धक्कादायक! गोल्ड मेडलिस्ट चिराग त्यागीची मित्रानेच गोळ्या झाडून केली हत्या, हॉस्टेलवरुन निघाला अन् रस्त्यात… नेमकं काय घडलं?

दिवसेंदिवस देशातील गुन्हेगारीचे सत्र वाढतच चालले आहे. गाझियाबादमधून एक अतिशय धक्कादायक प्रकरण समोर आले आहे. आंतरराष्ट्रीय पॅरा-अॅथलीट चिराग त्यागीची थेट गोळ्या झाडून हत्या करण्यात आली आहे. या घटनेने देशभरात खळबळ माजली आहे. कोतवाली पोलीस ठाण्याच्या हद्दीत येणाऱ्या साई उपवन येथे त्याचा मृतदेह आढळून आला. तो सकाळी दिल्लीतील वसतिगृहातून (हॉस्टेल) मुरादनगरमधील बसंतपूर साथली या आपल्या गावी जाण्यासाठी निघाला होता. याच दरम्यान त्याची हत्या करण्यात आली. पोलीस आता या प्रकरणाचा तपास करत आहेत. त्यांनी चिरागचा जवळचा मित्र यश खटीकला अटक केली आहे.

दिल्लीहून आपल्या गावी जात होता चिराग

कोतवालीचे एसएचओ सचिन कुमार यांनी सांगितले की, गाझियाबादमधील कोतवाली पोलीस ठाण्याच्या हद्दीत येणाऱ्या साई उपवनमध्ये राष्ट्रीय पॅरा-अॅथलीट चिराग त्यागीचा मृतदेह आढळून आला आहे. तो सकाळी दिल्लीतील वसतिगृहातून मुरादनगरमधील बसंतपूर साथली या आपल्या गावी जाण्यासाठी निघाला होता. पोलिसांच्या माहितीनुसार, त्याच्या पाठीवर एक छिद्र आहे. हे छिद्र गोळी लागल्याने झाले आहे. हे शवविच्छेदनानंतरच (पोस्टमॉर्टम) स्पष्ट होईल.

पोलीस करत आहेत प्रकरणाचा तपास

अधिकाऱ्यांनी सांगितले की, पोलिसांना सायंकाळी ७ वाजेच्या सुमारास या घटनेची माहिती देण्यात आली. पोलिसांनी मृतदेह ताब्यात घेऊन तो पुढील शवविच्छेदनासाठी पाठवला आहे. फॉरेन्सिक आणि गुन्हे शाखेच्या (क्राईम ब्रँच) टीमने घटनास्थळावरून नमुने गोळा केले आहेत. घटनेची माहिती मिळताच एसीपी उपासना पाण्डेय यादेखील घटनास्थळी पोहोचल्या. त्यांनी सांगितले की, मृताच्या कुटुंबीयांना या घटनेची माहिती देण्यात आली आहे. पोलीस आजूबाजूला लागलेल्या सीसीटीव्ही कॅमेऱ्यांची तपासणी करत आहेत.

आरोपीला अटक

चौकशीदरम्यान, आरोपी यश खाटिकने खुलासा केला की, तो आणि चिराग जुना मित्र होता आणि शाळेच्या दिवसांमध्ये अंध गटात एकत्र ॲथलेटिक्सचा सराव करायचे. काही दिवसांपूर्वी, कागदपत्रांच्या पडताळणीदरम्यान चिरागने यशविरुद्ध तक्रार दाखल केली. यामुळे यशची पात्रता रद्द झाली आणि त्याला स्पर्धेतून वगळण्यात आले. यामुळे संतापलेल्या यशने सूड घेण्याचा निश्चय केला होता. त्याने एक पिस्तूल मिळवले आणि संधी मिळताच चिरागवर गोळी झाडून त्याला ठार मारले.