PAK vs ENG 1st Test: टेस्टमध्ये T20 चा फिल, 6 चेंडू 6 चौकार, पाकिस्तानी गोलंदाजांना धुणारा हा इंग्रज कोण?
PAK vs ENG: पहिल्याच दिवशी इंग्लंडच्या चार फलंदाजांनी ठोकली शतकं, उभारला धावांचा डोंगर.....
लाहोर: पाकिस्तान आणि इंग्लंडमध्ये कसोटी मालिकेला सुरुवात झाली आहे. 17 वर्षानंतर इंग्लंडची टीम पाकिस्तानात टेस्ट सीरीज खेळण्यासाठी आली आहे. आज रावळपिंडी टेस्टचा पहिला दिवस होता. पहिल्याच दिवशी इंग्लंडने यजमान टीमची चांगली धुलाई केली. आजच्या पहिल्या दिवसाच वैशिष्टय ठरलं, हॅरी ब्रूकच शानदार शतक आणि साउद शकीलची धुलाई.
मिळालेल्या संधीचा उचलला फायदा
रावळपिंडी कसोटीच्या पहिल्या दिवशी मीडल ऑर्डरचा फलंदाज हॅरी ब्रूकला फलंदाजीची संधी मिळाली. त्याने मिळालेल्या संधीचा फायदा उचलत शानदार शतक झळकावलं.
पुढच्या 12 चेंडूत 8 चौकार
ब्रूकने टेस्ट मॅच असली, तरी वनडे स्टाइल फलंदाजी केली. त्याने 52 चेंडूत अर्धशतक पूर्ण केलं. त्यानंतर पुढच्या 12 चेंडूत 8 चौकारांच्या मदतीने 34 धावा कुटल्या. डावखुरा फिरकी गोलंदाज साऊद शकीलच्या एका ओव्हरमध्ये ब्रूकने 6 चेंडूत 6 चौकार मारले.
पहिल्याच दिवशी इंग्लंडच्या 506 धावा
करिअरमधील दुसरा कसोटी सामना खेळणाऱ्या ब्रूकने टेस्ट करिअरमधील पहिलं शतक झळकावलं. टेस्ट क्रिकेटमध्ये ब्रूकने फक्त 80 चेंडूत शतक केलं. ब्रूक या इनिंगमध्ये शतक ठोकणारा इंग्लंडचा चौथा फलंदाज ठरला. त्याच्याआधी टीमचे दोन्ही ओपनर, जॅक क्रॉली आणि बेन डकेट यांनी शतक झळकावलं. ओली पोपने टेस्ट करिअरमधील तिसर शतक झळकावलं. हॅरी ब्रूक 101 धावांवर नाबाद आहे. इंग्लंडने पहिल्याच दिवशी 4 बाद 506 धावा केल्या.
