फिफा वर्ल्डकप स्पर्धेत असं पहिल्यांदाच घडलं! 74 व्या मिनिटानंतर सामन्याचं चित्र बदललं आणि…
फिफा वर्ल्डकप 2026 स्पर्धेत स्वित्झर्लंड आणि बोस्निया हर्जेगोविना हे संघ आमनेसामने आले होते. या साम्यात स्वित्झर्लंडने बोस्नियाला 4-1 ने पराभवाची धूळ चारली. पण हा विजय वर्ल्डकप स्पर्धेच्या इतिहासात खास होता. त्याला कारणही तसंच आहे.
Switzerland vs Bosnia-Herzegovina: फिफा वर्ल्डकप 2026 स्पर्धेत काही विक्रम रचले आणि मोडले जात आहे. पण काही विक्रम आश्चर्यकारकही आहेत. कारण यापूर्वी या स्पर्धेत असं कधीच घडलं नव्हतं. त्यामुळे फिफा वर्ल्डकप 2026 स्पर्धेत स्वित्झर्लंडचं नाव विक्रमाच्या यादीत नोंदवलं गेलं आहे. ग्रुप बी मध्ये स्वित्झर्लंडचा दुसरा सामना बोस्निया आणि हार्जेगोविना यांच्यात पार पडला. पहिल्या सामन्यात स्वित्झर्लंडचा सामना बरोबरीत सुटला होता. पण दुसऱ्या सामन्यात स्वित्झर्लंडने विजयी झेंडा फडकावला. बोस्निया आणि हार्जेगोविना विरूद्धचा हा सामना स्वित्झर्लंडने 4-1 ने जिंकला. हा विजयी विक्रमी ठरला. त्याला कारणही तसंच आहे. कारण हा सामना जसा झाला तसं वर्ल्डकप स्पर्धेच्या इतिहासात यापूर्वी कधीच घडलं नव्हतं. कारण या सामन्याच्या 73 व्या मिनिटापर्यंत सामना गोलरहित होता.
वर्ल्डकप इतिहासात या सामन्याची नोंद
स्वित्झर्लंडने 74 मिनिटांपर्यंत पहिल्या गोलसाठी संघर्ष केला. इतकंच काय तर पहिल्या गोलनंतर आणखी तीन गोल मारले. बोस्नियाने देखील एक गोल मारला. पण 4 गोलचं अंतर कमी करण्यात अपयश आलं. फिफा वर्ल्डकप स्पर्धेच्या इतिहासात शेवटच्या टप्प्यात 4 गोल मारण्याचा विक्रम स्वित्झर्लंड संघाने केला आहे. तर एक गोल बोस्नियाच्या नावावर नोंदवला गेला. यापूर्वी असं कधीच घडलं नव्हतं. सामन्याच्या 74 व्या मिनिटापासून एकूण 5 गोल मारले गेल्याने हा अनोखा विक्रम नोंदवला गेला आहे.
राखीव खेळाडूने केली कमाल
स्वित्झर्लंडचा संघ पहिल्या हाफपासून गोल मारण्यासाठी धडपड करत होता. पण दुसऱ्या हाफमध्ये प्रशिक्षक मूरत याकिन यांनी फासे टाकले आणि ते यशस्वी ठरले. त्यांनी बेंचवर बसलेल्या राखीव खेळाडू जोहान मंझाम्बी आणि रुबेन वर्गासला मैदानात पाठवलं. त्यामुळे या सामन्याचं चित्रच बदललं. रुबेन वर्गासने 74व्या मिनिटाला गोल मारला आणि संघाला आघाडी मिळवून दिली. आघाडी मिळाल्यानंतर आक्रमक खेळ पुढे नेण्याचा प्रयत्न स्वित्झर्लंडच्या खेळाडूंनी केला. मझांबीच्या अप्रतिम पासवर बोस्नियन बचावपटू तारिक मुहरेमोविचने ब्रील एम्बोलोवर फाऊल केला. त्यामुळे रेफरीने मुहरेमोविचला रेड कार्ड दाखवून बाहेर पाठवलं.
रुबेन वर्गासने दुसरा गोल मारला आणि 2-0 ने आघाडी घेतली. त्यानंतर 90 व्या मिनिटाला मझांबीने गोल मारला आणि 3-0 ने आघाडी घेतली. त्यांतर बोस्नियन एर्मिन महमिकने गोल मारला आणि 3-1 अशी स्थिती आणली. पण बरोबरी साधण्यात अपयश आलं. अतिरिक्त वेळेत जिब्रिल सोव्हवर झालेल्या फाऊलमुळे स्वित्झर्लंडला पेनल्टी मिळाली. कर्णधार ग्रॅनिट झाकाने अचूकपणे गोलमध्ये रूपांतरित करून आपल्या संघाला ४-१ असा ऐतिहासिक विजय मिळवून दिला.
