला.

वेगवान 1 हजार धावा

वैभव आंद्रे रसेल याला मागे टाकत आयपीएल स्पर्धेत सर्वात कमी चेंडूत 1 हजार धावा करणारा पहिला फलंदाज ठरला. वैभवने आंद्रे रसेल याच्या तुलनेत 105 चेंडूंआधी ही कामगिरी करुन दाखवली आहे. वैभवने 440 बॉलमध्ये 1 हजार धावा पूर्ण केल्या. तर आंद्रे रसेल याने 1 हजार धावा करण्यासाठी 545 चेंडूंचा सामना केला होता.