IND vs SA: ‘पाकिस्तान को मरवाना नही हैं’, टीम इंडियाची बॅटिंग पाहून Shoaib Akhtar टेन्शनमध्ये, VIDEO
IND vs SA: या मॅचवर पाकिस्तानच जास्त लक्ष आहे. शोएब आणि पाकिस्तानी क्रिकेटप्रेमी टेन्शनमध्ये आहेत.
लाहोर: पाकिस्तानने आज टी 20 वर्ल्ड कपमधला पहिला विजय मिळवला. त्यांनी नेदरलँडला हरवलं. पाकिस्तानने मॅच जिंकली असली, तरी त्यांचं सर्व लक्ष भारत विरुद्ध दक्षिण आफ्रिका सामन्यावर आहे. कारण ग्रुपमधील स्थिती लक्षात घेता, भारताच्या विजयावर पाकिस्तानचा सेमीफायनलचा प्रवास अवलंबून आहे. पाकिस्तानचे या वर्ल्ड कपमधील अजून दोन सामने बाकी आहेत. बांग्लादेश आणि दक्षिण आफ्रिकेविरुद्ध त्यांना खेळायचं आहे.
पाकिस्तानी क्रिकेट फॅन्स चिंतेत
पाकिस्तानला या दोन मॅच जिंकाव्याच लागतील. पण त्यांना अन्य टीम्सच्या जय-पराजयावर सुद्धा अवलंबन रहाव लागणार आहे. आज भारताने दक्षिण आफ्रिकेविरुद्ध जिंकावं अशी पाकिस्तानी क्रिकेटप्रेमींची इच्छा आहे.
शोएबने पोस्ट केला व्हिडिओ
आता पर्थवर भारत विरुद्ध दक्षिण आफ्रिका सामना सुरु आहे. या मॅचमध्ये भारताची फलंदाजी फ्लॉप ठरली. त्यांनी दक्षिण आफ्रिकेला विजयासाठी 134 धावांच सोपं लक्ष्य दिलं आहे. त्यामुळे पाकिस्तानातील क्रिकेटप्रेमी चिंतेता आहेत.खासकरुन शोएब अख्तर. टीम इंडियाची बॅटिंग सुरु असतानाच शोएबने सोशल मीडियावर एक व्हिडिओ पोस्ट केलाय. दक्षिण आफ्रिकेचा लुंगी निगीडी टीम इंडियासाठी घातक गोलंदाज ठरला. त्याने 4 ओव्हरमध्ये 29 धावा देऊन 4 विकेट काढल्या.
Bhaiyo bahut jaldi main hain? pic.twitter.com/QVIf9Y4bj0
— Shoaib Akhtar (@shoaib100mph) October 30, 2022
शोएबने व्हिडिओत काय म्हटलय?
भारताची टॉप ऑर्डर आज दक्षिण आफ्रिकेच्या गोलंदाजीसमोर कोसळली. ही पडझड पाहून टीव्हीसमोर मॅच पाहणारा पाकिस्तानचा माजी वेगवान गोलंदाज शोएब अख्तर टेन्शनमध्ये आलाय. त्याने टीम इंडियाच्या बॅटिंगवर निराशा प्रगट केली. “पाकिस्तानला टुर्नामेंटमध्ये ठेवण्यासाठी भारताला ही मॅच जिंकावी लागेल, हे मी आधीच म्हटलय. पण चार विकेट आधीच गेल्यात. आता पुढे काय होणार, ठाऊक नाही. पाकिस्तान को मरवाना नही हैं” असं त्याने म्हटलय.
