IND vs ENG 1st ODI मॅचच्या एक दिवस आधीच इंग्लंडने टीम इंडियाला दिलं ऑपन चॅलेंज, गिल आणि गंभीरची थेट बोलतीच केली बंद

भारत आणि इंग्लंड यांच्यात एकदिवसीय मालिका रंगणार आहे. या मालिकेची सुरुवात आजपासून होणार आहे. मालिकेतील पहिला सामना आज रंगणार आहे. दुपारी तीन वाजता नाणेफेक होईल. भारतीय संघाने टी-20 मालिका गमावली आहे. आता वनडे मालिका कोणत्याही परिस्थिती जिंकायचीच हे लक्ष्य असेल. विराट कोहली आणि रोहित शर्माची जोडी अनेक दिवसानंतर मैदानात उतरणार आहे. रोको चाहते खूप उत्साही असतील त्यांच्या लाडक्या खेळाडूंना पाहण्यासाठी. आता इंग्लंडच्या संघाने एक दिवस आधी भारतीय संघाला ऑपन चॅलेंज दिले आहे.

इंग्लंडने मंगळवारी बर्मिंगहॅम येथे भारताविरुद्धच्या पहिल्या एकदिवसीय सामन्यासाठी आपला प्लेइंग इलेव्हन जाहीर केला आहे. हॅरी ब्रुकच्या नेतृत्वाखाली इंग्लिश संघाने टी-20 मालिकेत भारताला 4-0 ने पराभूत केले होते. आता, भारतीय संघ एकदिवसीय मालिकेत आपली प्रतिष्ठा पुन्हा मिळवण्याचा प्रयत्न करेल. इंग्लंडने सामन्याच्या एक दिवस आधी आपला प्लेइंग इलेव्हन जाहीर केला आहे. त्याचप्रमाणे, इंग्लिश संघाने टी-20 मालिकेसाठी आपला प्लेइंग इलेव्हन आधीच जाहीर केला होता. टी-20 संघात फिल सॉल्ट आणि जोस बटलर डावाची सुरुवात करत होते, पण एकदिवसीय सामन्यांमध्ये ही जोडी बदलली आहे. इंग्लंडसाठी जेकब बेथेल आणि बेन डकेट डावाची सुरुवात करतील.

View this post on Instagram

A post shared by We Are England Cricket (@englandcricket)

भारताविरुद्धच्या पहिल्या एकदिवसीय सामन्यासाठी वेगवान गोलंदाज जोश टंगच्या पदार्पणाची प्लेइंग इलेव्हनमध्ये पुष्टी झाली आहे. त्याने टीम इंडियाविरुद्ध टी-20 मध्ये पदार्पण केले होते आणि आता तो एकदिवसीय सामन्यातही पदार्पण करणार आहे. टंगने टी-20 मालिकेत 7 बळी घेत शानदार गोलंदाजी केली होती. या मालिकेत सर्वाधिक बळी घेणाऱ्या वेगवान गोलंदाजांमध्ये तो संयुक्तपणे पहिल्या क्रमांकावर होता.  कसोटी क्रिकेटमध्ये इंग्लंडसाठी सलामीचा फलंदाज म्हणून स्वतःला सिद्ध केले आहे. त्याला व्हाईट-बॉल क्रिकेटमध्ये स्थान मिळवण्यासाठी संघर्ष करावा लागला आहे. दुसरीकडे, बेथेलने भारताविरुद्धच्या टी-20 मालिकेत चांगली फलंदाजी केली आणि आता तो एकदिवसीय सामन्यांमध्ये डावाची सुरुवात करू शकतो. तो टी-20 मध्ये मधल्या फळीत खेळत होता.

जो रूट इंग्लंडसाठी एकदिवसीय आणि कसोटी क्रिकेट दोन्हीमध्ये खेळतो. तो यापूर्वी न्यूझीलंडविरुद्धच्या कसोटी मालिकेत खेळला होता आणि आता एकदिवसीय सामन्यांमध्ये खेळेल. तो इंग्लिश संघासाठी तिसऱ्या क्रमांकावर फलंदाजी करेल. त्याच्या पुनरागमनामुळे इंग्लंडचा संघ आणखी मजबूत झाला आहे.

भारताविरुद्धच्या पहिल्या एकदिवसीय सामन्यासाठी इंग्लंडचा प्लेइंग इलेव्हन: जेकब बेथेल, बेन डकेट, जो रूट, हॅरी ब्रूक (कर्णधार), जोस बटलर (यष्टीरक्षक), सॅम करन, विल जॅक्स, जोफ्रा आर्चर, लियाम डॉसन, जोश टंग, आदिल रशीद.