IPL च्या इतिहासातील ती 5 वादळी शतकं, जेव्हा फलंदाजांनी गोलंदाजांची अक्षरश: पिसं काढली…

इंडियन प्रीमियर लीग म्हणजे आयपीएलने क्रिकेट जगताला संपूर्णपणे बदलून टाकले आहे. या लीगने क्रिकेट चाहत्यांना असे अनेक अविस्मरणीय सामने पाहण्याची संधी दिली आहे. जेथे एखादा क्षण सामन्याला कलाटणी देणारा ठरला आहे. खास करुन फलंदाजांनी आपल्या स्फोटक फलंदाजीने गोलंदाजीच्या चिथड्या उडवल्या आहेत. फलंदाजांनी असे विक्रम केले आहेत. ज्यांची आजही आठवण काढली जाते. आयपीएल फॉरमॅटमध्ये शतक लावणे हे मोठी गोष्ट मानली जाते. परंतू काही फलंदाजांनी कमी बॉलमध्ये सेंच्युरी ठोकून इतिहास रचला आहे. आज आपण आयपीएलच्या इतिहासातील सर्वात वेगवान 5 शतकांची माहिती घेणार आहोत. ज्यांना क्रिकेट चाहते विसरलेले नाहीत.

ख्रिस गेल- 30 बॉलमध्ये शतक (2013)

आयपीएलच्या इतिहासात सर्वात तेज शतकांचा रेकॉर्ड वेस्टइंडिजचे विस्फोटक फलंदाज ख्रिस गेलच्या नावावर आहे. साल 2013 मध्ये रॉयल चॅलेंजर्स बंगलोरच्या वतीने खेळताना गेल याने पुणे वॉरियर्सच्या विरोधात केवळ 30 चेंडूत शतक पूर्ण करुन टाकले. एम.चिन्नास्वामी स्टेडियममध्ये खेळलेल्या या इनिंगमध्ये गेल याने 66 चेंडूत नावाद 175 रन केले., जो आजही आयपीएलचा सर्वात मोठा स्कोर आहे. त्याच्या या वादळी खेळीत 17 छक्के आणि 13 चौके आहेत.

यूसुफ पठाण- 37 चेंडूत शतक (2010)

राजस्थान रॉयल्सचे स्टार ऑलराऊंडर युसूफ पठाण याने साल 2010 मध्ये मुंबई इंडियन्सच्या विरोधात धमाकेदार फलंदाजी करताना केवल 37 चेंडूत शतक ठोकले होते. ब्रेबॉर्न स्टेडियममध्ये खेळलेल्या या सामन्यात युसूपने 8 छक्के आणि 9 चौके ठोकले होते. त्याची फलंदाजी इतकी आक्रमक होती की मुंबईच इंडियन्सचे गोलंदाज दबावात आले होते. मात्र,त्यांच्या या शानदार खेळीनंतरही राजस्थान रॉयल्स ही मॅच जिंकू शकला नाही.मात्र, युसूफची ही खेळ आयपीएलच्या इतिहासात आजही लक्षात ठेवली जाते.

डेव्हीड मिलर- 38 चेंडूत शतक (2013)

साऊथ अफ्रीकेचे विस्फोटक फलंदाज डेव्हीड मिलर यांनी IPL 2013 मध्येय किंग्स इलेव्हन पंजाबच्या वतीने खेळताना रॉयल चॅलेंजर्स बंगलोरच्या विरोधात केवळ 38 चेंडूत शतक ठोकले होते. मोहालीच्या आयएस बिंद्रा स्टेडियममध्ये झालेल्या या सामन्यात मिलरने 101 रनची नाबाद खेळी केली. त्यांनी 8 चौके आणि 7 छक्के ठोकले. त्यांच्या या खेळीमुळे पंजाबने 191 रनची लक्ष्य सहज पार केले. या सामन्यानंतर त्यांना “किलर मिलर” नावाने ओळख मिळाली.

एडम गिलख्रिस्ट- 42 चेंडूत शतक (2008)

ऑस्ट्रेलियाचे महान विकेट कीपर आणि फलंदाज एडम गिलख्रिस्ट यांचाही या यादीत समावेश आहे. IPL 2008 मध्ये डेक्कन चार्जर्सच्या वतीने खेळताना गिलख्रिस्ट यांनी मुंबई इंडियन्सच्या विरोधात केवळ 42 चेंडूत शतक ठोकले होते. डी.वाय.पाटील स्टेडियममध्ये खेळल्या गेलेल्या 109 रनच्या इनिंगमध्ये 10 छक्के आणि 9 चौक्यांचा समावेश होता. गिलख्रिस्टची आक्रमक फलंदाजीच्या समोर मुंबई इंडियन्सचे फलंदाज नाउमेद दिसले. गिलख्रिस्टच्या इनिंगने डेक्कन चार्जर्सने सहज सामना जिंकला.

एबी डिव्हीलियर्स- 43 चेंडूत शतक (2016)

मिस्टर 360 नावाने प्रसिद्ध असलेले एबी डिव्हीलियर्स याने IPL 2016 मध्ये गुजरात लायन्सच्या विरुद्ध केवळ 43 चेंडूत शतक ठोकले. रॉयल चॅलेंजर्स बंगलुरुच्या वतीने खेळताना डिव्हीलियर्स याने 129 रनची विस्फोटक खेळी केली. या दरम्यान त्याने 12 छक्के आणि 10 चौके ठोकले. त्यांनी फलंदाजीने मैदानाच्या प्रत्येक दिशेने शॉट ठोकले.