IPL 2021 : राजस्थान रॉयल्सला चॅम्पियन कसं बनवणार? नवोदित कर्णधार संजू सॅमसनने सांगितला संपूर्ण प्लॅन!
रणनितीवर बोलताना संजू सॅमसन म्हणाला, या स्पर्धेची गरजच आक्रमता ही आहे. त्यानुसार आम्ही आक्रमक होऊनच खेळू पण संयम ढळू देणार नाही. Rajasthan Royals Captain Sanju Samson
मुंबई : आयपीएलच्या 14 व्या पर्वातील चौथा सामना आज राजस्थान रॉयल्स (Rajasthan Royals) विरुद्ध पंजाब किंग्ज (Punjab Kings) यांच्यात पार पडणार आहे. गेल्या काही दिवसांपासून राजस्थान संघात नव्याने बदल होतायत. नियमित कर्णधार स्टीव्ह स्मिथला (Steve Smith) राजस्थानने रिलीज करुन संघातील नव्या दमाचा खेळाडू विकेट कीपर फलंदाज संजू सॅमसनकडे (Sanju Samson) संघाच्या कर्णधारपदाची धुरा सोपविण्यात आली आहे. तसंच श्रीलंकेचा माजी कर्णधार कुमार संघकाराला (Sanju Samson) डायरेक्टर ऑफ क्रिकेट बनविण्यात आलं आहे. संघात हे जसे ने बदल केले जातायत तसेच बदल आता संघातील इतर खेळाडूंना संधी बाबचही करण्याचा मानस कर्णधार संजू सॅमसनने बोलून दाखवला आहे. (IPL 2021 Rajasthan Royals Captain Sanju Samson Press Conference over IPL team performance)
आयपीएलची सुरुवात 2008 साली झाली. अगदी पहिलंच पर्व राजस्थानने आपल्या कामगिरीने गाजवलं. पहिल्या पर्वाचं जेतेपद राजस्थानने मिळवलं. मात्र त्यानंतर राजस्थानला चमकदार कामगिरी करता आली नाही. पाठीमागच्या 12 वर्षांत राजस्थानला प्ले ऑफमध्ये स्थान मिळवायला देखील संघर्ष करावा लागला आहे. अशात आता संघात नव्या बदलाचे वारे वाहत आहेत. त्यानुसार संघाला जर स्थैर्य द्यायचं असेल तर खेळाडूंची संधी मिळाली पाहिजे, अशा मतापर्यत संघ व्यवस्थापन पोहोचलं आहे.
खेळाडूंना संधी मिळायला हवी
संघ पूर्ण क्षमतेने मैदानात उतरायला हवा. कारण संघात अनेक पर्याय आहेत. पर्यायी खेळाडूंना संधी मिळायली हवी, असं सांगताना संजू सॅमसन म्हणाला, मी आणि संघकारा (संगा) टीमला सर्वश्रेष्ठ कॉम्बिनेशन देण्यास तयार आहोत. यावेळी संघाला स्थिरता देण्याचा आमचा प्रयत्न असेल. ओपनिंग जोडी काय असेल कोण असेल हे आमचं ठरलं नाही, पण संघाला सर्वश्रेष्ठ देण्याचा आमचा प्रयत्न असेल.
आक्रमक खेळ ही आयपीएलची गरज
रणनितीवर बोलताना संजू सॅमसन म्हणाला, या स्पर्धेची गरजच आक्रमता ही आहे. त्यानुसार आम्ही आक्रमक होऊनच खेळू पण संयम ढळू देणार नाही. शेवटी संघाला जिंकवून द्यायचं म्हटल्यावर सगळ्यांनी परफॉर्मन्स करणं गरजेचं आहे. आम्हाला अपेक्षा आहे की यंदाच्या वेळी आमचा संघ चांगली कामगिरी करेल.
(IPL 2021 Rajasthan Royals Captain Sanju Samson Press Conference over IPL team performance)
हे ही वाचा :
IPL 2021 RR vs PBKS live streaming: राजस्थान रॉयल्स विरुद्ध पंजाब किंग्ज, सामना कधी, कुठे, केव्हा?
