नाद करा पण आमचा कुठं! गप्टीलने डोळे दाखवले, दीपक चाहरने पुढच्या बॉलवर विकेट घेतली, पाहा VIDEO

भारत आणि न्यूझीलंड (INDvsNZ) यांच्यातील पहिल्या T20 सामन्यात भारताने पाच गडी राखून विजय मिळवला आहे. जयपूरमधील सवाई मानसिंग स्टेडियम (SMS) येथे हा सामना खेळवण्यात आला.

Deepak Chahar

TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम | Updated on: Nov 18, 2021 | 1:17 PM

मुंबई : भारत आणि न्यूझीलंड (INDvsNZ) यांच्यातील पहिल्या T20 सामन्यात भारताने पाच गडी राखून विजय मिळवला आहे. जयपूरमधील सवाई मानसिंग स्टेडियम (SMS) येथे हा सामना खेळवण्यात आला. भारताकडून सूर्यकुमार यादव आणि नवा कर्णधार रोहित शर्मा यांनी शानदार खेळी साकारली. टी-20 विश्वचषकातील खराब कामगिरीनंतर भारतीय संघाने विजयासह नवी सुरुवात केली आहे. प्रशिक्षक म्हणून राहुल द्रविडचाही हा पहिलाच सामना होता. या सामन्यात भारताच्या गोलंदाजीवेळी मार्टिन गप्टिल आणि दीपक चाहर एकही शब्द न बोलता भिडल्याचे पाहायला मिळाले. त्यांनी केवळ नजरेने एकमेकांवर कुरघोडी करायचा प्रयत्न केला. (India vs New Zealand: Deepak Chahar wins battle of ‘cold stares’ after Martin Guptill’s no-look six)

न्यूझीलंडच्या फलंदाजीदरम्यान मार्टिन गप्टिलने 18 व्या षटकाच्या पहिल्याच चेंडूवर दीपक चाहरच्या गोलंदाजीवर शानदार षटकार ठोकला. षटकार ठोकल्यानंतर तो काही वेळ दीपककडे पाहात राहिला. त्याने बराच वेळ दीपककडे रोखून पाहिलं आणि त्यानंतर काही वेळाने त्याने बॉल कुठे गेलाय ते पाहिलं. त्यानंतर दीपकने एक फुल लेंथ बॉल टाकला. या बॉलवर गप्टील श्रेयस अय्यरकडे झेल देत बाद झाला. त्यानंतर दीपकने गप्टीलकडे रोखून पाहिलं. दोघांचेही फोटो फोटो सोशल मीडियावर खूप शेअर होत आहेत.

मार्टिन गुप्टिलच्या खेळीबद्दल सांगायचे तर, त्याने 31 चेंडूंमध्ये 19 वे टी-20 आंतरराष्ट्रीय अर्धशतक पूर्ण केले. दीपक चहरच्या गोलंदाजीवर झेलबाद होण्यापूर्वी त्याने 42 चेंडूत 70 धावांची धडाकेबाज खेळी खेळली होती. मार्टिन गप्टिलने आपल्या खेळीत 4 षटकार आणि 3 चौकार लगावले.

Deepak Chahar’s Look ??#WhistlePodu | @ChennaiIPL pic.twitter.com/GF7likaBW9

— CSK Fans Army™ (@CSKFansArmy) November 17, 2021

गप्टीलच्या या खेळीच्या जोरावर किवी संघाला 164 धावांपर्यंत मजल मारण्यात यश आले. या विजयासह भारताने घरच्या मैदानावर सलग 9 टी-20 सामने जिंकले आहेत. सूर्यकुमार यादवने कारकिर्दीतील तिसरे अर्धशतक झळकावले.

Deepak chahar is known for this ?pic.twitter.com/TyZMPrD9pY

— VIVO IPL 2022 | Wear a Mask ? (@IPL2022_) November 17, 2021

भारताची न्यूझीलंडवर मात

उभय संघांमध्ये खेळवण्यात आलेल्या पहिल्या टी-20 सामन्यात नाणेफेक जिंकून भारताचा कर्णधार रोहित शर्माने प्रथम गोलंदाजी करण्याचा निर्णय घेतला होता. ज्यानंतर न्यूझीलंडने 164 धावा केल्या. भारताने या धावांचा पाठलाग करताना सुरुवातीपासून चांगला खेळ दाखवला. सूर्यकुमार आणि रोहितने उत्तम खेळी करत भारताला विजयाच्या उंबरठ्यावर आणलं. रोहितने 36 चेंडूक 48 धावा केल्या. तर सूर्यकुमारने सर्वाधिक 40 चेंडूत 62 धावा केल्या. पण सूर्यकुमार बाद झाल्यानंतर श्रेयस अय्यर आणि वेंकटेश अय्यर दोघेही झटपट बाद झाले. ज्यामुळे अखेरच्या अखेरच्या 3 चेंडूत भारताला विजयासाठी 3 धावांची गरज होती. अशा वेळी आक्रमक फलंदाज ऋषभ पंतने चौकार लगावत सामन्यात विजय मिळवला. भारत आणि न्यूझीलंड यांच्यात 3 टी-20 सामने खेळवले जाणार असून यातील पहिला सामना भारताने जिंकल्याने भारताने 3 सामन्यांच्या मालिकेत 1-0 ची आघाडी घेतली आहे. यानंतर पुढील दोन सामन्यानंतर उभय संघांमध्ये 2 कसोटी सामने खेळवले जाणार आहेत.