खरंच की काय? इशान किशनचं लग्न ठरलं! कोणासोबत घेणार सात फेरे?

इशान किशन सध्या जबरदस्त फॉर्मात असून त्याच्याकडून चांगल्या कामगिरीची अपेक्षा आहे. टी20 वर्ल्डकप स्पर्धेत नामिबियाविरूद्धच्या सामन्यात त्याचा आक्रमक बाणा पाहायला मिळाला. इशान किशन आता कोलंबोत आहे. येथे पाकिस्तानविरुद्ध हायव्होल्टेज सामना होणार आहे. या सामन्यात इशान किशनकडून फार अपेक्षा आहेत. पाकिस्तानविरूद्धच्या सामन्यात त्याचा आक्रमक बाणा पाहायला मिळण्याची शक्यता आहे. पण हे आव्हान वाटतं तितकं सोपं नाही. दुसरीकडे वर्ल्डकप विजयाचं स्वप्नही त्याने उराशी बाळगलं आहे. असं असताना त्याच्या वैयक्तिक आयुष्याबाबत एक खुलासा समोर आला आहे. वर्ल्डकप जेतेपदानंतर इशान किशन लग्नबंधनाता अडकणार का? कोणासोबत सात फेरे घेणार? याबाबत त्याचा आजोबांनी सांगितलं. इशान किशनचे आजोबांनी त्याच्या लग्नाबाबत माहिती दिली आहे. इतकंच काय लोकांना काय वाटतं याच्याशी काही देणं घेणं नाही असंही त्यांनी सांगितलं.

आजोबा अनुराग पांडे यांच्या मते, इशान किशन या वर्षी लग्न करेल की ते माहिती नाही. पण तो ज्या कोणासोबत लग्न करेल ते नातं आम्ही आनंदाने स्विकारू. इशानच्या आजोबांनी एएनआयला दिलेल्या मुलाखतीत म्हणाले की, ‘इशान जिच्याशी लग्न करेल तिला आम्ही स्वीकारू. त्याच्या मोठ्या भावाने सांगितले की तो पल्लवीशी लग्न करेल आणि आम्ही स्वीकारले. आता आम्ही हे देखील स्वीकारू. अदिती त्याची प्रेयसी आहे, ती जयपूरमध्ये राहते. ती एक मॉडेल आहे आणि मिस इंडिया स्पर्धेत दुसऱ्या क्रमांकावर आली होती. अदितीने एक जुनी मुलाखत पाहिली आणि तिचे खूप कौतुक केले. इशान जिच्याशी लग्न करेल तिच्यासोबत आम्ही आनंदी आहोत. आमची मुले जिथे आनंदी असतील आपण ते केले पाहिजे. आपण इतरांचं ऐकण्याची गरज नाही.’

कोण आहे आदिती?

आदिती हुंडिया मिस इंडिया कॉन्टेस्टमध्ये दुसर्‍या क्रमांकावर राहिली आहे. तसेच मिस डीवा 2018 ची विजेती आहे मिडिया रिपोर्टनुसार, आदिती हुंडिया सोशल मिडिया स्टार आहे. तसेच मॉडलिंग आणि जाहिरातीतून कोट्यवधींची कमाई करते. तिची नेटवर्थ 12 कोटींच्या घरात आहे. इशान आणि आदितीलची ओळख 2019 आयपीएल स्पर्धेच्या अंतिम फेरीत झाली होती. मिस्ट्री फॅनगर्ल म्हणून चर्चे आली होती. त्यानंतर इंस्टाग्रामवर लाइक्स आणि कमेंट्समुळे दोघंही चर्चेत असायचे. आता आजोबांनी पोलखोल केल्याने लग्नाचा विषय चर्चेत राहणार आहे.