कॉफी प्यायला येणार?, अहो, चक्क रोहित शर्मा तुम्हाला विचारतोय, पहा ड्रेसिंग रुममधला हा VIDEO

धर्मशाला: श्रीलंकेविरुद्ध (Ind vs Sl) काल झालेल्या दुसऱ्या टी 20 सामन्यात रोहित शर्मा (Rohit sharma) बॅटने फारशी चमक दाखवू शकला नाही. रोहित काल स्वस्तात बाद झाला. पण कॅप्टन म्हणून मधल्या फळीच्या कामगिरीवर रोहित शर्मा नक्कीच खूष असेल. श्रीलंकेच्या 184 धावांच्या लक्ष्याचा पाठलाग करताना भारताने दोन विकेट लवकर गमावले. पण श्रेयस अय्यर, रवींद्र जाडेजा (Ravindra jadeja) आणि संजू सॅमसनने श्रीलंकेची गोलंदाजी फोडून काढली. एक अवघड वाटणारं लक्ष्य भारताला सहज पार करता आलं. या तिघांनी लंकन गोलंदाजांवर अक्षरक्ष: हल्लाबोल केला. भारताने हा सामना 17 चेंडू राखून जिंकला. तीन टी-20 सामन्यांच्या मालिकेत आता भारताकडे 2-0 आघाडी आहे. आजचा सामना फक्त औपचारिकता मात्र आहे.

कालच्या सामन्यात श्रेयस अय्यर आणि रवींद्र जाडेजा श्रीलंकन गोलंदाजांची धुलाई करत असताना, कॅमेरामनने कॅमेरा ड्रेसिंग रुमकडे फिरवला. त्यावेळी रोहित शर्माच्या हातात गरम कॉफीचं ग्लास होतं. धर्मशाळाच्या थंडगार वातावरणात रोहित शर्मा गरमागरम कॉफीचा आस्वाद घेत होता.

Just what you need in the cold Dharamsala weather ☕️@ImRo45 pic.twitter.com/xUgz8W9ERR

— BCCI (@BCCI) February 26, 2022

कॉफीचे घोट घेत असताना, कॅमेरा आपल्याकडे आहे, हे चटकन रोहितच्या लक्षात आलं. त्यावेळी त्याने कॅमराकडे पाहून कॅमेरामनला कॉफी घेणार का? म्हणून विचारणा केली. त्यावेळी रोहितच्या चेहऱ्यावर हास्य होते.

Rohit Sharma be like ☕️?#INDvSL https://t.co/YKWoIcoBf9 pic.twitter.com/W7sYbBKdVO

— Punjab Kings (@PunjabKingsIPL) February 26, 2022

रोहितने कॉफीची विचारणा केल्याचा हा व्हिडिओ बीसीसीआयने त्यांच्या टि्वटर हँडलवरुन टि्वट केला. हा व्हिडिओ लगेच व्हायरल झाला. पंजाब किंग्सने या व्हिडिओवर गमतीशीर reaction दिली आहे. किंग्स इलेवन पंजाबने प्रसिद्ध बॉलिवूड चित्रपटातील अक्षय कुमारचा सीन शेअर केला. ‘कोई तो आओ मेरे साथ कॉफी पीने’ असं त्या व्हिडिओत म्हटलं आहे. फॅन्सनी खूपच गंमतीशीर reaction दिल्या आहेत. आज मालिकेतला तिसरा आणि शेवटचा टी 20 सामना होणार आहे.

PBKS lead hilarious reactions to Rohit Sharma’s viral video of sipping coffee