Virat Kohli Anushka Sharma: ज्यांचे भजन ऐकून विराट, अनुष्का मंत्रमुग्ध होतात; ते कृष्णादास आहे तरी कोण?
Virat Kohli And Anushka Sharma Krushnadas Concert Video: विराट कोहली आणि अनुष्का शर्मा यांचा कृष्णादास यांच्या कॉन्सर्टमधील एक व्हिडिओ जोरदार व्हायरल होत आहे.
Virat Kohli And Anushka Sharma Video Viral : विराट कोहली कायमचाच लंडनमध्ये स्थायिक झाला आहे हे काय नवीन नाही. पण असे असले तरीही तो अधून मधून भारतात येत असतो, कधी कधी मॅच खेळायला तर कधी कधी त्याच्या पर्सनल कामासाठी भारतात येत असतो. आता नुकताच तो भारतात परतला आहे. काल तो एका कार्यक्रमात दिसला ज्याचे व्हिडिओ आता मोठ्या प्रमाणात व्हायरल होत आहे.
टीम इंडियाचा स्टार क्रिकेटपटू विराट कोहली त्याची पत्नी आणि बॉलिवूड अभिनेत्री अनुष्का शर्मासोबत मुंबईत कृष्णा दास यांच्या कॉन्सर्टमध्ये दिसले. सोशल मीडियावर व्हायरल होत असलेल्या एका व्हिडिओमध्ये हे जोडपे प्रेक्षकांमध्ये बसून कार्यक्रमाचा आनंद घेताना दिसत आहे. विराट काळ्या रंगाच्या टी-शर्ट आणि कॅज्युअल कपड्यात दिसला, तर अनुष्का गुलाबी रंगाच्या ड्रेसमध्ये दिसली. चाहत्यांना त्यांची साधी शैली खूप आवडली आहे. गेल्या काही वर्षांपासून हे जोडपे आध्यात्मिक कार्यात अधिकाधिक सहभागी होत आहे.
Virat Kohli and Anushka Sharma at Krishna Das concert in Mumbai. https://t.co/ZwswXAPVf7
— Mufaddal Vohra (@mufaddal_vohra) October 25, 2026
३१ मे १९४७ रोजी अमेरिकेत जन्मलेल्या कृष्णा दास यांचे खरे नाव जेफ्री केगल आहे. १९६० आणि १९७० च्या दशकात भारताला भेट दिल्यानंतर ते जेफ्रीपासून कृष्णा दास झाले. भारतात ते नीम करोली बाबांना भेटले. भारतीय अध्यात्माची अधिक सखोल समज प्राप्त झाली. असे मानले जाते की, भारतात नीम करोली बाबांना भेटल्यामुळे जेफ्री यांना अध्यात्म आणि भारतीय संस्कृतीबद्दल एक नवीन दृष्टीकोन मिळाला.
जेफ्री यांनी नीम करोली बाबांना आपले गुरू म्हणून स्वीकारले. जेफ्री यांच्या म्हणण्यानुसार, नीम करोली बाबा प्रसन्न झाले आणि त्यांनी मला कृष्णदास हे नाव दिले. भारतातून परतल्यानंतर, जेफ्री यांनी आध्यात्मिक आणि धार्मिक संगीतावर आधारित भजने गायला सुरुवात केली. कृष्णावर असलेल्या गाढ श्रद्धेमुळे जेफ्री यांनी स्वतःला कृष्णदास असे नाव दिले.
दुसरीकडे, विराट कोहली ४ नोव्हेंबरपासून सुरू होणाऱ्या भारत आणि न्यूझीलंड यांच्यातील एकदिवसीय मालिकेसाठी पूर्णपणे तयार आहे. कोहली नेटमध्ये फलंदाजीचा सराव करत असल्याचा एक व्हिडिओ सोशल मीडियावर वेगाने व्हायरल होत आहे. ज्यामुळे आता न्यूझीलंडविरुद्ध तो आक्रमकपणा दाखवेल यात काही शंका नाही.
