Shikhar Dhawan : हुमा कुरैशीने शिखर धवनला फोनवरुन सांगितलं, ‘आपलं लग्न….’
Shikhar Dhawan : तो आपल्या सोशल मीडिया अकाऊंटवर नेहमी Active असतो. धवनने अलीकडेच बॉलिवूडमध्ये डेब्यु केला होता. सोनाक्षी सिन्हाच्या डबल एक्सएल चित्रपटात कॅमियो रोल केला होता.
मुंबई : टीम इंडियाचा डावखुरा फलंदाज शिखर धवन सध्या टीम बाहेर आहे. पण तो आपल्या सोशल मीडिया अकाऊंटवर नेहमी Active असतो. धवनने अलीकडेच बॉलिवूडमध्ये डेब्यु केला होता. सोनाक्षी सिन्हाच्या डबल एक्सएल चित्रपटात कॅमियो रोल केला होता. डबल एक्सएल एक कॉमेडी चित्रपट होता. ज्यात हुमा कुरैशीने राजश्री त्रिवेदीची भूमिका साकारली होती. शिखर धवनने या चित्रपटात गेस्ट अपियरेंस केला होता. आता शिखर धवनने त्याच्या इन्स्टाग्रामवर एक व्हिडिओ शेअर केलाय, त्यात हुमा कुरैशी फोनवरुन आपलं लग्न होणार नाही, असं त्याला सांगताना दिसतेय.
आपलं लग्न होणार नाही
बॉलिवूड अभिनेत्री हुमा कुरैशीसोबत भारतीय क्रिकेटपटू शिखर धवनने इन्स्टाग्रामवर एक रील शेअर केली आहे. या रीलमध्ये हुमा शिखरला फोन करुन आपलं लग्न होणार नाही, असं सांगताना दिसतेय. त्यावर धवन तिला विचारतो का काय झालं? कालच आपलं लग्न झालं होतं. हे ऐकून हुमाला आश्चर्याचा धक्का बसतो. ती सॉरी बोलून फोन कट करते. फोन कट झाल्यानंतर हुमाला आपल्या चुकीची जाणीव होते. आपण चुकीच्या नंबरवर फोन लावलाय. त्यामुळे धवनचा गैरसमज झाल्याच तिच्या लक्षात येतं.
फॅन्स वेगवेगळ्या पद्धतीने रिएक्ट होतायत
हा मजेशीर व्हिडिओ शिखर धवनने त्याच्या इन्स्टाग्राम अकाऊंटवर शेअकर केलाय. या व्हिडिओला आतापर्यंत 14 लाखापेक्षा जास्त लोकांनी लाइक केलय. व्हिडिओ पाहून फॅन्स वेगवेगळ्या पद्धतीने रिएक्ट होतायत. शिखर धवनने या व्हिडिओच्या कॅप्शनमध्ये हुमाला टॅग करताना ‘ये क्या कर दिया’ असं म्हटलं आहे. शुभमनमुळे शिखरची वाट बिकट
शुभमन गिलनं चांगली कामगिरी केली आहे. त्यामुळे रोहित शर्मासोबत सलामीसाठी चांगला खेळाडू मिळाला आहे.मागच्या वर्षी आयसीसी टी 20 वर्ल्डकप 2022 नंतर केएल राहुल आणि रोहित शर्मा यांना विश्रांती देण्यात आली. या संधीचं सोनं शुभमन गिल याने केलं. सात वनडे सामन्यात 4 शतकं ठोकली. यात एका द्विशतकी खेळीचाही समावेश आहे. त्यामुळे शिखर धवनची संघातील पुनरागमनाची वाट बिकट झाली आहे.
