AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

SA vs IND : 23 षटकार 17 चौकार, संजू आणि तिलकचा हाहाकार, दक्षिण आफ्रिकेसमोर 284 धावांचा डोंगर

Tilak Varma and Sanju Samson Century : संजू सॅमसन आणि तिलक वर्मा या दोघांनी टीम इंडियासाठी टी 20I क्रिकेटमध्ये विक्रमी भागीदारी केली आहे. या दोघांच्या खेळीच्या जोरावर भारताने परदेशात सर्वोच्च धावसंख्या उभारण्याचा कारनामा केला आहे.

SA vs IND : 23 षटकार 17 चौकार, संजू आणि तिलकचा हाहाकार, दक्षिण आफ्रिकेसमोर 284 धावांचा डोंगर
sanju samson and tilak varma sa vs ind 4th t20iImage Credit source: Bcci x Account
Sanjay patil
Sanjay patil | Updated on: Nov 15, 2024 | 11:03 PM
Share

टीम इंडियाने दक्षिण आफ्रिकेला चौथ्या आणि अंतिम टी 20i सामन्यात विजयासाठी 284 धावांचं डोंगराएवढं आव्हान दिलं आहे. संजू सॅमसन आणि तिलक वर्मा या दोघांनी नाबाद शतक ठोकलं. दोघांनी केलेल्या या शतकी खेळीच्या जोरावर टीम इंडियाने दक्षिण आफ्रिकेविरुद्ध 2 विकेट्स गमावून 283 धावा केल्या. भारताची ही परदेशातील सर्वोच्च धावसंख्या ठरली. तसेच टीम इंडियासाठी संजू सॅमसन आणि तिलक वर्मा या दोघांनी कोणत्याही विकेटसाठी विक्रमी आणि नाबाद भागीदारी केली. दोघांनी 85 बॉलमध्ये नॉट आऊट 210 रन्सची पार्टनरशीप केली. आता दक्षिण आफ्रिकेचे फलंदाज या आव्हानाचा पाठलाग करताना किती धावांपर्यंत मजल मारतात? याकडे साऱ्यांचं लक्ष असणार आहे.

स्फोटक सुरुवात आणि तसाच शेवट

कॅप्टन सूर्यकुमार यादव याने टॉस जिंकून बॅटिंगचा निर्णय घेतला. टीम इंडियाला अभिषेक शर्मा आणि संजू सॅमसन या दोघांनी स्फोटक सुरुवात करुन दिली. दोघांनी पावरप्लेचा पूर्ण फायदा घेत तोडफोड बॅटिंग केली. मात्र सहाव्या ओव्हरमधील सहाव्या बॉलवर अभिषेक शर्मा आऊट झाला आणि ही जोडी फुटली. भारताला 73 धावांवर पहिला झटका लागला. अभिषेक शर्मा 18 बॉलमध्ये 4 सिक्स आणि 2 फोरसह 200 च्या स्ट्राईक रेटने 36 धावा करुन माघारी परतला.

संजू आणि तिलकचा झंझावात आणि विक्रमी भागीदारी

अभिषेकनंतर दक्षिण आफ्रिकेला एकही विकेट मिळाली नाही. संजू सॅमसन आणि तिलक वर्मा या दोघांनी दक्षिण आफ्रिकेच्या वादळी खेळी करत गोलंदाजांची वरात काढली. दोघांनी मैदानात चौफेर फटकेबाजी केली. दोघेही बॉल येईल तसा फटका मारत होते. त्यामुळे दक्षिण आफ्रिकेचे गोलंदाज हैराण झाले. दक्षिण आफ्रिकेला विकेटची संधी होती.मात्र त्यांच्या खेळाडूंनी सोप्या कॅच टाकल्या. या संधींचं दोघांनी फायदा घेतला आणि दुप्पट वेगाने फटकेबाजी केली.

सलग 2 शतकानंतर सलग 2 वेळा शून्यावर बाद होणाऱ्या संजू सॅमसन याने 51 चेंडूत शतक पूर्ण केलं. संजू यासह एका वर्षात 3 टी 20i शतकं करणारा पहिला फलंदाज ठरला. संजूनंतर तिलकने 41 बॉलमध्ये सेंच्युरी पूर्ण केली. तिलकचं हे सलग दुसरं शतक ठरलं आणि त्याने संजूच्या विक्रमाची बरोबरी केली.

विक्रमी भागीदारी

दोघांनी दे दणादण बॅटिंग करत भारताला 20 ओव्हरमध्ये 283 धावांपर्यंत पोहचवलं. यासह दोघांनी टीम इंडियासाठी कोणत्याही विकेटसाठी विक्रमी भागीदारी केली. दोघांनी दुसर्‍या विकेटसाठी 85 बॉलमध्ये नॉट आऊट 210 रन्सची पार्टनरशीप केली. तिलक वर्माने 47 चेंड़ूत 10 षटकार आणि 9 चौकारांसह नाबाद 120 धावा केल्या. तर संजूने 56 बॉलमध्ये 9 सिक्स आणि 6 चौकारांच्या मदतीने नॉट आऊट 109 रन्स केल्या.

दक्षिण आफ्रिकेसमोर 284 धावांचा डोंगर

टीम इंडिया प्लेइंग ईलेव्हन : सूर्यकुमार यादव (कर्णधार), संजू सॅमसन (विकेटकीपर), अभिषेक शर्मा, तिलक वर्मा, हार्दिक पांड्या, रिंकू सिंग, अक्षर पटेल, रमणदीप सिंग, अर्शदीप सिंग, रवी बिश्नोई आणि वरुण चक्रवर्ती.

दक्षिण आफ्रिका प्लेइंग ईलेव्हन: एडन मार्करम (कॅप्टन), रायन रिकेल्टन, रीझा हेंड्रिक्स, ट्रिस्टन स्टब्स, हेनरिक क्लासेन (विकेटकीपर), डेव्हिड मिलर, मार्को यान्सेन, अँडिले सिमेलेन, जेराल्ड कोएत्झी, केशव महाराज आणि लुथो सिपामला.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी