Rishabh Pant : ऋषभ पंतची थक्क करणारी कीपींग, चित्त्यासारखी झेप, काम तमाम, एकदा हा Video बघा

Rishabh Pant

Image Credit source: PTI

IPL 2024 च्या 32 व्या सामन्यात दिल्ली कॅपिटल्सचा कॅप्टन ऋषभ पंतने आपल्या उत्तम विकेटकीपिंगने सर्वांच मन जिंकलं. ऋषभ पंतने गुजरात टायटन्स विरुद्ध एक जबरदस्त कॅच घेतली. सोबत दोन कमालीच्या स्टम्पिंगही केल्या. अहमदाबादच्या पीचवर खेळताना फलंदाजांना अडचणी येत होत्या. त्याचवेळी दिल्ली कॅपिटल्सच्या टीमने उत्तम फिल्डिंग करुन गुजरातच्या अडचणीत भर घातली. ऋषभ पंतने डेविड मिलरची जबरदस्त कॅच घेतली. त्यानंतर अभिनव मनोहर आणि शाहरुख खानची स्टम्पिंग केली.

ऋषभ पंतने 5 व्या ओव्हरमध्ये इशांत शर्माच्या गोलंदाजीवर जबरदस्त कॅच पकडली. इशांतचा चेंडू मिलरच्या बॅटच्या आतल्या बाजूला लागला. त्यानंतर चेंडू पॅडला लागून दिशा बदलून ऑफ स्टम्पच्या बाहेर गेला. पण पंतने कमालीची डाइवर मारुन कॅच पकडली. ही कॅच यासाठी खास आहे, कारण चेंडू दिशा बदलत होता. तो पकडण्यासाठी चांगल्या नजरेसह वेगवान हालचाल आवश्यक होती. पंत बराच काळ मैदानापासून लांब होता. तो या टुर्नामेंटमधून पुनरागमन करतोय. त्याने ही कॅच पकडून आपला फिटनेस सिद्ध केला.

क्लासिक स्टम्पिंग

डेविड मिलरची कॅच घेतल्यानंतर ऋषभ पंतने आणखी 2 स्टम्पिंग्स सुद्धा केल्या. 9 व्या ओव्हरमध्ये ट्रिस्टन स्टब्सच्या चेंडूवर ऋषभने अभिनव मनोहरच स्टम्पिंग केलं. अभिनवने पुढे येऊन स्टब्सच्या चेंडूवर शॉट मारण्याचा प्रयत्न केला. त्याचे पाय क्रीज बाहेर होते. संधी मिळताच पंतने बेल्स उडवल्या. त्यानंतर स्टब्सने शाहरुख खानला लेग स्टम्पच्या बाहेर वाइड चेंडू टाकला. शाहरुखने पाय उचलताच पंतने त्याला स्टम्प आऊट केलं.