Mohsin Naqvi: मोहसिन नक्वींची आधी वाघिणींनी जिरवली, नंतर बीसीसीआयनं दिलं चोख उत्तर
Devajit Saikia On Womens Team India: Devajit Saikia On Womens Team India: बीसीसीआयचे सचिव देवाजीत सैकियाने भारतीय संघाने आशिया कपची ट्रॉफी मोहसिन नक्वींकडून का स्वीकारली नाही यावर आता बीसीसीआयकडून एक विधान आले आहे.
भारतीय पुरुष संघाने गेल्या वर्षी जे केले, तेच भारतीय महिला संघाने या वर्षी केले आहे. पुरुष संघाप्रमाणेच, भारतीय महिला संघानेही मोहसिन नक्वीकडून आशिया कप ट्रॉफी स्वीकारण्यास नकार दिला. भारतीय महिला संघाने उचललेल्या या पावलावर बीसीसीआयने आता एक निवेदन जारी केले आहे.
दुबईमध्ये, बीसीसीआयचे सचिव देवजीत सैकिया यांनी हरमनप्रीत कौर आणि तिच्या संघाच्या निर्णयावर भाष्य करताना म्हटले की, असे करून त्यांनी पुरुष संघाच्या भूमिकेशी आपली एकजूट दाखवली आहे. २०२५ च्या पहलगाम दहशतवादी हल्ल्यानंतर आपल्या शेजारी देशाशी कोणतेही संबंध ठेवू नयेत, अगदी त्यांच्यासोबत क्रिकेटही खेळू नये, असा आपल्या देशवासीयांकडून दबाव होता. तरीही, आपल्या देशाच्या सरकारने त्यांच्याविरुद्ध एका बहुराष्ट्रीय स्पर्धेत खेळण्यास मान्यता दिली. पण याचा अर्थ असा नाही की आम्ही प्रत्येक अटीला सहमत होऊ.”
देवजीत सैकिया म्हणाले की, “मोहसिन नक्वी हे एसीसीचे अध्यक्ष असण्यासोबतच पीसीबीचे अध्यक्षही आहेत. इतकेच नाही, तर ते पाकिस्तान सरकारमध्ये मंत्रीदेखील आहेत. त्यामुळे, आम्ही त्यांच्याकडून ट्रॉफी घेऊ शकत नाही. महिला संघाने आपल्या निर्णयाद्वारे हे सिद्ध केले आहे की, ते भारतीय पुरुष संघाच्या भूमिकेला पाठिंबा देतात. आम्हाला कोणताही पश्चात्ताप नाही. आमचे मुख्य उद्दिष्ट ट्रॉफी जिंकणे नाही, तर भारतीय संघाचा विजय निश्चित करणे आहे आणि आम्ही ते साध्य करत आहोत.”
देवजीत सैकिया यांच्या आधी, भारतीय महिला संघाचे प्रशिक्षक अमोल मजूमदार यांनीही एका पत्रकार परिषदेत ट्रॉफी न स्वीकारण्याच्या निर्णयावरून निर्माण झालेल्या वादावर मौन सोडले. त्यांनी सांगितले की, “हा निर्णय बीसीसीआयने घेतला असून, ते मंडळाला पाठिंबा देतात. मजूमदार पुढे म्हणाले की, आमच्यासाठी स्पर्धा संपली आहे, आम्ही चॅम्पियन झालो आहोत आणि तेवढेच पुरेसे आहे. भारतीय महिला संघ आशिया कप २०२६ चा विजेता ठरला आहे, अशी नोंद झाली आहे. आम्हाला याचा आनंद आहे आणि आता आमचे संपूर्ण लक्ष आशियाई खेळांवर आहे.
