Asian Games 2026: ‘जेन झी’ ब्रिगेड सज्ज, आता टीम इंडियाचा डंका वाजणार!

कॉमनवेल्थ गेम्स 2026 स्पर्धा नुकतीच पार पडली असून आता वेध लागले आहेत ते एशियन्स गेम्सचे.. चार वर्षांनी आयोजित होणाऱ्या या स्पर्धेसाठी भारतीय खेळाडू सज्ज आहेत. स्पर्धेचं यजमानपद जापानकडे असून ही स्पर्धा 19 सप्टेंबर ते 4 ऑक्टोबरदरम्यान असणार आहे. या स्पर्धेत एकूण 43 खेळांमध्ये 469 पदकांसाठी स्पर्धा होणार आहे. भारताने मागच्या पर्वात 106 मेडल जिंकले होते. यात 28 गोल्ड, 38 रौप्य आणि 40 कांस्य पदकांचा समावेश होता. यंदाच्या पर्वात मेडलचा आकडा वाढू शकतो. या स्पर्धेत भाग घेणाऱ्या भारतीय खेळाडूंकडून फार अपेक्षा आहेत. जास्तीत जास्त पदकं जिंकण्याच्या हेतूनेच खेळाडू मैदानात उतरणार आहेत. याची झलक कॉमनवेल्थ स्पर्धेत आधीच दिसून आली आहे. असं या स्पर्धेत Gen Z स्पर्धक आकर्षणाचा केंद्रबिंदु असणार आहेत. कारण त्याच्या हातात या स्पर्धेची खऱ्या अर्थाने कमान असणार आहे.

Gen Z स्पर्धकांकडून पदकाची अपेक्षा

जेन झी बाबत गेल्या काही दिवसांपासून बरीच चर्चा रंगली आहे. अनेकांना जेन झीबाबत माहिती आहे. ज्यांचा जन्म 1997 ते 2012 दरम्यान झाला आहे. अशा व्यक्तींना जेन झी असं संबोधलं जातं. या कालावधीत जन्मलेले बरेच स्पर्धक एशियन गेम्स स्पर्धेत भाग घेणार आहेत. त्यामुळे त्यांच्याकडून फार अपेक्षा आहेत. जेन झी स्पर्धकांना कॉमनवेल्थ स्पर्धेत आधीच आपली छाप सोडली आहे. त्यामुळे त्यांच्याकडून या स्पर्धेतही अशाच कामगिरीची अपेक्षा असणं सहाजिकच आहे. या खेळाडूंमध्ये साक्षी चौधरी (बॉक्सिंग), प्रीति पवार (बॉक्सिंग), सचिन (बॉक्सिंग), अरुंधती चौधरी (बॉक्सिंग), ज्ञानेश्वरी यादव (बॉक्सिंग), जॅस्मिन (बॉक्सिंग), अस्मिता डे (ज्यूडो) आणि हर्ष सिंह (ज्यूडो) अशी नावं आहेत. या खेळाडूंचा जन्म 1997 ते 2010 या दरम्यान झाला आहे.

“The Asian Games are just two months away, and that’s the biggest tournament coming up.”

“It’s also an Olympic qualifier, so that’s my main focus over the next few months. Hopefully, I can win a gold medal at the Asian Games.”

– Anahat Singh pic.twitter.com/x15FGJSvSc

— The Khel India (@TheKhelIndia) August 3, 2026

Gen Z अनाहत सिंह सुवर्ण पदकासाठी सज्ज

कॉमनवेल्थ स्पर्धेत काही खेळाडूंना भाग घेता आला नव्हता. पण आता काही जेन झी पिढीतील काही स्पर्धेत एशियन गेम्स स्पर्धेसाठी सज्ज आहेत. भारताची स्टार स्क्वॅश खेळाडू अनाहत सिंह या स्पर्धेसाठी सज्ज झाली आहे. तिच्याकडून सुवर्ण पदकाची अपेक्षा आहेत. 18 वर्षीय अनाहत सिंहने एशियन गेम्स सुवर्ण पदक जिंकण्याची घोषणाही केली आहे.