मुंबई इंडियन्सच्या मॅचनंतर झालेल्या रहस्यमयी त्या मृत्यूचा उलगडा, अखेर सत्य समोर आलच

मुंबई इंडियन्स आणि कोलकाता नाईट रायडर्स (MI vs KKR) यांच्यातील आयपीएल २०२६ सामना मुंबईच्या वानखेडे स्टेडियमवर खेळला गेला. या सामन्यात मुंबई इंडियन्सने १३ वर्षांचा जुना रेकॉर्ड मोडून विजय मिळवला. मात्र, या विजयानंतर दुसऱ्याच दिवशी एक धक्कादायक आणि गूढ घटना समोर आली. ७६ वर्षीय ब्रिटिश नागरिक जन विल्यम लँगफर्ड यांचा मुंबईतील नरिमन पॉइंट येथील पंचतारांकित हॉटेलमध्ये निधन झाले आहे. ते इंडियन प्रीमियर लीग (IPL) साठी बोर्ड ऑफ कंट्रोल फॉर क्रिकेट इन इंडिया (BCCI) शी संबंधित ब्रॉडकास्ट इंजिनिअर म्हणून काम करत होते.

३० मार्च रोजी विल्यम लँगफर्ड आपल्या हॉटेल रूममध्ये बेशुद्ध अवस्थेत आढळले. ते काही दिवसांपासून IPL च्या कामानिमित्त हॉटेलमध्ये मुक्कामाला होते, असे पोलिसांनी सांगितले.ते २४ मार्चपासून हॉटेलच्या रूम नंबर २७१५ मध्ये मुक्कामाला होते. ३० मार्च रोजी सकाळी रिसेप्शनिस्टने त्यांना फोन केला, पण कोणताही प्रतिसाद मिळाला नाही. हॉटेल कर्मचाऱ्यांनी रूममध्ये जाऊनही उत्तर न मिळाल्याने मास्टर कीने रूम उघडली. आत गेल्यानंतर कर्मचाऱ्यांना ते बेशुद्ध अवस्थेत आढळले.

त्यांना तातडीने बॉम्बे हॉस्पिटलमध्ये दाखल करण्यात आले, मात्र डॉक्टरांनी त्यांना दाखल करण्यापूर्वीच मृत घोषित केले. मृतदेहाचा शवविच्छेदन करण्यात येणार आहे. पोलिसांनी सांगितले की, प्राथमिक तपासात कोणतीही संशयास्पद घटना आढळलेली नाही. “सध्या तरी कोणतीही संशयास्पद बाब आढळली नाही. मृत्यूचे नेमके कारण वैद्यकीय अहवालानंतरच समजेल,” असे एका पोलिस अधिकाऱ्याने एका वृत्तवाहिनीला सांगितले आहे.

तपास सुरू

या प्रकरणी मरीन ड्राईव्ह पोलिस ठाण्यात अ‍ॅक्सिडेंटल डेथ रिपोर्ट (ADR) नोंदवण्यात आली आहे आणि पुढील चौकशी सुरू करण्यात आली आहे. झोन-१ चे डेप्युटी कमिशनर ऑफ पोलिस डॉ. प्रवीण मुंडे यांनी या घटनेची पुष्टी केली. ते म्हणाले की, व्यक्ती हॉटेल रूममध्ये बेशुद्ध अवस्थेत आढळला आणि नंतर हॉस्पिटलमध्ये त्याला मृत घोषित करण्यात आले.

कोण होते जन विल्यम लँगफर्ड?

जन विल्यम लँगफर्ड हे मूळचे ब्रिटिश नागरिक होते आणि आयपीएल २०२६ साठी मुंबईत ब्रॉडकास्ट इंजिनिअर म्हणून काम करत होते. या गूढ मृत्यूमुळे आयपीएल वर्तुळात खळबळ उडाली आहे.