Ayesha Naseem Retirement | आयशा नसीम हीची वयाच्या 18 व्या वर्षी निवृत्तीची घोषणा, धर्मासाठी क्रिकेटची ‘विकेट’
Cricket Retirement News | या क्रिकेटरने घेतलेल्या निवृत्तीच्या निर्णयामुळे क्रिकेट विश्वात एकच खळबळ उडाली आहे. या क्रिकेटरने असा निर्णय का घेतला, अशी चर्चा रंगली आहे.
इस्लामाबाद | क्रिकेट विश्वातून अतिशय मोठी आणि धक्कादायक बातमी समोर आली आहे. ज्या वयापासून खऱ्या अर्थाने आपल्या देशाचं प्रतिनिधित्व करण्यासाठी नेट्समध्ये घाम गाळला जातो, विविध स्पर्धेतून चमकदार कामगिरी करत निवड समितीचं लक्ष वेधण्याचा प्रयत्न केला जातो, त्या वयात एका क्रिकेटरच्या निर्णयामुळे प्रचंड खळबळ माजली आहे. या खेळाडूने घेतलेल्या निर्णयामुळे असं का केलं असावं, असा प्रश्न क्रिकेट चाहत्यांना पडला आहे. युवा खेळाडूने वयाच्या अवघ्या 18 व्या वर्षी आंतरराष्ट्रीय क्रिकेटमधून तडकाफडकी निवृत्तीची घोषणा केली आहे.
पाकिस्तानची युवा अष्टपैलू आयेशा नसीम हीने वयाच्या अवघ्या 18 व्या वर्षी आंतरराष्ट्रीय क्रिकेटला अलविदा केला आहे. आयेशाने पाकिस्तान क्रिकेट बोर्ड अर्थात पीसीबीला निवृत्तीची माहिती दिली आहे. आयेशाने निवृत्तीचं कारणही स्पष्ट केलंय.
आयेशा नसीम निवृत्त
?BREAKING NEWS!!?
Pakistan's young cricket star, 18 Year Old Ayesha Naseem quits cricket.
She played 4 ODIs and 30 T20Is for Pakistan. She was one of the best hitters from Pakistan women's team.#CricketTwitter pic.twitter.com/0gHDGgSL7V
— Female Cricket (@imfemalecricket) July 20, 2023
आयेशा काय म्हणाली?
आयेशाने निवृत्ती घेण्याचं कारण सांगितलंय. “मी क्रिकेट सोडतेय. मला इस्लाम धर्मानुसार उर्वरित आयुष्य जगायचंय”, असं स्पष्टीकरण आयेशाने दिलंय.
आयेशा नसीम हीची आंतरराष्ट्रीय क्रिकेट कारकीर्द
आयेशा नसीम हीने पाकिस्तानचं 4 एकदिवसीय आणि 30 टी 20 सामन्यात प्रतिनिधित्व केलंय. आयेशाने वनडेत 33 आणि टी 20 मध्ये 369 अशा एकूण 402 आंतराराष्ट्रीय धावा केल्या आहेत. आयेशाने 12 जुलै 2021 रोजी वेस्ट इंडिज विरुद्ध एकदिवसीय पदार्पण केलं होतं. तर ऑस्ट्रेलिया विरुद्ध 23 जानेवारी 2023 रोजी खेळलेली वनडे मॅच ही तिच्या एकदिवसीय कारकीर्दीतील अखेरची ठरली.
तर त्याआधी 3 मार्च 2020 रोजी विंडिज विरुद्धच टी 20 डेब्यू केलं होतं. तर आयेशाने आयर्लंड विरुद्ध 15 फेब्रुवारी 2023 ला खेळलेला टी 20 सामना हा अखेरचाच ठरला.
