The King is Back! जगातला बेस्ट फिनिशर परतला, धोनीची मॅचविनिंग खेळी पाहून विराट कोहली खूश

DC vs CSK, IPL 2021 : दिल्लीवर मात करत चेन्नईने फायनलचं तिकीट मिळवलं आहे. चेन्नईने आयपीएलच्या इतिहासात नवव्यांदा फायनल गाठली आहे.

The King is Back! जगातला बेस्ट फिनिशर परतला, धोनीची मॅचविनिंग खेळी पाहून विराट कोहली खूश
Virat Kohli - MS Dhoni
Follow us
| Updated on: Oct 11, 2021 | 12:34 AM

दुबई : आयपीएल 2021 स्पर्धा अंतिम टप्प्यात पोहोचली आहे. या हंगामातील प्लेऑफ सामन्यांमधील पहिला सामना दिल्ली कॅपिटल्स आणि चेन्नई सुपर किंग्ज (DC vs CSK) यांच्यात खेळवला गेला. दुबई इंटरनॅशनल स्टेडियम येथे खेळवण्यात आलेल्या या सामन्यात चेन्नईने दिल्लीवर 4 विकेट्सने मात केली आहे. त्याचबरोबर आज क्रिकेटरसिकांना चेन्नईच्या रुपात यंदाच्या आयपीएल स्पर्धेतील पहिला फायनलिस्ट मिळाला आहे. दिल्लीवर मात करत चेन्नईने फायनलचं तिकीट मिळवलं आहे. चेन्नईने आयपीएलच्या इतिहासात नवव्यांदा फायनल गाठली आहे. (the king is back, greatest finisher ever in the game, Virat Kohli appreciates MS Dhoni)

या सामन्यात दिल्लीने प्रथम फलंदाजी करताना 172 धावांचा डोंगर उभा केला होता. मात्र चेन्नईच्या फलंदाजांनी चार विकेट्स आणि 2 चेंडू राखून हे आव्हान पूर्ण केलं आहे. सुरुवातीला ऋतुराज गायकवाड आणि रॉबिन उथप्पाने या सामन्यात शतकी भागिदारी करत चेन्नईच्या विजयाचा पाया रचला. अखेरच्या षटकात धुवांधार फलंदाजी करत कर्णधार महेंद्रसिंह धोनीने त्यावर कळस चढवला. धोनीने त्याच्या आक्रमक शैलीत ही मॅच फिनिश केली. धोनीने 6 चेंडूत 3 चौकार आणि एका षटकाराच्या मदतीने 18 धावा जमवल्या.

अखेरच्या षटकातला थरार

अखेरच्या षटकात विजयासाठी 6 चेंडूत 13 धावांची आवश्यकता होती. टॉम करनने पहिल्याच चेंडूवर मोईन अलीला पव्हेलियनचा रस्ता दाखवला. त्यानंतर धोनी स्ट्राईकवर आला. त्यानंतर त्याने सलग दोन चौकार लगावले. दबावात आलेल्या टॉम करनने पुढचा चेंडू वाईड टाकला. चेन्नई समर्थकांचं टेन्शन आणखी कमी झालं. त्यानंतरच्या चेंडूवर धोनीने आणखी एक चौकार लगावत सामना जिंकला. ऋतुराज गायकवाडला सामनावीराचा पुरस्कार देऊन गौरवण्यात आले खरे मात्र सर्वत्र चर्चा फक्त मॅच फिनिश करणाऱ्या धोनीचीच सुरु आहे.

विराटकडून कौतुक

दरम्यान, भारतीय संघाचा कर्णधार विराट कोहलीदेखील धोनीची खेळी पाहून आनंदित झाला आहे. त्यााने त्याचा आनंद ट्विटरवर व्यक्त केला. विराटने एक ट्विट करत धोनीचं कौतुक केलं आहे. विराटने त्याच्या ट्विटमध्ये लिहिलं आहे की, “राजा परतला आहे. या खेळातला आजवरच्या सर्वोत्तम फिनिशरने पुनरागमन केलं आहे. आज त्याची खेळी पाहून पुन्हा एकदा मी उड्या मारल्या.”

चेन्नईची फलंदाजी

नॉर्खियाने पहिल्याच षटकात फाफ डुप्लेसीला पव्हेलियनचा रस्ता दाखवला होता. त्यानंतर मात्र ऋतुराज गायकवाड आणि रॉबिन उथप्पाने संयमी खेळ करत चेन्नईचा डावाला आकार दिला. दोघांनी अर्धशतकी खेळी केल्या. ऋतुराजने 50 चेंडूत 5 चौकार आणि 2 षटकारांच्या मदतीने 70 धावा फटकावल्या. तर रॉबिन उथप्पाने 44 चेंडूत 7 चौकार आणि 2 षटकारांच्या मदतीने 63 धावा चोपल्या. हे दोघे चेन्नईच्या विजयाचे शिल्पकार ठरले.

दरम्यान, दिल्लीकडून गोलंदाजीत टॉम करनने चमक दाखवली. त्याने 3.4 षटकात 29 धावा देत 3 बळी घेतले. तर आवेश खान आणि एनरीच नॉर्खियाने प्रत्येकी एक गडी बाद केला.

दिल्लीचा पहिला डाव

तत्पूर्वी, कर्णधार महेंद्रसिंह धोनीने नाणेफेक जिंकून प्रथम गोलंदाजीचा निर्णय घेतला होता. परंतु धोनीच्या मनसुब्यांवर पृथ्वी शॉने पाणी फेरलं. पृथ्वी शॉने पहिल्या षटकापासून आक्रमक पवित्रा स्वीकारला होता. पृथ्वी शॉने 7 चौकार आणि 3 षटकारांच्या मदतीने 34 चेंडूत 60 धावा फटकावल्या, मात्र त्याला दुसऱ्या बाजूने साथ मिळाली नाही. सुरुवातीचे तीन फलंदाज लवकर बाद झाल्याने धावगती धिमी झाली होती. मात्र मधल्या षटकांमध्ये शिमरन हेटमायर आणि ऋषभ पंतने डाव सावरला. पंतने अखेरच्या चेंडूपर्यंत झुंज दिली. त्याने 35 चेंडूत 51 धावांची नाबाद अर्धशतकी खेळी केली. पृथ्वी शॉ आणि पंतच्या अर्धशतकी खेळींच्या जोरावर दिल्लीने चेन्नईसमोर 172 धावांचा डोंगर उभा केला.

चेन्नईकडून गोलंदाजीत जोश हेजलवूडने चांगली कामगिरी केली. त्याने त्याने 4 षटकात 29 धावा देत 2 बळी घेतले. तर रवींद्र जाडेजा आणि मोईन अली आणि ड्र्वेन ब्राव्होने प्रत्येकी एक गडी बाद केला.

इतर बातम्या

SRH मधून बाहेर पडलेल्या डेव्हिड वॉर्नरवर अनेक संघांच्या नजरा, लिलावाआधीच मिळतायत ऑफर्स

T20 वर्ल्ड कप विजेता, उपविजेता संघ होणार मालामाल, आयसीसीकडून बक्षिसाच्या रक्कमेची घोषणा

आयर्लंडच्या फलंदाजाने विराट कोहलीला पछाडलं, खास विक्रम मोडित

(the king is back, greatest finisher ever in the game, Virat Kohli appreciates MS Dhoni)

Non Stop LIVE Update
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.