Mohammed Shami : ज्याने कोट्यवधी कमवले, त्याने मुलीला दिला 100 रुपयांचा ड्रेस, शमीची पत्नी भडकली
मोहम्मद शमीची पत्नी सध्या तिच्या चित्रपटाच्या प्रमोशनमध्ये व्यस्त आहे. यादरम्यान. तिने आपल्या मुलीच्या जबाबदारीबाबत भारतीय गोलंदाजावर अनेक आरोप केले. यातून पुन्हा एकदा शमीच्या घरातला वाद चव्हाट्यावर आलाय.
मुंबई : गेल्या काही वर्षांपासून मोहम्मद शमी याच्या (Mohammed Shami) वैयक्तिक आयुष्यात सर्व काही ठीक चालत नाहीये . पत्नी हसीन जहाँनेही (Hasin Jahan) त्याच्यावर गुन्हा दाखल केला होता. प्रकरण न्यायालयात गेले. एकेकाळी भारतीय गोलंदाज शमी आणि त्याच्या खेळावरही याचा परिणाम झाला होता, पण भारतीय गोलंदाजाने मोठे धाडस दाखवत सर्व वाद आणि वैयक्तिक आयुष्यातील चढ-उतारांना मागे टाकत आपला खेळ सुधारला. या वादांनंतर शमी आणखी धोकादायक गोलंदाज म्हणून उदयास आला. त्याने भारतासाठी अनेक सामने स्वबळावर जिंकले. शमी आणि हसीनमधील वाद अजून संपलेला नाही. शमीला आता त्या वादाकडे लक्ष द्यायचे नसले तरी आता त्याच्या पत्नीने मुलीच्या नात्याबद्दल जे काही बोलले त्यामुळे आणखी एका वादाला तोंड फुटले आहे. हसीन जहाँने शमीवर मुलीला निकृष्ट दर्जाचा ड्रेस दिल्याचा आरोप केला आहे. यामुळे पुन्हा एखदा त्यांच्या घरातील वाद चव्हाट्यावर आला आहे. आजकाल आपल्या बंगाली चित्रपटाच्या प्रमोशनमध्ये व्यस्त असलेल्या हसीन जहाँने अलीकडेच एका टीव्ही (TV) चॅनेलला या मालिकेत मुलाखत दिली. जेव्हा शमीचा प्रश्न आला तेव्हा त्याने भारतीय गोलंदाजावर आरोप केले.
एकही गिफ्ट दिलेले नाही
शमीची पत्नी म्हणजे की बेबो आता मोठी होत आहे. ती शाळेत जाते, डान्स क्लासला जाते. मुलगी अनेक कामांमध्ये गुंतलेली असते. प्रत्येक ठिकणी आपल्या वडिलांसोबत असल्याचं तिला सर्वत्र दिसतं. आता तिने प्रश्न विचारण्यास सुरुवात केली आहे आणि ती शमीशी संपर्क करण्याचाही प्रयत्न करते. हसीनचा आरोप आहे की शमी आपल्या मुलीशी बोलत नाही. पुढे म्हणाली की एवढ्या वर्षात शमीने आजपर्यंत मुलीला एकही गिफ्ट दिलेले नाही. ईदला तो आपल्या मुलीला कपडेही पाठवत नाही. हसीनने सांगितले की, गेल्या महिन्यात तिच्या वाढदिवशी तिच्या मुलीने तिला मेसेज विचारला तेव्हा तिने तिला तिच्या वडिलांना गिफ्ट पाठवण्यास सांगितले होते.
खराब दर्जाचे कपडे
हसीनने सांगितले की, शमीने गिफ्ट पाठवले, पण फुटपाथवर 50, 100 रुपयांना विकला जाणारा ड्रेस पाठवला आणि तो आकारानेही लहान होता. ती म्हणाली की, तिला कपडे पाहून इतके आश्चर्य वाटले, करोडो रुपये कमावणारा क्रिकेटर, जो स्वत: दिवसाला अडीच लाख खरेदीवर खर्च करतो, तो आपल्या मुलीला इतके निकृष्ट दर्जाचे कपडे कसे पाठवू शकतो. हसीनने सांगितले की, ती तिच्या कामगारांच्या मुलांना इतके निकृष्ट दर्जाचे कपडेही देत नाही.