Rishabh Pant : ऋषभ पंत उत्तराखंडचा ब्रँड अॅम्बेसेडर, मुख्यमंत्री पुष्कर सिंह धामी यांची घोषणा
ऋषभ पंत याची उत्तराखंड सरकारनं राज्याचा ब्रँड अॅम्बेसेडर म्हणून नियुक्ती केली आहे. युवकांना खेळ आणि सार्वजनिक आरोग्यासाठी प्रोत्साहन देण्यासाठी राज्य सरकारन ही जबाबदारी पंत याच्यावर सोपवली आहे.
नवी दिल्ली : भारतीय क्रिकेट संघाचा यष्टिरक्षक फलंदाज ऋषभ पंत (Rishabh Pant) याची उत्तराखंड (Uttarakhand) सरकारने आपल्या राज्याचा ब्रँड अॅम्बेसेडर (Brand Ambassador) म्हणून नियुक्ती केली आहे. तरुणांना क्रीडा आणि सार्वजनिक आरोग्यासाठी प्रोत्साहन देण्यासाठी राज्य सरकारने ही जबाबदारी ऋषभ पंतवर सोपवली आहे. गुरुवारी उत्तराखंडचे मुख्यमंत्री पुष्कर सिंह धामी (Chief Minister Pushkar Singh Dhami) दिल्लीतील उत्तराखंड सदनात पंत याच्यासोबत फोनवर संवाद साधला. ऋषभ पंत हा मूळचा उत्तराखंडचा रहिवासी आहे. तो हरिद्वार जिल्ह्यातील रुरकी येथे वाढले आणि तेथेच त्यांचे शिक्षण झाले. तो दिल्लीतून रणजी खेळायचा. मुख्यमंत्री पुष्कर सिंह धामी यांनी स्वतः ट्विट करून पंत यांची राज्याचा ब्रँड अॅम्बेसेडर म्हणून नियुक्ती झाल्याची माहिती दिली. त्यांनी लिहिले, ‘उत्तराखंडमधील तरुणांना क्रीडा आणि सार्वजनिक आरोग्यासाठी प्रोत्साहित करण्याच्या उद्देशाने देवभूमीचे सुपुत्र आणि भारतीय क्रिकेट संघाचा प्रतिभावान खेळाडू ऋषभ पंत यांची राज्य सरकारने “राज्य ब्रँड अॅम्बेसेडर” म्हणून नियुक्ती करण्याचा निर्णय घेतला आहे. आपणास शुभेच्छा!’
ट्विट पाहा
प्रदेश सरकार ने देवभूमि के सपूत एवं भारतीय क्रिकेट टीम के प्रतिभावान खिलाड़ी @RishabhPant17 जी को उत्तराखण्ड के युवाओं को खेलकूद एवं जन स्वास्थ्य के प्रति प्रोत्साहित किए जाने के उद्देश्य से “राज्य ब्रांड एम्बेसडर” नियुक्त करने का निर्णय लिया है।
आपको हार्दिक शुभकामनाएं ! pic.twitter.com/2NP1lZ5pga
— Pushkar Singh Dhami (@pushkardhami) August 10, 2022
ऋषभ पंतच्या कामिरीवर एक नजर टाकल्यास,
हायलाईट्स
- ऋषभ पंतनं 31 कसोटी, 27 वनडे आणि 54 टी-20 सामन्यांमध्ये अनुक्रमे 2123, 840 आणि 883 धावा केल्या आहेत.
- या खेळाडूने वयाच्या 24 व्या वर्षी टीम इंडियाची कमानही सांभाळली आहे.
- दक्षिण आफ्रिकेविरुद्धच्या 5 सामन्यांच्या टी-20 मालिकेत ऋषभ पंतकडे कर्णधारपदाची जबाबदारी सोपवण्यात आली होती.
- पंत हा आयपीएलमध्ये दिल्ली कॅपिटल्सचा कर्णधार आहे.
वयाच्या 24 व्या वर्षी राज्याचा ब्रँड अॅम्बेसेडर बनणे आश्चर्यकारक आहे. पंतने आंतरराष्ट्रीय स्तरावर स्वतःला सिद्ध करून हे नाव कमावले आहे. यामुळे आता त्याला मोठी जबाबरादीर मिळाल्यानं त्याचीही जबाबदार वाढली आहे. पंतच्या आधी त्याचा गुरू महेंद्रसिंग धोनीही या राज्याचा ब्रँड अॅम्बेसेडर राहिला आहे.
ऋषभ पंतच्या कारकिर्दीवर नजर टाकल्यास त्यान आतापर्यंत 31 कसोटी, 27 वनडे आणि 54 टी-20 सामन्यांमध्ये अनुक्रमे 2123, 840 आणि 883 धावा केल्या आहेत. गेल्या ऑस्ट्रेलिया दौऱ्यावर ऋषभ पंतची गाबा खेळी खूप लक्षात राहते. या खेळाडूने वयाच्या 24 व्या वर्षी टीम इंडियाची कमानही सांभाळली आहे. दक्षिण आफ्रिकेविरुद्धच्या 5 सामन्यांच्या टी-20 मालिकेत ऋषभ पंतकडे कर्णधारपदाची जबाबदारी सोपवण्यात आली होती. पंत हा आयपीएलमध्ये दिल्ली कॅपिटल्सचा कर्णधार आहे.