IPL 2024 Purple Cap: पर्पल कॅपच्या शर्यतीत हर्षल पटेल, सॅम करनची एन्ट्री, कोण कुठे ते जाणून घ्या

आयपीएल 2024 स्पर्धेत पर्पल कॅपची शर्यत आणखी चुरशीची होणार यात शंका नाही. पंजाब किंग्स आणि गुजरात टाययन्स सामन्यानंतर यात रंगत वाढली आहे. कारण या शर्यतीत आता पंजाब किंग्सच्या हर्षल पटेल आणि सॅम करन यांनी एन्ट्री घेतली आहे. गुजारात टायटन्सने पंजाब किंग्स विरुद्धचा सामना 3 गडी राखून 19.1 षटकात पूर्ण केला. या सामन्यात पंजाब किंग्सने बऱ्यापैकी लढत दिली. तसेच हर्षल पटेलने 3 षटकात 15 धावा देत 3 गडी बाद केले. तर सॅम करनने 2 षटकात 18 धावा देत 1 गडी बाद केला. या कामगिरीनंतर या दोन्ही गोलंदाजांनी टॉप 5 मध्ये एन्ट्री मारली आहे. अव्वल स्थानी मुंबई इंडियन्सचा वेगवान गोलंदाज जसप्रीत बुमराह आहे. त्याने 7 सामन्यात 13 गडी बाद केले आणि त्याचा इकोनॉमी रेट हा 5.96 इतका आहे. दुसऱ्या स्थानावर पंजाब किंग्सच्या हर्षल पटेलने एन्ट्री मारली आहे. त्याने 8 सामन्यात 9.58 च्या इकोनॉमी रेटने 13 गडी बाद केले आहेत. दोघांचे सम विकेट असले तरी इकोनॉमी रेटमध्ये जसप्रीत बुमराह उजवा आहे.

तिसऱ्या स्थानावार राजस्थान रॉयल्सचा युझवेंद्र चहल आहे. त्याने 7 सामन्यात 8.34 च्या इकोनॉमी रेटने 12 गडी बाद केले. चौथ्या स्थानावर मुंबई इंडियन्सचा गेराल्ड कोएत्झी आहे. त्याने 7 सामन्यात 9.92 च्या इकोनॉमी रेटने 12 गडी बाद केले आहेत. तर पाचव्या स्थानी पंजाब किंग्सच्या सॅम करनने एन्ट्री मारली आहे. त्याने 8 सामन्यात 8.79 च्या इकोनॉमी रेटने 11 गडी बाद केले आहेत. त्यामुळे आता ही लढत पुढे जाऊन आणखी रंगतदार होणार यात शंका नाही.

दोन्ही संघांची प्लेइंग इलेव्हन

पंजाब किंग्ज (प्लेइंग इलेव्हन): सॅम कुरन (कर्णधार), प्रभसिमरन सिंग, रिली रोसो, लियाम लिव्हिंगस्टोन, शशांक सिंग, जितेश शर्मा (विकेटकीपर), आशुतोष शर्मा, हरप्रीत ब्रार, हर्षल पटेल, कागिसो रबाडा, अर्शदीप सिंग.

गुजरात टायटन्स (प्लेइंग इलेव्हन): ऋद्धिमान साहा(विकेटकीपर), शुभमन गिल(कर्णधार), डेव्हिड मिलर, अजमतुल्ला ओमरझाई, शाहरुख खान, राहुल तेवतिया, रशीद खान, रविश्रीनिवासन साई किशोर, नूर अहमद, संदीप वॉरियर, मोहित शर्मा.